23 Mpal ban’may aŋità mun’bɛɛrà Yɛsu u kulunsi, ba bàwɛl ipfɛy ande, bàsi bya an’kab an’nà, mbuur mbuur kàwɛl kab làmwɛy. Làsàsal nà kàzak ande. La làkäl anki làŋàtsum: ipfɛy mwɛy fà du tii u ngyɛl. 24 Aŋità bàtɛɛnà ba a ba naa: « Wɛy bi ikɔ̈ɔ̈n akaam kya, wɛɛ bi itɔɔm löb, ntɔn muyöb naa nà awal kya. » Ntɔn naa Ndaa Aŋàsɔn ikwe:

« Ba bàsi ipfɛy amɛ an’kab

anà ba bàtɔɔm löb ntɔn kàzak amɛ. »

Byabi indiir bàkyer aŋità.

25 Baar bàkäl tsütsü a kulunsi anà Yɛsu babà: ngwän, mpääŋ a ngwän, Màlye un’kyay a Kɔlɔpasi, anà Màlye un’nsi Makdalà. 26 Yɛsu kàmɛn nde ngwän anà un’lɔŋki kàfakweenà nde ukɔl a nde, nde kàtɛn a ngwän naa: « Un’kaar, le mwan angye wàbaal. » 27 Ungö waa kàtɛn a un’lɔŋki naa: « Le ngwa. » Fà apan, un’lɔŋki kun’wɛl u ndwà ande.