13 Pak a Ayudà làkäl tsütsü mukwo, Yɛsu waa kàbeenà Yɛlusàlɛm. 14 Nde kàmɛn ayääl a ngɔɔmà, in’kɔk, an’yem anà agyɛɛŋ a ngim sye bàkyàbwaay uboo a ndwà a Nzam. 15 Abun, nde kàkyer füm a in’siŋ, waa kàböŋ ba banswà u ndwà a Nzam, anà ngɔɔmà, anà in’kɔk aba. Nde kàpay ngim a agyɛɛŋ anà kàbuum mɛsà aba. 16 Nde kàtɛn a ayääl a an’yem naa: « Làlwom indiir abi byanswà pà! Twon lan’buul ndwà a Taaràmɛ ndwà atà yà! » 17 Alɔŋki ande bàyɔbà naa bàsön abà: « Ukwen a ndwà angye bàkyer asan’kwiiy. »