YWAN 20:19-23 | YNS | Bíblia Online

Yɛsu kan’mɛnà akalɔŋki ande

19 Làsisye a ilä nsil aki, ilä atàtwɛb kyà mpɔsà, alɔŋki bàkàköŋ u ndwà, ibeenà byàkäl byàŋàdübà a in’kaŋàboo, ntɔn ba bàtiinà bɔɔmà a amfum a Ayudà. Yɛsu waa kàyi, kàmbär uboboo a ba, waa kàtɛn a ba naa: « Duu làkäl anà bɛ! » 20 Ungö mutɛn abà, nde kamɛɛy an’kɔɔ anà bɛl a nsyäärà ande. Alɔŋki banswà bàkäl unsà un’sak muman Mwol. 21 Yɛsu kàfàtɛn a ba naa: « Duu làkäl anà bɛ! Asànaa kan’töm Taa, mɛ, mɛ sye amàlatɔm. » 22 Ungö a ndaa ayi, nde kafül un’swey, waa kàtɛn a ba naa: « Làwɛl Dweelà In’kyɛɛl! 23 Akà baar abà làsàdwääl bɛ nkul a man’be aba, ba bàsàwal ndwääl a nkul. Wɛɛ akà baar mpa làsàdwääl bɛ nkul, ba ya sye bàsàwal anki. »

YWAN 20

Yɛsu kan’mɛnà akalɔŋki ande

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?