João 5

Yɛsu kan’kɔɔr ikar mwɛy wàbaal

1 Ungö a indiir abi byanswà, kàkäl anà un’kyɔm a Ayudà, waa Yɛsu kàbeenà Yɛlusàlɛm. 2 Kyekà, u Yɛlusàlɛm, tsütsü a munàmbwo a In’kɔk, kyàkäl anà itɛy a an’dà bàfàbel un’sà Ɛbɛlyɔ naa Bɛtesdà. Kya kyàkäl anà myäy, myäy in’tyeen. 3 Ungyɛl a myäy ami un’kàbɔ abɛy bàkäl musil: ikwàmii, aŋibweel anà ikar bàkäl mudil naa an’dà inini, 4 ntɔn utaaŋ làmwɛy un’kyeey a Mwol mwɛy kàfatɔlà uboo a itɛy, waa kàfanii an’dà. Un’bɛy atàtwɛb kàfatɔlà kan’dà aŋàni, kàkyer afakɔɔrà itàkal naa ukyal ande abɛy bàkaben. 5 Kwo kàkäl anà ikar mwɛy kàkäl anà ukyal mbul an’kwem an’tär aŋinaan. 6 Utaaŋ kun’mɛn Yɛsu wàŋàbɔ̈ɔ̈n anà kàyöb nde naa nde kàbɛl itaan, nde kun’fuul naa: « Nkye ngye akyàkwen akɔɔrà? » 7 Ikar kun’fuur naa: « Mwol, mɛ in’we anki anà mbuur akan’tɔɔm uboo a itɛy umpal ifàsɛmà an’dà munini. Umpal in’kyà mɛ, mbuur asin kan’tɔɔmà kusà a mɛ. » 8 Yɛsu kàtɛn a nde naa: « Mbarà, sɛn ipɔy angye, kyen. » 9 Apan sye, baal awà waa kàkɔɔrà, kàsɛn ipɔy ande, waa kàsɛmà mukyà. Kyekà, ilä akin kyàkäl ilä a saba.