MALAKƆ 8

34 Ungö nde kàbel un’sɛŋ a baar anà alɔŋki ande, waa kàtɛn a ba naa: « Isàkal naa mbuur akwen mukan’lab, wɛy nde ukɔɔb ndür ande, usɛɛn kulunsi ande, waa kan’lab. 35 Ntɔn mbuur usàkwen mutii mɔ̈ɔ̈ ande, wa asàkyà bwà, wɛɛ mbuur usàpiy mɔ̈ɔ̈ ande ntɔn mɛ anà làsaŋ aŋàbwaŋ, nde asàtswà wa. 36 Bweel nà mbuur kan’kwo muwal uman naa nde kan’wal mɛɛn manswà, wɛɛ mɔ̈ɔ̈ ande ukyà bwà? 37 Abun, ininà mbuur kan’kwo mupà ntɔn musɔɔm mɔ̈ɔ̈ ande? 38 Ntɔn mbuur usàwem mɛ nswɛn anà ndaa amɛ uboo a nkööl ayi yinswem anà yube, Mwan a mbuur sye asun’wem nswɛn mpal usàyà nde unsà làkoo a Taarànde, anà akyeey in’kyɛɛl. »