MÀTAY 18

Ube a un’tɔŋ

15 « Isàkal naa un’tɔŋ angye kàmakyer ube, kyen kun’mɛn, kun’mɛɛy ube kan’kyer nde. Isàkal naa nde kan’kyey, ngye an’fuur itɔŋ abɛ. 16 Wɛɛ isàkal naa nde kawem anki, syen mbuur mwɛy itàkal baar bɔ̈ɔ̈l, ntɔn ndaa yanswà ikäl aŋàlɔ̈ɔ̈n u mun a ambäl abɔ̈ɔ̈l itàkal atär. 17 Isàkal naa nde ba kawem anki, kasaam ya kà Ikööŋ. Isàkal naa nde kan’tɔn muwem Ikööŋ, wɛy nde ukäl akà ngye asànaa mbuur mpa awà un’yudà itàkal un’füür a itɛr.

18 « Ndandaa mɛ alàkyään: undiir wanswà làsàbäm bɛ u mɛɛn, wa asàkal wàŋàbäm u du. Undiir wanswà làsàtsuuŋ bɛ u mɛɛn, wa asàkal wàŋàtsuuŋ u du.

19 « Mɛ, mɛ in’fàlakyään naa isàkal naa baar abɔ̈ɔ̈l uboo abɛ ban’lwɛŋ u mɛɛn pà ntɔn mulɔm undiir, Taaràmɛ awà u du akyer asapà wa. 20 Ntɔn baar abɔ̈ɔ̈l itàkal atär bàsàtüüb kà ikɔb amɛ, mɛ in’wà uboo a ba.»