1 « Apan, Imwol a du isàkal asànaa baan asye ankɔr bàwɛl minà aba ntɔn mukàbwey a un’dim aba. 2 Atyeen uboo a ba bàkäl insil, atyeen bàkäl aŋan’yeerà. 3 Insil bàwɛl ba minà, ba bàsyen anki may. 4 Asye aŋan’yeerà, bàwɛl ba minà, ba bàwɛl anà may unsà in’laŋ. 5 Kyekà baal atà bɔr kàkyer itaan muyà, undiir awun ba banswà bàbɔ̈ɔ̈n ba. 6 Uboboo a mpib, ba bàwem làso làmwɛy: "Le baal atà bɔr! Làkyen kàlabwey anà nde!" 7 Apan, asye ankɔr banswà bàwiyà ba, ba bàsɛmà mulɔn minà aba. 8 Asye insil bàtɛn a asye aŋan’yeerà naa: "Lipɛ bi ndam a may, ntɔn minà abi myàmudim." 9 Aŋan’yeerà bàfuur naa: "Aay, may ikwo anki ntɔn bɛ anà bi. Làkyen kàlasöm akà baar bàfàyälà ma." 10 Mpal bàkyen ba mukàsom ma, baal atà bɔr laa kàyàkɔlà nde. Asye akwà bàkäl aŋàlɔ̈ɔ̈n bàbilà mbwo mwɛy anà nde u ndwà atà bɔr, waa bàdübà ibeenà. 11 Ungöngö, asye ankɔr bumwɛy bàyi ba, ba bàtɛn naa: "nkum, nkum, iduub!" 12 Wɛɛ nde kafuur naa: "Mɛ alàkyään ndandaa naa mɛ alàyöb anki." 13 Undiir awun, làkäl aŋàlɔ̈ɔ̈n taaŋ lanswà. Ntɔn bɛ làyöb anki itàkal ilä, itàkal taaŋ. »