2 Pedro 2

Lingthya Profeh hae te Detahnaw

1 Thuasalama Israel hae laku kya lingthya profeh hae mah a la um hae, tuhawte ahme leipaw ccangpahtu hae mah nae kya oun langkuh cih hae. Minmin nynh ccungccaw arosah thyapaw ahme leipaw ccangpyakunaw kha aphiruh lante yn teekhae cih hae; mimaw a shawkhawtu hae paw Bawipaw kha heize phe vuate, mimaw tungvaw arangte ronaw kha a thuakhaekuh cih hae. 2 Ccungccaw patae nynh anungsikuhpaw mih ziazae kha a zui cih hae zah minmin keiccuze byaccing laanpi tuh thethya a ho cih hae. 3 Karankunaw thinlung keiccuze nanning kha hynbya te amia ae ccungnahkuh cih oh. Langmawlya mawte minmin byapianaw tuh amaw um lan um huataw khyh, minmin kya-e ronaw mah ih khyh.