BYAPHY 20

Michi hae Byapianaw

11 Myarya lepaw bawitungkhung arawpaw te tuh-e vawlan a haungpaw kha ka muih, tuh-e paw malang kyate vaaw te lae tuh ccue hae zah, mih hanlan umnaw um vae khyh.✝20.11-12: Dan 7.9-10 12 Michi hae adih te ale nynh bawitungkhung malang a thadyn hae paw kha ka muih; te ccauh hae kha a kia hae. Hiinnaw ccauh athuapaw ccangpaw ccauh kha mah kia athua. Michi hae tuh mih ryalaw thyhte, tuh-e ccauh hae kya azeiku thyhte byapia athua hae. 13 Rili nynh a kya umpaw michi hae kha a poukhae. Chinaw te michi khua hae nynh mih kya umpaw michi hae kha a poukhae hae. Ccungccaw hae balyn tuh mih ryalaw thyhte byapia athua hae. 14 Chinaw te michi khua tuh maee tuili lungkhu lang vua athua hae. Tuh-e maee tuili tuh vaening chinaw nynh thua. 15 Hiinnaw ccauh kya a min zei athua leipaw miakaw tuh maee tuili lungkhu lang vua athua hae.