Mateus 18

A Seipaw Uno Thuiheinaw

15 "Na uno nynh na tungvaw a cyisei ze, cceih lah nae makhae kyakhe a cyiseinaw kha hopah; aning nynh ae ngaepya lanze na uno kha bua na muethui.✝18.15: Luk 17.3 16 Thuasalama aning nynh ae ngaepya khyh ze, lu kheit khyhze lu ning la hoeikuh hae, tuhteze nynh ccaekia lu ning khyhze lu thum hae liate na hopaw bya miakaw tuh atyn cih.✝18.16: Deu 19.15 17 Aning nynh minmin bya kha a ngae khyh ze khriccaawbuu kya na ho cih; khriccaawbuu bya kha bua a ngae vae khyh ze amaw kha lawkipaw te ngunto khoipaw hawte la tua ccavae. 18 Byaccaccing kae hopya oh, pawpaw zemah laephi vawlan na khiide oh paw tuh vaawlang kya khiide athua cih, te pawpaw zemah laephi vawlan na supya oh paw tuh vaawlang kya supya athua cih.✝18.18: Mat 16.19; Joh 20.23 19 Nanning kha bua kae hopya oh, laephi vawlan hin nanning kyaze ccungccaw lu ning nynh lunglokute uccaw hankhakheit kha a ngia hae ze, vaawlang umpaw ka Paaw nynh a pya cih hae. 20 Pawccecize lu ning khyhze lu thum nynh ka min te a sueluakunaw hae kyakhe kae mah minmin kya ka umbua," a cipya hae.