10 Milagres de Jesus na Bíblia: Lista com versículos e explicação

Os milagres de Jesus são muito mais do que demonstrações de poder sobrenatural; eles são sinais que confirmam sua divindade e missão. Ao longo dos Evangelhos, vemos Cristo curando enfermos, dominando a natureza e vencendo a morte.

Neste guia, selecionamos 10 milagres de Jesus na Bíblia, organizados com referências e uma breve explicação sobre o impacto espiritual de cada um deles.

Os principais milagres de Jesus nos Evangelhos

1. Transformação da Água em Vinho

Referência: João 2:1-11
Explicação: Ocorreu nas Bodas de Caná. Sendo o seu primeiro milagre público, Jesus demonstrou autoridade sobre a matéria e a natureza, revelando sua glória aos discípulos e abençoando a instituição da família.

काना होयरोम वेहवाल

1 तिसरा दिहोमेहें गालीलोअ काना होयरोमेहें कोडाआ तेबी वेहवाल ओतो, आन ईसुउ आयही बी तिहीं ओती. 2 ईसु आन तियाआ सेलां बी तिया वेहेवालोम आयाते. 3 जेहेलाम दाराक्शाआ रोह सेलाइत गोयू, ताहां ईसुउ आयही तियाहा कोयो, "तियां पोअ दाराक्शाआ रोह सेलाइत गोयू."

4 ईसु तियीही कोयो, "ए बाय, ओं तु माहूं काहा कोतापेहे? माआं वेल ओमे नाहांजी आयी."

5 तियाआ आयही, सेवकोहों कोयो, "ओ जों कोय, तोज तुमू कोअजा."

6 तिहीं पाईं पोइलाआ डोणोअ सोव कुंडे मिकीत रोयेते, एं या उद्देशोवाअहीं मेक्येते के, यहुदी कायदाअ पुरमाणे सोकायीइ काजे कामोमेहें लागाड़ीत सेके. हारेक कुंडामेहें एहेलोहो 80 ते 120 लिटर जाआं पाईं होमाअतोतो. 7 ईसु सेवकोहों कोयो, "कुंडामेहें पाईं पोई द्या." आन तियां सेवकहों कुंडाहां सिकार पोई देदे. 8 फाशोअ तिये तियांहां कोयो, "ओमे जारिक पाईं काडा आन रांदीणक्याआ मुख्याआ जागे लेत जावा." आन ते तियाहा लेत गोया. 9 जेहेलाम रांदीणक्याआ मुख्ये तों पाईं साकीत पाल्यो, जों दाराक्शाआ रोह बोणीत गोयोतो आन ने मुंदू ओतू के तो का रोत आयुहू, पोन जियां सेवकों पाईं काड्योतो, तियांहां मुंदू ओतू, ताहरुउ रांदीणक्याआ मुख्ये वोरोहो हाद्‍यू, 10 आन तियाहा कोयो, "हारेक माहुंउं पेल हाजू दाराक्शाआ रोह वाटेहे, आन जेहेलामेहें माहें पित कोइते साकीत जातेहे, तेहेलामेहें मध्याममेर्‍युउ दाराक्शाआ रोह आपतेहे; पोन तुमे तोम हाजू दाराक्शाआ रोह ओमे जाआं वासाड़ीत मिक्युहू."

11 ईसु गालीलोअ काना होयरोमेहें तियाआ ओ पेल्लूउ समत्कार देखाड़ीत कोइत तियाआ महिमा देखाड़्यी, आन तियाआ सेलहां तियापोअ विश्वास कोअयू.

João 2:1-11

2. Cura do cego de nascença

Referência: João 9:1-12
Explicação: Jesus usa lodo para curar um homem que nunca havia enxergado. Este milagre prova que Ele é a Luz do Mundo e tem poder para restaurar o que nasceu com defeito.

ईसुउ जल्मार्‍याअ आंदला माहुंहूं हुदारीइलो

1 सालता सालतामेहें तिये एका माहुंहूं देख्यो, जो जल्मार्‍योओज आंद्लो ओतो. 2 तियाआ सेला तियाहा फुशो, "गुरु, कोडे पाप कोअयुतो के ओं आंद्लो उबज्यो, ये के याअ आयहीन आब्हे?"

3 ईसु उत्तर आप्यो, "ये नाहां पाप कोअयू, नाहां याअ आयहीन आब्हू; पोन ओं याअकाजे ओवोहो के देवोअ काम यामेहें रोत देखाअहूं जोवे. 4 जिये माहूं मोकल्युहू, आपुहूं तियाआ काम दिही होय ताअहूं कोइलाआ जरुरी होय; ते रात आवनारी होये, जियीमेहें कोडोज काम ने कोइत सेकनारो. 5 जाअहूं जाआं आंय दुन्यामेहें होय, ताअहूं जाआं आंय दुन्याअ उजालो होय."

6 ओं कोत कोइत तिये पुयींपोअ थुप्यो, आन तिया थुपोवाअहीं कादुउ केलव्यू, आन तो कादुउ तिया आंद्लाआ डोआपोअ लागाड़ीत कोइते, 7 तियाहा कोयो, "जा, सिलोहोअ कुंडीमेहें तुवीत ले." सिलोहोअ अर्थ होय "मोकलीइल्यू." तिये जात कोइत डोआ तुव्या आन पालतूज वोलीत आवयू.

8 ताहां आहने रोनारें आन जियां पेल तियाहा बिख मागत्लू पाल्युतो, तें कोने वोल्ये, "केहें ओ तोज नाहां के, जो बोठ बोठू बिख मांग्या कोअतुतो?"

9 थोड़हे माअहें कोयो, "ओ तोज होय," बिहीरे कोयो, "नाहां पोन तियाआ सारकुज होये."

तिये कोयो, "आंय तोज माटी होये."

10 ताहरेए ते तियाहा फुसे वोल्ये, "ताआ डोआ कि कोइत उगड़्या?"

11 तिये उत्तर आप्यो, "ईसु नावोअ एक माहुंउं कादुउ केलवीइल्यू, आन माआं डोआपोअ लागाड़ीत कोइत कोल्यो, ‘सिलोहोमेहें जात कोइत तुवीत ले,’ ताहरुउ आंय गोयू आन तुवया ताहां देखाओ वोल्यो."

12 तियां तियाहा फुशो, "तो का होये?"

तिये कोयो, "माहूं ने मुंदू."

João 9:1-12

3. Multiplicação dos pães e peixes

Referência: Mateus 14:13-21
Explicação: Com apenas cinco pães e dois peixes, Jesus alimentou mais de 5 mil homens. Este sinal revela Cristo como o Pão da Vida, aquele que supre todas as nossas necessidades.

ईसु पास हाजार माहुंहूं रोटू खावाड़त्लू

13 जाहां ईसु योहानोअ मोयातीइ खबर उनाअयू, ताहां तो नावड़ामेहें बोहीत तिहीं रोत हुंदली जागे जातु रोयू. माअहें ओं उनाइत होयर सोड़ीत तियाआ फासाड़ी पागे पागेज गोये. 14 तिये नावड़ाप रोत उतरीत कोइत एक वोडी गर्दी देख्यी, आन तियांपोअ तियाहा किइमाय आवयी आन जें बिमार ओते तियांहां हुदार्‍ये.

15 हांजे पोअ तियाआ सेला तियाआ जागे आवित कोयो, के "ओ हुंदलू जागू होये आन वाआ बी लागेहे, यां माअहुंहूं जाअहूं दे, मोन्ज्ये तें वोहतीमेहें जात कोइत जिव जिवोअ काजे रोटू वेसातू लेत लेय."

16 "पोन ईसु तियांहां कोयो, ते ने जाअहूं जोवे! तुमूज याहां कि तेबी खायतेहें आपा!"

17 तियां तियाहा कोयो, "इंहीं आमापोअ पास रोटा आन बेन मासे या वासी बिहीरो किज कायनाहां."

18 ईसु कोयो, "ते माआं जागे लेतावा!" 19 ताहां तिये माअहुंहूं डोमटा पोअ बोहे तेहें कोयो, आन ते पास रोटा आन बेन मासा आथम लेत कोइत होरगाअहें पालीत देवोअ धन्यवाद कोअयो, आन रोटा मुड़ी-मुड़ीइ सेलाहां आप्या, आन सेला माअहुंहूं आप्या. 20 जाहां आखे खात ताराईत गोये, ताहां सेला उगरीइल्या कुटकाआ बारा टोपली पोअयी. 21 आन खानारामेएं बोईं आन पोर्‍ये सोड़ीत पास हाजार माटी ओता.

Mateus 14:13-21

4. Jesus acalma a tempestade

Referência: Marcos 4:35-41
Explicação: Com uma ordem, o vento e o mar se aquietam. O milagre ensina sobre a paz que excede o entendimento e a autoridade do Messias sobre a criação.

ईसु वादुउ बंद कोअत्लू

35 तेदिहींज हांजेपोअ ईसु तियाआ सेलाहां कोयो, "साला, आपू दोर्‍याअ तियी मेरे जात्ला." 36 ताहां तियी गोरदीही सोड़ीत देत तो जेहलुहू ओतू तेहलुज ते हिद्लाआ नावड़ामेहें तियाहा लेताज गोया; आन तियांअरी बिहीरे बी नावड़े ओते. 37 तेताजमेहें वोडू वादुउ आयू, आन सेलकाआ नावड़ापोअ एताहा जाआं ठोकाआ वोल्या के, तिया नावड़ामेहें पाईं पोआओ वोल्‍यो. 38 पोन ईसु नावड़ामेहें फासाड़ीइ वोलेहे उहुट्यापोअ मुंड मिकीत हुवया कोअतुतो. तेहेलाम सेला तियाहा जागाड़ीत कोइत कोयो, "गुरु, आपू मोअहूं कोअताहा तेबी ताहूं कायनाहां विसार आवतू के?"

39 ताहां ईसु उठीत कोइत वाराहा आदेश आप्यू "ठावको ओत जा!" आन पाअयोंहो कोयो, "रुकात जा!" आन वादुउ बोंद ओत गोयू आन एकदम होक आयू. 40 ताहां ईसु तियांहां कोयो, "तुमू काहा बिताहा? तुमुहूं ओमे जाआं विश्वास कायनाहां के?"

41 पोन ते जुदाकाम बियाते आन एकान बिहीराहा कोना वोल्‍या, "वादुउ आन दोर्‍या बी याअ गोठी उनाअतेहे, ओ होय कोडु!"

Marcos 4:35-41

5. Cura da mulher com fluxo de sangue

Referência: Marcos 5:25-34
Explicação: Uma cura que aconteceu pelo toque da fé. Jesus mostra que está atento ao sofrimento individual e que a fé é o canal para receber o milagre.

25 आन एक बाय ओती, जियीही बारा वोरह्योअ रक्त पोड़ीइलोअ बिमारी ओती. 26 तियी खुब दुख वेठ्यो आन जाअखिलाहा डाक्‍टरोअहीं ईलाज कोआड़्यू. तियी आखा पोशा खरसीत टाक्या, तेबी किज फायदू ने ओवू, पोन जाअखीज बिमार ओत गोयी. 27 ते ईसुउ बाप्तिमेहें सर्सा उनाअयी, तियाहा काजे गोरदीमेहें तियाआ फासाड़ी रोत आयी, आन तियाआ आंगड़ाहा आथलीत लेदो, 28 काहाके ते तियी-तियीइज कोतीते, "जर आंय तियाआ आंगड़ाहा एतीज बी आथलीत लेहीं, तेबी हाजी ओत जाहीं."

29 आन ताबुड़ तियीइ रक्त वोहीइलाअ बिमारी हाजी ओत गोयी; आन तियीही सोताआ डिलोमेहें जाआंत गोयो, के आंय तियी बिमारीमेहें रोत हाजी ओत गोयीही. 30 ईसु ताबुड़ तिया तियाआज जाइंत लेदो, के मामेहें रोत सेक्ती निहींयीही, आन गोरदी मेहें फासाड़ी वोलीत फुशो, "माआं आंगड़ाहा कोडे आथल्यो?"

31 तियाआ सेला तियाहा कोयो, "ताहूं देखाअहे, के माअहें तापोअ उठते पोड़तेहे, आन तू कोहे; के माहूं कोडे आथल्यू?"

32 पोन ईसु शारी वोगेहे पालतूज रोयू के कोडे एहलोहो काम कोअयोहो. 33 ताहां ते बाय ओं जाइंत, के तियीइरी कि ओवयोहो, बिती बिती आन कापती कापती आयी, आन तियाआ पागे पोड़ीत, तियाहा खोरो कोत देदो. 34 ईसु तियीही कोयो, "माआं बेटी, ताआ विश्वासे ताहूं हुदरावयीही: होकेहे जा, आन ताआ यी बिमारीम रोत वासाइत रोजी."

Marcos 5:25-34

6. Libertação do endemoninhado Gadareno

Referência: Marcos 5:1-20
Explicação: Jesus liberta um homem dominado por uma legião de espíritos. É a prova clara de sua autoridade absoluta sobre o reino das trevas.

ईसु पुते लागला माहुंहूं हुदारत्लु

1 ईसु आन तियाआ सेला तालावोअ तियी वोगेहे गेरासेनेवालाआं मुलखो मेहें पोत्या. 2 आन जेहलामेहें ईसु नावड़ा मेहें रोत उतर्‍यू ताहां लगेज एक माहुंउं जियामेहें खाराब आत्मा ओती, तो माहणोमेहें रोत निहीत तियाहा मिल्यो. 3 तो माहणोअहीं रोतोतो आन कोडो तियाहा हाकले वाअहीं बी ने बांदीत सेकतोतो, 4 काहाके वारुज वाआ तियाआ आथेन गुडा हाकले वाअहीं बांद्याते, पोन तिये हाकलेहे बी तोड़ी देदीते, आन बेड़ीइ बोटकान- बोटका कोइ देदाते, आन तियाहा गाठाड़ीलोअ सेक्ती कोडाजमेहें ने ओती. 5 तो तालताल रातेन दिही माहणोमेहें आन डोगो मेहें आअड़ीतो फिरतोतो, आन तिया तियाआज डोणो वाअहीं वाडीत लेतोतो.

6 तो ईसुहू देखीत सेटेज रोत गुगद्‍यू, आन तियाआ पागे पोड़्यु. 7 आन जोरेबी आअड़ीत कोयो, "ईसु, आखाम रोत वोडा देवोअ बेटाह्हा, माअरी ताआ कि काम? आंय ताहूं देवोअ शप्पत आपीत कोहो, के माहूं डोंड मा आपीही." 8 काहाके ईसु तियाहा कोयोतो, "ए खाराब आत्मा, या माअहूंमेहें रोत निहीत आव."

9 ईसु तियाहा फुशो, "ताआ कि नाव होय?"

तिये माअहें कोयो, "माआं नाव सैन्य होय; काहाके आमू जाअखा होय." 10 आन तिये ईसुहू खुब रावणी कोअयी, "आमुहूं या मुलखोमेहें रोत बाअथे मा मोकलिही."

11 तिहीं डोगो पोअ भुंडड़ाआ एक वोडू गोवारु सोरतू तो. 12 आन तियां खाराब आत्मा ईसुहू रावणी कोइत कोयो, "आमुहूं फोलां भुंडड़ामेहें मोकली दे, के आमू तियांआं मांयते जांव." 13 ताहां ईसु तियांहां हुकूम आप्यू आन खाराब आत्में निहीत भुंडड़ामेहें फोहीत गोये आन तो गोवारु एक आंदास बेन हाजारोअ ओतू, टेकोपोअ रोत तालावोम पोड़्ये आन बुडीत मोये.

14 आन भुंडड़ाआ सारवाली गुगदिइताज सेरोमेहें आन गांवोंम खबर कोयी, आन जो ओवल्यो तो, माअहें तियाहा पाले आवये. 15 ताहरेए ते ईसुउ जागे आये, आन तिया पुतवाअला माहूंमेहें जियामेहें पुतोंअ टोलू ओतू तियाहा आंगड़े पोवल्ये आन सुद्दीपोअ बोठलाहा पालीत कोइत बित गोये. 16 आन देखनारे माअहें तिया पुतवाअलाआ जियामेहें पुतोंअ टोलू ओतू, आन भुंडड़ाआ पुरी हालत तियांहां कोत आप्यी.

17 ताहां ते ईसुहू रावणी कोइत कोने वोल्ये, के आमांआं मुलखोमेहें रोत जातु रो.

18 जेहेलाम ईसु नावड़ा मेहें सोड़ू वोल्यू, ताहां तो पुतवाअलो जिया मेहें पेल पुत ओतू, तियाहा रावणी कोउ वोल्यू, "माहूं बी ताआ आरीज आवुहूं दे."

19 पोन ईसु तियाहा रोअहूं दे कोयो, तेबी तिये तियाहा कोयो, "ताआ कोअ जात कोइत ताआ कोर्‍याआ माअहुंहूं को, के तापोअ दया कोइत मालख्ये ताआ काजे केतोहो वोडो काम कोअयोहो."

20 ताहां तो जात कोइत दकापलीसोअ माअहुंहूं यी गोठीइ परसार कोउ वोल्यू, के ईसु माआं काजे केतेहे वोडे काम कोअये; आखे बोगलाअतेते.

Marcos 5:1-20

7. Ressurreição da filha de Jairo

Referência: Marcos 5:21-43
Explicação: Jesus demonstra que a morte para Ele é como o sono. Ele restaura a vida de uma criança, trazendo esperança para uma família desesperada.

याईरोअ मोल्यी पोर्‍यी आन एक मांदवाड़्यी बाय

21 जेहेलाम ईसु फाशुउ नावड़ामेहें एकी तोड़ गोयू, ताहां एक वोडू माअहुंउं गोवारु तियाआ जागे टोलू वोलीत गोयू; आन तो तालावोअ मेरेज पोअ ओतू. 22 आन याईर नावोअ आराधनालयोअ एक पुडारी आवयू, आन ईसुहू पालीत, तियाआ पागे पोड़्यु. 23 आन तिये ओं कोत कोइत जाअखीलीही रावणी कोअयी, "माआं हानीइली बेटिह्ही मोअहूं कोअहे: तू आवित तियी पोअ आथ मिक, के ते हाजी ओवीत जिवती रोय."

24 ताहां ईसु तियाअरी गोयू; आन माअहुंउं वोडू गोवारु ईसुउ फाटी गोयी, एतीही गर्दी के माअहें तिया पोअ जाआं उठ्लीत पोड़तेते.

35 ईसु जेहेलाम ओं कोतूतो, ताहां आराधनालयोअ पुढार्‍योअ कोर्‍येए माअहें आवित कोयो, "ताआ ते बेटिह्ही ते मोइत गोयी; ओमे गुरुहू काहा तारास देहे?" 36 जे गोठ ते कोतेते, तियांअहें ईसु दिहान नाहां देदी, पोन पोन्साआ पुढार्‍योहो कोयो, "मा बिही; निस्तु भरिवसू मिक." 37 आन तिये पेत्र आन याकोब आन याकोबोअ पाही योहान यां वासी, बिहीरा कोडाहा तियाअरी ने आवुहूं देदा. 38 आन आराधनालयोअ पुडारी याइरोअ कोअ पोत्या, ताहां ईसु माअहुंहूं कि कोएन किन्ने एहेलेहे जाअखीलेहे रोड़त्लाहा आन आअड़ीइत्लाहा देख्ये. 39 ताहां तिये मांयते जात कोइत तियांहां कोयो, "ए कापाली काहा कोअतेहे? काहा रोडतेहे तुमू? पोर्‍यी नाहां मोअयी, पोन हुवेहे."

40 ते तियांअहें ओंहये, पोन तिये आखाहा काडीत कोइत पोर्‍यीइ आयहीन आब्हाहा आन तियाआ सेलाहां लेत कोइत, मांयते पोर्‍यीही लोटाडीत मिकल्यी तिहीं गोयू. 41 आन पोर्‍यीइ आथ तोइत तियीही कोयो, "तलीता कूमी," मोन्ज्ये "ए पोर्‍यी, आंय ताहूं कोहो, उठ."

42 आन पोर्‍यी ताबुड़ उठीत साली फिरी वोल्यी; काहाके ते बार वोरह्योंअ ओती. यी गोठी वाअहीं तें माअहें बोगलाइत गोये. 43 पोन ईसु तियांहां कड़क शब्दाम कोयो के, ए गोठ कोडाहाज मा कोहा, आन कोयो, "यिही कि तेबी खायतेहें काजे आपा."

Marcos 5:21-43

8. Jesus anda sobre as águas

Referência: Mateus 14:22-33
Explicação: Ao caminhar sobre o Mar da Galileia, Jesus mostra que não está sujeito às leis da física. O episódio também serve para tratar a fé e a dúvida no coração de Pedro.

ईसु पाअयों पोअ सालत्लू

22 ताहां ईसु ताबुड़ तियाआ सेलाहा नावड़ामेहें सोड़ीत तालावोअ तियी तोड़े जाय तेहें काजे कोयो. ताअहूं जाआं तो माअहुंहूं वाटे लागाड़नारु ओतू. 23 तो माअहुंहूं वाटे लागाड़ीत कोइत, प्रार्थना कोउ बिहीरा डोगोपोअ जातु रोयू; आन हांजे पोअ तो एखलुज ओतू. 24 ताहां नावड़ो दोऱ्याअ विसमेहें सेलका वाअहीं आलतोतो, काहाके वारो सामनेए वोल ओतो.

25 आन ईसु रात्र्युउ तीन ते सोव वाजता पाअयों पोअ सालतूज तियांआं जागे आयू. 26 सेला तियाहा पाअयों पोअ सालत्लाहा देखीत बित गोया. आन कोना वोल्या, "ओ पुत होय!" आन बिके वाअहीं किगला वोल्या.

27 ताहां ईसु तियांअरी लगेज गोठी कोअयी आन कोयो, "हिम्मत मिका! आंय होय, बिहा मा!"

28 पेत्र तियाहा कोयो, "प्रभु, जर तूज ओय, ताहां माहूं ताआ जागे पाअयों पोअ सालित आविइलोअ आदेश आप."

29 ईसु तियाहा कोयो, "आव!" ताहां पेत्र नावड़ा पोअ रोत उतरीत ईसु जागे जाअलो काजे पाअयों पोअ सालु वोल्यू. 30 पोन वादुहू पालीत बित गोयू, आन जेहेलाम बुडू वोल्यू तेहेलाम आअड़ीत कोयो, "प्रभु, माहूं वासाड़!"

31 ईसु लगेज आथ आगाड़ी कोइत तोइत लेदू आन तियाहा कोयो, "ताआ विश्वास केतुहू कमी होय! तू काहा सौंसू कोअयू?"

32 जाहां ते बेनू नावड़ामेहें सोढीत लागा, ताहां वादुउ आल्हात गोयू. 33 ताहां सेला जे नावड़ामेहें बोहीत रोया ते ईसुउ पागे पोड़्या आन कोयो के "तू खोरीज देवोअ बेटुह्हू होय."

Mateus 14:22-33

9. Cura do paralítico

Referência: Marcos 2:1-12
Explicação: Jesus cura o corpo, mas primeiro perdoa os pecados. Este milagre estabelece que sua missão principal é a reconciliação espiritual do homem com Deus.

ईसु एका लखवाआ मांदवाड़्याहा हुदारत्लू

1 थोड़ाक दिहोअ फासाड़ी ईसु फाशुउ कफर्णहुम गांवोंम गोयू, आन तो कोअ होय एहेलिही खबर आखी जागे पसरीत गोयी. 2 ताहां एतेहे माअहें टोलू वोल्‍ये के बाओअ जागे बी जागू ने उगर्‍यू. आन ईसु तियांहां सिकाड़तुतो. 3 तेहेलाम शार माटी तिया लखवाअ मांदवाड़्याहा उसलीत ईसुउ जागे लेत आवया. 4 पोन गर्दी ओती तिहीं वाअहीं तिया मांदवाड़्याहा ने लेत जात सेक्‍या. ताहां ते तो ओतू तिहींइं कोओ पोर्‍येए नाल्ल्ये फेड़ी देदे आन जिया खाट्लापोअ तो ओतू तिया खाटलाहा ते कोओपोअ रोत निसे उतरीत सेके एहेलोह गालो कोअयो आन तिहीं तिया मादवाड़्याहा उतार्‍यो. 5 तियांआं विश्वास देखीत कोइत ईसु लखवाअ मांदवाड़्या माहुंहूं कोयो, "माआं सोआ, ताआ गुनाआं माफी ओवीही."

6 तिहीं थोड़ाक कायदाअ मास्तरहों बोहीत रोयाते. ते तियांआं मोनोमेहें विसार कोआ वोल्‍या के, 7 "ये एहें कोअलोअ केहें कोइत हिम्मत कोअयी? ए निंदा होय! देवुज गुनाआं माफी आपित सेकेहे!"

8 पोन ईसु तेताजमेहें आत्मामेहें समजीत लेदो के, तें तियां-तियांज विसार कोअताहा, ताहां तिये तियांहां कोयो, "तुमू मोनोम एहेलाहा विसार काहा कोअताहा? 9 या लखवा लागला माहुंहूं ‘ताआ गुनाआं माफी ओवी’ एहें कोअलोअ सोपो के ‘ऊठ, ताआ आथरुउ विस आन सालु वोल’ एहें कोअलोअ सोपो? 10 पोन जिया वाअहीं तुमू जाईंत लेअहूं जोवे के, माहुंउं बेटाह्हाहा धरती पोअ गुनाआं माफी कोइलोअ आधिकार होय." ताहां तो तिया लखवा लागला माहुंहूं कोयो, 11 "आंय ताहूं कोहो, उठ, ताआ खाट्लो विस आन कोअ जा!"

12 तियां आखा माअहोंअ देखताइज तो मांदवाड़्यु उठ्यू, तियाआ आथरुउ विसीत लेदो आन जानु वोल्यू. ओं देखीत आखे माअहें बोगलाइत गोये आन देवोअ स्तुती कोअते जात कोतेहे, "आमू एहेलोह केधिहींज नाहां देख्यो!"

Marcos 2:1-12

10. Ressurreição de Lázaro

Referência: João 11:1-44
Explicação: O milagre mais impactante antes da crucificação. Ao ressuscitar alguém morto há quatro dias, Jesus declara: "Eu sou a ressurreição e a vida".

लाजरोअ मोयात

1 मरिया आन तियीइ बोअह्हीं मार्थाआ गांव बेथानीमेहें लाजर नावोअ एक माटी मांदवाड़्यू ओतू. 2 ए तेज मरिया ओती जियी प्रभु पोअ अत्तर टाकीत कोइत तियाआ गुडाहा तियीइ सिंग्यां वाअहीं पुशाते, यीइज पाही लाजर बिमार ओतू. 3 तियाआ बोअह्हीं तियाहा कोत मोकल्यो, "प्रभु, देख, ताआ तो मेरालू दोस्ती बिमार होये."

4 ओं उनाइत कोइत ईसु कोयो, "ए बिमारी मोतोअ नाहां; पोन देवोअ महिमाआं काजे होये, के तियी वाअहीं देवोअ बेटाह्हाअ महिमा ओवुहूं जोवे."

5 ईसु मार्था आन तियीइ बोअह्हीं आन लाजरोपोअ मेर कोअतुतो. 6 तेबी जेहेलाम तिये होंबल्यो के लाजर बिमार होय, ताहां जियी जागे तो ओतू, तिहीं फाशुउ बेन दिही रुकाइत गोयू. 7 याअ फासाड़ी तिये सेलाहां कोयो, "आवा, आपू फाशाआ यहुदीयामेहें जाता."

8 सेलां ईसुहू कोयो, "गुरु, ओमेज ते यहुदी माटी ताहूं डोणाटीइलाअ कोशित कोअयीते, आन केहें तू फाशुउ बी तिहींज वापिस जाअहूं होदेहे?"

9 ईसु उत्तर आप्यो, "केहें दिहोअ बारा तास नाहां रोता के? जर एखु दिहोअ उजालामेहें सालेहे तो नाहां ठोकाअतू, काहाके यी कोलीइ उजालो देखेहे. 10 पोन जर एखु राती सालेहे, ताहां तो ठोकाअहे, काहाके तिया मेहें उजालो कायनाहां."

11 तिये ए गोठी कोयी, आन याअ फासाड़ी तियांहां कोनु वोल्यू, "आपाअ दोस्ती लाजर हुवीत गोयुहू, पोन आंय तियाहा जागाड़ू जाहो."

12 ताहां सेला तियाहा कोयो, "प्रभु, जर तो हुवीत गोयू ओय, ताहां हाजू ओत जाये."

13 ईसु ते तियाआ मोतोअ बाप्तिमेहें कोयोतो, पोन सेलां समज्यो के तिये निंदेए बाप्तिम कोयोहो. 14 ताहरुउ ईसु तियांहां सिदो सिदो कोत देदो, "लाजर मोइत गोयुहू; 15 आन आंय तुमाआं वाखरी खुसीम होय काहाके आंय तियाआ जागे ने ओतू मोन्ज्ये तुमू विश्वास कोइत सेकहा. पोन ओमे आवा, आपू तियाआ जागे जात्ला."

16 ताहां थोमे जियाहा दिदमुस कोतेहे, तिये तियाअरीइ हेंगात्या सेलाहां कोयो, "आवा, आपू बी प्रभुअरी मोआ जाता."

ईसुउ पुनरुत्थान आन जिवन

17 जेहेलाम ते तिहीं पोता, तेहेलाम ईसुहू ए खबर जोड़्यी के लाजरोहो माहणोमेहें मेकल्याहा शार दिही ओत गोयाहा. 18 बेथानी येरुसालेमोअ रोत तिन किलो मिटर एतोहो सेटे ओतो. 19 वारुज यहुदी मार्था आन मरियाअ जागे तियींइं पायहोअ मोयातीपोअ विखे बोहे आयेते.

20 जेहेलाम मार्था ईसुउ आविइलाअ खबर उनाअयी ताहां तियाहा मिलीइलोअ काजे बारथे गोयी, पोन मरिया कोअमेहें बोहीत रोयी. 21 मार्था ईसुहू कोयो, "प्रभु, जर तू इंहीं रोतू, ताहां माआं पाही केहेंनेत ने मोअतू! 22 पोन ओमे बी माहूं मुंदू होय, के जों किबी तू देवोपोअ रोत मागही, तों देव ताहूं आपे."

23 ईसु तियीही कोयो, "ताआ पाही फाशुउ जिवीत उठे."

24 मार्था तियाहा कोयो, "माहूं मुंदू होय के आखरीइ दिहोमेहें पुनरुत्थानोअ होमसे तो जिवीत उठे."

25 ईसु तियीही कोयो, "पुनरुत्थान आन जिवन आंयेंज होय; जो कोडो मापोअ विश्वास कोअहे तों जर मोइत बी जाय तेबी जिवे, 26 आन जों कोडो जिवतो होय आन मापोअ विश्वास कोअहे, तों केदिहींज ने मोए. केहें तू यी गोठी पोअ विश्वास कोअहे?"

27 तियी तियाहा कोयो, "होव प्रभु, आंय विश्वास कोअहो के देवोअ बेटुह्हू ख्रिस्त जो दुन्यामेहें आवनारु ओतू, तो तुज होय."

ईसु रोड़्यु

28 ओं कोत कोइत ते जाती रोयी, आन तियीइ बोअह्हीं मरियाहा हादीत कोइत एखलीहीज हादीत कोयो, "गुरु इंहींज होये आन तिये ताहूं हाद्यीही." 29 जाहां मरिया ओं उनाअयी, तेहेलाम ते ताबुड़ उठीत कोइत तियाआ जागे आयी. 30 ईसु ओमेज गांवोंमेहें ने पोतुतो, पोन तियीज जागे ओतू जिहीं मार्था तियाहा मिल्यीते. 31 ताहरेए जे यहुदी तियीइरी कोअमेहें ओते आन तियीही होमजाड़तेते, ओं देखीत कोइत के मरिया ताबुड़ उठीत कोइत बारथे गोयीही ओं समज्यो के ते कबरे पोअ रोड़ी जाहे, ताहां तियीइ फासाड़ी गोये.

32 जेहेलाम मरिया तिहीं पोती, जिहीं ईसु ओतू, ताहां तियाहा देखतीज कोइत तियाआ गुडाअहीं बोहीत पोड़्यी आन कोयो, "प्रभु, जर तू इंहीं रोतु ताहां माआं पाही ने मोअतू."

33 जेहेलाम ईसु तियीही आन तियां यहुदीही जें तियीइरी आयेते, रोड़त्ले देख्ये, ताहां आत्मामेहें खुब उदास आन दुखी ओवू, 34 आन कोयो, "तुमू तियाहा का मिक्युहू?"

तियां तियाहा कोयो, "प्रभु, जात कोइत पालीत ले."

35 ईसु रोड़्यु. 36 ताहां यहुदी कोने वोल्ये, "पालाते लाजरोपोअ केतीही मेर कोअतुतो."

37 पोन तियांमेर्‍याआ थोड़ाक जोओं कोयो, "ओ माटी जिये आंद्लाआ डोआ उगाड़्या, ये लाजरोहो बी मोइला रोत वासाड़ीत केहें ने सेकू?"

ईसुउ लाजरोहो जिवाड़ीइलो

38 ईसु मोनोमेहें फाशुउ जास्तीज उदास ओत कोइत कबरेए जागे आयू. तिहीं एक कुपू ओतू आन एक डोण तियापोअ मिक्युतो. 39 ईसु कोयो, "डोण सेटे कोआ."

तिया मोअनाराअ बोअह्हीं मार्था तियाहा कोनी वोल्यी, "प्रभु, ओमे ते तों गोंदाअतोये, काहाके तियाहा ओजल्याहा शार दिही ओत सुकाहा."

40 ईसु तियीही कोयो, "केहें आंय ताहूं ने कोयोतो के जर तू विश्वास कोअही, ताहां देवोअ महिमा पालही."

41 ताहां तियां तिया डोणोहों सेटे होरकायू. ईसु उसे पालीत कोयो, "बा, आंय ताआ आभार मानोहो के तू माआं उनाअयुहू. 42 माहूं मुंदू होय के तू सादा माआं उनाअहे, पोन जे गर्दी आहने उबी होये, तियांआं वाखरी आंय ओं कोयो, जिहीं वाअहीं के तें विश्वास कोए के तुमे माहूं मोकल्युहू."

43 ओं कोत कोइत तिये वोडा आवाजोमेहें कोयो, "ए लाजर बारथे आव!" 44 तो माटी जो मोइत गोयूतो तियाआ आथेन गुडा बांद्ल्याज हिद्लाअ साअकाअरी निहींत आयू, आन तियाआ सोब साअका वाअहीं बांदल्यी ओती. ईसु तियांहां कोयो, "याहा सोड़ा आन जाअहूं द्या."

João 11:1-44

Conclusão

Os milagres de Jesus revelam sua autoridade sobre a natureza, as enfermidades, o mundo espiritual e até a morte. Eles não são apenas demonstrações de poder, mas sinais que apontam para sua identidade e missão.

Ao estudar esses milagres, é possível compreender melhor o papel de Jesus e a mensagem central do Evangelho.

Se este conteúdo ajudou você a entender os milagres de Jesus na Bíblia, compartilhe este artigo para que mais pessoas também conheçam esses ensinamentos.