10 versículos motivacionais: busque inspiração na Palavra de Deus

9 Ɖe nyemede se na wò be nàse ŋu, eye nàlé dzi ɖe ƒo oa? Ŋɔ megadzi wò o, eye dzi hã megaɖe le ƒowò o, elabena Yehowa, wò Mawu la anɔ kpli wò le afi sia afi si nàyi."

31 gake ame siwo kpɔa mɔ na Yehowa la

ƒe ŋusẽ gaɖoa yeye me.

Woadzo ayi dzi abe hɔ̃wo ene.

Woaƒu du, gake ɖeɖi mate wo ŋu o.

Woazɔ azɔli, gake nu mati kɔ na wo o.

4 Ne mezɔ to ku ƒe balime si do viviti tsiɖitsiɖi hã la,

nyemavɔ̃ dzɔgbevɔ̃e aɖeke o,

elabena wòe le gbɔnye, eye wò lãkplɔti

kple atikplɔ faa akɔ nam.

37 Gake le nu siawo katã me la, míeɖu dzi glo le ame si lɔ̃ mí la me.

6 Misẽ ŋu! Dzi nanɔ mia ƒo! Migavɔ̃ o, elabena Yehowa, miaƒe Mawu la anɔ kpli mi. Mada le eƒe nya dzi o, eye magblẽ mi ɖi hã o."

1 Yehowae nye nye kekeli kple nye ɖeɖe.

Ame ka mavɔ̃?

Yehowae nye mɔ sesẽ na nye agbe,

ame ka adzi ŋɔ nam?

5 Ɖo ŋu ɖe Yehowa ŋu kple wò dzi blibo,

mègaku ɖe wò ŋutɔ wò nugɔmesese ŋu o;

6 ɖo ŋu ɖe eŋu le wò mɔwo katã dzi

ekema awɔ wò toƒewo dzɔdzɔe.

9 Ke ɣe sia ɣi la, Aƒetɔ la gblɔna nam be, "Nye amenuveve sɔ gbɔ na wò, elabena meɖea nye ŋusẽ fiana to ame siwo gbɔdzɔ le ŋutilã me la dzi." Eya ta enye dzidzɔ nam be maƒo adegbe le nye gbɔdzɔgbɔdzɔ ŋuti boŋ, ale be Kristo ƒe ŋusẽ blibo la katã nadze le menye.

Mawu hea viawo

1 Eya ta esi ɖaseɖilawo ƒe ha gã aɖe ƒo xlã mí ta la, mina míaɖe mɔxenu ɖe sia ɖe kple nu vɔ̃ si bla mí sesĩe la ɖa, eye mina míake duɖime si woɖo ɖi na mí la kple vevidodo. 2 Mina míakpɔ Yesu dzi, ame si nye míaƒe xɔse ƒe gɔmeɖola kple nuwula, ame si le dzidzɔ si le ŋgɔ nɛ ta la, to atitsoga ƒe fu la me, eye mebui ŋukpee o. Ale wòyi ɖanɔ Mawu ƒe fiazikpui la ƒe nuɖusime.

1 Mawue nye míaƒe sitsoƒe kple ŋusẽ,

xɔnametɔ si li ɖaa kpli mí le xaxawo me.