10 versículos para fortalecer os laços familiares

6 बाल़का खे सखाओ कि तिना किंयाँ जिऊणा चाईयो,

ओर सेओ इजी खे आपणियां पुरिया जिन्दगिया दे याद राखणा।*

3 देखो, बच्चे प्रभुए रा दित्तेया दा पाअग ए,

गर्भो रा फल प्रभुए रिया तरफा ते दित्तेया रा प्रतिफल ए।

20 ओ बाल़को! सबी गल्ला रे आपणे-आपणे माया-बाओ री आज्ञा रा पालण करो, कऊँकि प्रभु इजी ते खुश ओआ।

12 तैं आपणे माये बाओ री इज्जत करनी ताकि जो देश तेरा परमेशर यहोवा ताखे देओआ, तेते देशो रे तूँ बऊत दिनो तक जिऊँदा रई सके।

बुरिया सलाई ते बचणा

8 ओ मेरे पाऊआ, आपणे बाओ रिया शिक्षा खे त्यानो साथे सुणेया,

ओर देखेया, आपणियां माया री दित्ती री शिक्षा खे छाडदा;

15 ओर जे यहोवे री सेवा करनी तुसा खे बुरी लगो, तो आज चूणी लो कि केसरी सेवा करोगे, चाए तिना देवतेया री जिना री तुसा रे बुजुर्ग फरात नदिया रिया पच्छमा रिया जगा दे करो थे ओर चाए एमोरिया रे देवतेया री सेवा करो जिना रे देशो रे तुसे रओए, पर मां आपणे टब्बरो समेत सदा यहोवे री ई सेवा करनी।

6 यो आज्ञा जो आऊँ आज ताखे सुणाऊँआ सेयो तुसे सदा याद राखणियां। 7 ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा।*

3 तेरे कअरो रे पीतरे तेरी लाड़ी फल़ ल्याऊणे वाल़ी अंगूरा री बेला जेड़ी ऊणी;

तेरे खाणे रे मेजो रे चऊँ कनारे जैतूनो रे पौधे जेड़े तेरे बाल़क ऊणे।

20 अक्लमंद पाऊए ते तेसरे माए-बाओ खुश ओए।

पर मूर्ख माणूं आपणे माए-बाओ खे तुच्छ जाणोआ।

25 ओ लाड़ेयो! आपणी-आपणी लाड़िया साथे प्यार राखो, जेड़ा मसीहे बी मण्डल़िया साथे प्यार करी की आपणे आपू खे मण्डल़िया खे देईता।