10 versículos sobre os dons espirituais e como usá-los segundo a Bíblia

4 Adongo aâkrâ nə ngba ngbatshe, bale kʉtə̂ Yîrə̂ nə bale kə sə̂ â to ərə nə kɔ.

7 Kandää, lə əzü bale bale, Yîrə̂ nə sə kə mbrə kosəra tə̂ äwä âkrâ, mbrə ə̂rɔ̂ ərə mbrə ə̂dû angâ nə nɔ̂.

10 Əzü bale bale sɔ̂tə̂ âkrâ ə̂në Ndjapä krâ tə̂ ye də nə kɔ gâ ye, tshə zä ə mbrə̈ də ərə mbrə angâ nə, tə ə̂rɔ̂ awobata ərə ə̂në Ndjapä nə zâ kə ətshə lə ə̂rɔ̂tə̂ ye ə̂në tshelə nə ngba ə ngba kɔ.

2 Bale, mə â sə̂ kəmə də âkrâ kə pa ndəma Ndjapä â wusə̂ alengerə aəpʉ nɔ̂ â wûsə̂ aərə kəmə nɔ̂, kədə mə sə̂ kəmə də lɔsu ə̂në ə gi akaga gashe kɔ, â bale mə yində angâ əmə də̂ azü yi ne, mə sə sə tə ə̈bə̈ ərə bale ne.

Aəpʉ gâ pâ aâkrâ nə̂ Âgbɔ̂ Yîrə̂

1 E grɔ̈ äwä kə yi tə̂. E sə̈ ndje də əgo aâkrâ nə̂ Âgbɔ̂ Yîrə̂ nə, bale e mä də̂ əgo âkrâ kə pa ndəma Ndjapä.

Kə ma ərə də äwänə lə Laglizə

26 Alaye, rəkɔ a sə kə mbrə atâ a? Alɔ ə̂në e ngbo tə̂ e gâ tə̂ nə, əzü bale bale lə takpa tə̂ e lï ndə kə pa tshə wli ətshi wala tshə yisə̂ ərə kə angâ nə wala tshə wutu də ə̈bə̈ əpʉ ə̂në Ndjapä yîsə̂ nə kə ətshə kɔ gashu, wala tshə pa aama aəgɔ, wala tshə pa tshelə ndəma əpʉ aama aəgɔ nə: e mbrə̈ aərə nə nɔ̂ ndə kə pa aangbɔ nə̂ e nə gbɔgbɔ tə̂ ye.

6 Ə̂në a sə də aâkrâ ə̂në ə sə kpî kpî kpî, Lïndə̂ ə̂rɔ̂tə̂ Ndjapä nə ə̂në tshə mbrə̂ kə əzə̂ kɔ, əzü ə̂në tshə sə də âkrâ kə pa ndəma Ndjapä, tshə mbrə̈ kosəra də nə ə lï də əpʉ lɔsu ə̂në tshə sə də nə kɔ.

7 Əzü ə̂në tshə sə də âkrâ ndə kə mbrə kosəra mbrə azü, tshə za tə̂ ye gâ tə̂ kosəra nə. Əzü ə̂në tshə sə kə yisə̂ ərə kə azü, tshə zä tə̂ ye gâ tə̂ kə yisə̂ ərə nə ə̂në tshə yisə̂ nə kɔ.

3 Tə̂ äwä ə̂rɔ̂tə̂ Ndjapä nə ə̂në tshə mbrə̂ kə əmə kɔ, mə pa kə e bale bale ə pa e wü tə̂ e wü tə əgbro azü ne, bale e sə̈ də aəpʉ ə̂në ə sə Lïndə̂ nə tə̂ lɔsu e, ə lï də əpʉ lɔsu ə̂në Ndjapä zâ kə əzü bale bale kɔ.

Wü əyo mata əmə mbrə Ə̂rɔ̂ Əpʉ

6 Âdârə ə̂në mə sə kə pa əpʉ kə əbə ndə kə pa bə li tshelə zə gâ tə̂ əpʉ səye: pë əwo âkrâ ə̂rɔ̂tə̂ Ndjapä gâ lafɔ, ə̂në bə sɔ̂tə̂ nə tə̂ äwä kə za kəna əmə gâ pâ zə kɔ.