10 versículos sobre perseverança na Bíblia para permanecer firme na fé

3 E wusə̂ nə ə pa aərə sə̂ ə̂në ə tra lɔsu e kɔ wutu ndə kə pa e wusə̂ kə ru tshelə e. 4 Bale, e wüsə̂ kə ru tshelə e nə ʉrrr ndjɔ gâ tə̂ ama nə ndə kə pa e sə tə azü ə̂në e lï nɔ̂ lə aərə nɔ̂, â ə̈bə̈ ərə bale tshɔ e tshɔ ne.

13 Bale, əzü ə̂në tshə gbɔgbɔ tə̂ ye lə aərə səkɔ ʉrrr ndjɔ gâ tə̂ ama nə, Ndjapä sə kə she ətshə lə kuzu.

9 A mɔ̈ mɔ̈ tə̂ äwä kə mbrə ə̂rɔ̂ ərə ne, mbrə ə̂në, kədə alɔ nə kə lï, a sə kə kɔ angwa nə, kədə tshelə kəna əzə̂ kə tɔ tɔ tə̂ äwä nə ne.

Əpʉ kə ru ə ru lə aərə əyo

1 Əgerə ə̂kpû aawopandə əpʉ səkɔ sə̂ dji əzə̂ nɔ̂ gâ ye. Rəkɔ, əzə̂ ndje, a wə̈ra tə̂ əzə̂ tə̂ ərə nɔ̂ ə̂në ə sə kə lʉ əzə̂ â a na ana na gâ ətshinə ne kɔ, a wə̈ra tə̂ əzə̂ dîrî dîrî tə̂ nyaka ə̂në ə di əzə̂ diawû diawû kɔ. A kpë ärɔ̈ nə ə̂në əndje pa ndə nə kə əzə̂ kɔ ndjɔ gâ tə̂ ama nə.

3 Gâ pâ nə ndje, a sə kə da əkro əzə̂ tə̂ əpʉ aərə əyo nə̂ əzə̂, mbrə ə̂në a wusə̂ nə ə pa ərə əyo mbrə â əzü wusə̂ kə ru tshelə ye, 4 kə ru tshelə nə mbrə â əzü lï ndə kə pa tshə ka gbʉ gbʉ gbʉ lə ərə kə tra ətshə â kə ka gbʉ gbʉ gbʉ nə mbrə â əzü za lɔsu ye gâ pâ ndəma Ndjapä.

Djatra əpʉ to mâ ndə Ndjapä

31 Bale, Jezu pâ əpʉ kə Ajuwufu nə ə̂në əndje zâ lɔsu əndje kə ətshə kɔ ə pa: «Kədə e daka pə lə əpʉ nə̂ əmə, e sə kə sə tə adjatra atrawaya nə̂ əmə,

13 Ənə̂ e, alaye, e kä kätə̂ kə mbrə ə̂rɔ̂ ərə ne.

Ə̂dû aəpʉ

2 E zä tə̂ e alɔnɔ̂ gâ tə̂ äwä kə yu Ndjapä. E gbɔ̈ də äwänə, ə wüsə̂ kə za mərshe kə Ndjapä.

10 Awa ə̈bə̈ ərə bale ə̂në bə wu əyo lə nə je kɔ mbrə̈ əbə mbrə̈ ne. Djablo ə ko alabə̈ azü lə takpa tə̂ e ə wli əndje gâ lə anda kânga je, ndə kə pa tshə tra e, e sə kə sə lə ərə əyo lə aəlo morofo. Däka pə tə̂ äwä əpʉ lɔsu ʉrrr ndjɔ gâ tə̂ kuzu, mə za sorô kə əbə tə ərə tshe mandânə je.

58 Rəkɔ, alaye əmə ə̂në mə yində e ngbatshe kɔ, e kä gbʉ gbʉ gbʉ, ə̈bə̈ ərə mëme e mëme ne. E mbrə̈ kosəra nə̂ Âgbɔ̂ Əyïngerə alɔnɔ̂, ə nä də nə gâ ətshinə, ə wüsə̂ nə ə pa kosəra ə̂në e mbrə kə Âgbɔ̂ Əyïngerə nə kɔ sə sə kə sə kʉ tə ambanə ne.