7 ensinamentos bíblicos sobre dinheiro e finanças para uma vida equilibrada

E mä kosəra kʉ kə Ndjapä

24 «Ə̈bə̈ əyïkosəra lï lï ndə kə ma kosəra kə aâgbɔ̂ azü bishi ne. Mbrə ə̂në, tshelə ye sə kə yində ə̈bə̈ nə bale ə wəra tə̂ ye tə̂ bale nə, wala tshə sə kə wu bale nə tə amba əzü lə ala ye, â sə kə tɔ popo ə̈bə̈ nə bale. E lï lï ndə kə pa e vrɔ Ndjapä də ngendja äwä bale ne.»

33 E prä angbʉlînə äwä Əgɔngerə nə̂ ye ə mbrə̈ ərə də äwänə lə ala ye ka tshə ko aərə səkɔ nɔ̂ gâ pâ nə kə e.

9 Bale, azü ə̂në əndje yində kə sɔtə̂ aərə tshepashɔ ngbatshe kɔ, əndje sə kə te gâ lə ərə ə̂në ə frɔ əndje kɔ, ə te gâ lə ə̂kû, ə te gâ lə adongo aəmbrʉ aəgo əndɨ nɔ̂ ə̂në ə sə kə ndɨ əzü, ə̂në ə sə kə na də əzü gâ tə̂ äwä kuzu kɔ. 10 Mbrə ə̂në əgo ngendja sə tə əshe aəmbrʉ aərə nɔ̂. Alabə̈ azü ə̂në əndje zâ əgo ngendja nə gâ tə̂ əndje kɔ, əndje tshî äwä əpʉ lɔsu nə tʉ gâ ye, â əndje də ə̂tə̂ əndje, əndje yî tə̂ əndje gâ lə aərə ə̂në ə djîngli tshelə akrɔ əndje kɔ gâ ye.

5 Kə mbrə tə̂ e sə̈ sə̈ tə̂ äwä əgo ngendja ne. E zä tshelə e kʉ gâ tə̂ ərə ə̂në e sə də nə kɔ, mbrə ə̂në Ndjapä də ə̂tə̂ ye pâ: «Mə sə sə kə katə̂ zə bale ne, mə sə sə kə tshi əbə tʉ bale ne.»*

10 Əzü ə̂në tshə sə tə ə̂rɔ̂ awobata aaya aərə, tshə sə kə sə ndje tə ə̂rɔ̂ awobata əgbro aərə. Əzü ə̂në tshə sə sə tə ə̂rɔ̂ awobata aaya aərə ne, tshə sə sə kə sə ndje tə ə̂rɔ̂ awobata əgbro aərə ne.

7 Əzü bale bale zä ərə mata ə̂në tshə gâmba mâ tə̂ lɔsu ye ndə kə za nə kɔ, ə də̂ də əkɔ də̂ ne wala əndje za ətshə ə za də awlra ne. Mbrə ə̂në Ndjapä yində əzü ə̂në tshə za ərə də ə̂rû.

Kə yində angâ zə sə tə kə mbrə ndəma âgbɔ̂ əpʉ nə̂ Ndjapä

8 Ködä ə̈bə̈ ərə bale nə̂ ə̈bə̈ əzü sə̈ sə̈ lə kumu e ne, kʉtə̂ ködä kə yi tə̂ e lə takpa tə̂ e ka ə sə lə kumu e. Mbrə ə̂në əzü ə̂në tshə yində angâ nə, tshə mbrə̂ ndəma âgbɔ̂ əpʉ nɔ̂ gâ ye.

Kə yində angâ zə sə tə kə mbrə ndəma âgbɔ̂ əpʉ nə̂ Ndjapä

8 Ködä ə̈bə̈ ərə bale nə̂ ə̈bə̈ əzü sə̈ sə̈ lə kumu e ne, kʉtə̂ ködä kə yi tə̂ e lə takpa tə̂ e ka ə sə lə kumu e. Mbrə ə̂në əzü ə̂në tshə yində angâ nə, tshə mbrə̂ ndəma âgbɔ̂ əpʉ nɔ̂ gâ ye.

19 Bale, Ndjapä nə̂ əmə ə ko aərə nɔ̂ ə̂në e ma əgo nə kɔ kə e je Lïndə̂ arishi nə̂ ye nə ə̂në ə rô pâ nə gâ ye kɔ, tə̂ äwä Jezu Kristə nə.

Əpʉ gâ pâ kə bata aərə mâ lafɔ

19 «E ngbö aərə nə̂ e ngbö gâ tə̂ nə pâ ashɔ səye ne. Pâ ashɔ səye, akɔ də ngbʉndji sə kə gba tshelə aərə, alayïangba sə kə ngɔ manda ə zɨ angba aərə. 20 Bale, e ngbö aərə nə̂ e gâ tə̂ nə mâ lafɔ-e, tə̂ ətshe ə̂në akɔ də ngbʉndji ndɨ ərə ndɨ tə̂ nə ne kɔ, alayïangba ngɔ manda ngɔ wala ə zɨ angba ərə zɨ tə̂ nə ne kɔ.

15 Mandânə, tshə pâ kə ə̂kpû azü nə ə pa: «E bäta tə̂ e ndə kə pa əgo kə sɔtə̂ aərə mi e mi ne, mbrə ə̂në sorô əzü sə sə lə aərə nə̂ ye ne, kədə tshə â sə də aərə â ro pâ nə.»