A fé vem pelo ouvir
A fé vem pelo ouvir, e o ouvir pela Palavra de Cristo. Quando a Palavra é proclamada, a fé nasce nos corações. Ouvir a Deus é o primeiro passo para crer e seguir.
A fé vem pelo ouvir
A fé vem pelo ouvir, e o ouvir pela Palavra de Cristo. Quem ouve a Palavra crê e obtém a salvação eterna.
Juda yoba munga i mo yugobuno pere meda meglkwa i pra, God swara nono mudu Yaglno Kade moglsre, yoba ira ta ye agle digwa i, kogon podo ersre, ake ple di togwa. Mem i pre God kamo bage ta ama yegl dugwa, Yoba ta ere mogl, Yagl Kade na ere inabedi, agle dinan, ye kaima ere inabiwe di,God kamo yegl dugwa.
Ye ere inabuka ba ye pre mediglbi keme agle dinaiglkrawa. Te ka wakai ta prekribi, ye siragl mere pre medraiglme? Te ka wakai praiglkwa i, yoba pi dikribi, ta prekraiglkwa. Te yoba ka praiglmedi yoba ta dedekribi, ye siragl mere pi dinaiglme? Yegl pre God kamo bage ta okna beglkwa i mina yegl beglkwa, Yoba ta God kamo wakai i, i pi yoba pere ta di teigwa i, wakai kaima pamiwe di, yegl beglkwa.
Ana Jisas kamo wakai i, yoba ede bage bage pi, yoba di teigwa ba yoba tau prisre, mane digwa. God kamo kep yagl Aisaia okna mem i pre yegl boglkwa, Yagl Kade yo, no ene kanen i pi yoba di tomga ba ye pre mediglkrimiwe di, yegl boglkwa. Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
Na ka kira ta poraglka. Ene Mudu Murubuglo igwa i, ene God lomo duglo boglsre, imo mo Jisas kamo di teigo, pre mediglsre, ime? I ta dio!
Te, ene Efesus yoba, yugubono pere meda meglkwa i, God kamo kaima i ene ama prikwa. God kamo kaima we diga i, God kamo wakai, ye ene ere inabuka pre dugwa i, pre diga. Ana ene ka i prisre, pre mediglkwa igne, ene ama ede u God Kere Yugwa Yagl yugobunomo mina suna wigwa. Ene pre mediglsre, ede u Jisas yugobunomo suna wigwa i, nogugl panabedi God ene muno gane mere yegl padigl togwa. Muno gane i, ye Mudu Murubuglo togwa i pre diga. Ye okna ka kaima di te padiglsre, yoba Mudu Murubuglo tenagle dugwa i, ene pre mediglkwa igne te kodugwa.
Ana God Mudu Murubuglo nono norukwa i, taragl kane kane okuo inaiglmedi konbauna mere yegl yauro norukwa. Nono sugl mun, God nono ye bogl akie moramnedi nono agre i ede heven ibo enabuka igne, nono God yobama munga i, taragl mudu i inamga. Yegl pre nono ye swara wakai kaima moglmedi kagie kade tenamga paugwa.
Jisas ka yegl didre, ama yegl dugwa, Na ene ka kaima di teiga, Yoba ta na kana prisre, God na dedugwa i kaima dumedi pre meduglkwa i, ye aimadi kamin kor morabuka i, i kodugwa. Ye geglkwa yugobunomo kide kodidre, ede pi kor meglkwa yugobunomo i mina pi kodugwa. Te, God ye okuo yoba ka tage tenabuka i, ye yoba i ta ka tage tekrabiwe dugwa.
Ana Jisas ka yegl di kodidre, ama yegl dugwa, Na ene ka kaima di teiga, Ege okuo ta unan, Na God Wam moglka i, ka ta dibo, yoba geglkwa i prisre, adigl u kor enaiglkwa. Te, erme pra, yoba geglkwa tau ama na kana prisre, adigl u kor pi kodigwa.
Yoba ta yene primere na moglmara unaiglkwa i, kuno ta erekrukwa. Na Nina na dedugwa i, ye swara yoba ta auro yunan, unaiglkwa. Te, yoba ta na moglmara unaiglkwa i, na ege okuo ye ogono nagino ere i kor ede tenaglka. God kamo kep yagl ta okna moglkwa i, yegl boglkwa, God ye yoba mudu nomane tenabiwe di, yegl boglkwa. Ye boglmere yegl, na Nina kaima yoba nomane te moglko, yoba ira ta prisre, nomane igwa i, ye mudu na moglmara wimiwe di, yegl dugwa.
Jisas ka yegl di kodidre, ama yegl dugwa, Yoba ta na Nina kankrikwa ba na ye dedugo, wiga i, na swara God kanie dugwa.
Jisas yegl didre, ama yegl dugwa, Na ene ka kaima di teiga, Yoba ira ta na pre meduglkwa i, ye aimadi kamin kor morabuka i, i kodugwa.
Ouvir e obedecer
Felizes os que ouvem a Palavra de Deus e a praticam. Quem tem ouvidos ouça o que o Espírito diz.
Ye yegl dugwa ba Jisas tabre di ikne ede yegl dugwa, Ta manga ba yoba ta God kamo prisre, duglo beglkwa i, God ye ere wakai ere tenabiwe dugwa.
Yoba na kana ta pramnedi pribi, wakai ere kinano gudu prio! dugwa.
Te, Jisas ama ere mogl, ye di te, yegl dugwa, Ene ede uglo koglo koglo pi na kana wakai yogwa i, yoba mudu di teo dugwa.
I mina, ka kep yagl Aisaia ka ta okna boglkwa i, pai yugwa. Ye boglkwa i, God dra idre, yegl boglkwa,
Ene ege ege prisre, ka i ta pre pogl sikraiglkwa. Te, ene ege ege kanigwa ba kaima ta kan pogl sikraiglkwa. I siragl pre Israel yoba meglkwa i, ye nomano gigle dugo, kinano kegl dugo, gumuglno ama kuglkwa. Ye ta prisre, ede ikne na moglmara unaiglkwa ta kuno eran, na ye kideno aragan ere, bu yenabedi ere tenaluwe
di, Aisaia yegl boglme di, Jisas yegl dugwa.
Na ene meglmara kogon mere eriko, ene gumuglno mina kandre, kinano mina pre pogl sidre, erikwa pre ene gun yeio.
Jisas siragl taragl yoba si deglbi yenabuka i pre dugwa
Ana Jisas yoba mere magigl wio di, agle dugo, wigo, ye di te, yegl dugwa, Na ka ta erme dinaglka i, ene prisre, nomane inaiglme dugwa.
Te, ene kamage eraiglmara i, no pre ama kamage ere norio. Ene no pre kamage ere noraiglkwa i, God konbauna ta yauro noran, no ye kamo yoba di tedre, Krais kamo okna teke paugwa i, no yoba di te pai moraiglmedi kamage erio. Krais kamo okna teke paugwa i, na di wan moglka pre na si kane sigo, kane yugu pai moglka.