Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
यहोवे रा आदर करना बुद्धिया रा मूल़ ए,
बुद्धि ओर शिक्षा खे मूर्ख लोक ई तुच्छ जाणोए।
यहोवे रा आदर करना बुद्धिया री शुरूआत ए,
ओर परम पवित्र परमेशरो खे जाणना ई समज ए।
यहोवे रा आदर करने ते ज्ञानो रिया गल्ला सिखणे खे मिलोईया,
ओर महिमा ते पईले नम्रता ओई।
अमीर ऊई कि मुश्किला दे पड़ने ते अच्छा ए,
कि गरीब रई कि यहोवे रा डर मानो।
बुराईया ते कृणा करनी ई यहोवे री पग्ति करने रे बराबर ए;
कमण्ड, गर्व ओर बुरी चाला ते ओर उल्ट फेरो रिया गल्ला ते बी आऊँ बैर राखूँई।
नरम सबाओ रा ऊणा ओर यहोवे रा आदर करने रा ईनाम पैसा,
महिमा ओर लाम्बी उम्र ओई।
तैं आपू खे आपणियां नजरा रे अक्लमंद नि समजणा,
यहोवे रा डर मानणा, ओर बुराईया ते लग रणा।
जे तू एड़ा करेगा, तो ये एक अच्छी दवा रे जेड़ा ऊणा,
तेरे काओ ठीक ऊणे ओर तेरिया दर्दा खत्म ऊणिया।
शोभा तो चूठी ओर सुन्दरता बेकार ए,
पर जो जवाणस यहोवे रा डर मानोई, तेसा री तारीफ ऊणी।
जो बी मैं तुसा खे बताया, तिजी रा निचोड़ बस इतना ई आ कि तुसे परमेशरो रा डर मानो ओर तेसरी सुणो जेड़ा से बोलोआ, कऊँकि आसे माणूं इजी खे ई बणाई राखे ओर एड़ा करना म्हारा फर्ज ए।
प्रभुए री पग्ती करना बुद्धिया री शुरूआत ए;
जितणे तेसरी आज्ञा खे मानोए, तिना खे अच्छी समज मिलोई।
प्रभुए री स्तुति सदा कित्ती जाणी।
यहोवे री स्तुति करो! से माणूं बऊत ई तन्य ए जो यहोवे री इज्जत करोआ,
जो तेसरिया आज्ञा रा पाल़न करने ते खुश ओए।
तन्य ए से जो यहोवे रा आदर करोए,
जो तेसरिया आज्ञा रे मुताबिक जीवन बताओए।
देखो, प्रभु आपणे पग्ता पाँदे नजर राखोआ जो तेसरी आज्ञा खे मानोए
ओर तिना पाँदे जो तेसरी करूणा री उम्मीद राखोए,
परमेशरो आसा खे आशीष देणी
ओर तरतिया रे दूर-दूर देशो रे लोका तेसरा आदर करना।
पर तुसा रिया तँईं जो मेरे नाओं रा डर मानोए, तर्मो रा सूरज निकल़ना ओर तेसरी किरणा ते तुसे ठीक ऊई जाणे ओर तुसे बारे जाणे ओर अच्छे ते पाल़े रे बाच्छूए जेड़े जो गवाईणी ते बारे निकल़ोआ उछल़-कूद करदे रणे।
एबे ओ इस्राएल, तेरा परमेशर यहोवा इजी ते अलावा तांते ओर क्या चाओआ कि तूँ आपणे परमेशर यहोवे रा डर मानो ओर तेसरी आज्ञा रे मुताबिक चलो ओर तेसते प्यार राखो ओर आपणे पूरे मन ओर सारे प्राणो ते तेसरी सेवा करो। ओर यहोवे रिया जो-जो आज्ञा ओर बिदिया आऊँ आज ताखे सुणाऊँआ तिना खे मान, जेते की तेरा पला ओ।
तुसे आपणे परमेशर यहोवे पीछे चलणा, तेसरा डर मानणा, तेसरी आज्ञा मानणी, तेसरी आज्ञा पाँदे चलणा, तेसरा वचन मानणा, तेसरी आराधना करनी ओर तेस साथे ई विश्वासो दे बणे दे रणा।
कऊँकि सेयो दाईया परमेशरो रा डर मानो थिया, इजी खे परमेशरे तिना खे ल्वाद दित्ती ओर तिना रे कअर बसाए।
तो ओ प्यारेओ! जबकि आसा खे यो वादे मिली रे, तो आओ, आसे आपणे आपू खे शरीर और आत्मा रे सब मईलो ते साफ करूँए और परमेशरो रा डर और आदर करदे ऊए, पवित्रता री भरपूरिया तक पऊँछणे री कोशिश करदे रऊँए।
इजी री खातर हर एकी रा अक्क चुकाया करो, जेसखे मामला चाईयो, तेसखे मामला देओ, जेसखे शुल्क चाईयो, तेसखे शुल्क देओ, जेसते डरना चाईयो, तेसते डरो, जेसरा आदर करना चाईयो, तेसरा आदर करो। जो तारीफा जोगा ए, तेसरी तारीफ करो।
जो माणूं आपणे दु:खी दोस्तो पाँदे दया नि करदा,
से सर्वशक्तिमान परमेशरो रा डर मानणा छाडी देओआ।