7 ጎዳስ ያሽ ጭንጫተስ ዶመ፤ ሽን ኤያት ጭንጫተነ ሴራ ካኦሶና።

10 ጎዳስ ያሽ ጭንጫተስ ዶመ፥ ጌሻ ጎዳ ኤሮይ አኬካ።

33 ጎዳስ ያሽ ጭንጫተ ታማርሴስ፤

አሽከተ ቦንቾፈ ስንቴስ።

16 ኦሻራ ደእያ ግታ አቆፐ

ጎዳ ያሻራ ደእያ ጉባይ ኬሀ።

13 ጎዳስ ያሽ ኢታተ እፆ፤

ታኒ ኦቶሮነ ጬቀተ እፃይስ፤

ኢታ ኦገነ ዎርዶ ኦዳ ዶስከ።

4 አሽከተነ ጎዳ ያሽ፥

ዱረተ፥ ቦንቾነ ደኦ እሜስ።

7 ነና ነ ሁጰን ጭንጫ ኦፋ፤

ጎዳ ያያ፤ ኢታፐ ሃካ።

8 ሄስ ነ አሳተስ ፓያተ ኤሀና፤

ነ መቀካ ፃልሳና።

30 ማል ጭሜስ፤

የገልሳተ ያና።

ሽን ጎዳ ያይያ ማጫስያ፥

እያ አንጀትዳሮ።

13 ሄኮ ኡባባይ ኦደትስ፤ ኡባባስ ኩሻይ ሀይሳ፤ ፆሰ ያይያ፤ እያ ኪታ ናጋ፤ ሄስ አሳስ ዋና ኦሶ።

10 ጭንጫተስ ኮይሮይ ጎዳስ ያሽ፤

እያ ዎጋ ናገይሳታስ ሎኦ አኬክ ደኤስ።

ጎዳይ መርናዉ ጋላተቶ!

1 ጎዳ ጋላትተ፤

ጎዳስ ያየይስነ

እያ ኪታ ናገይስ አንጀትዳይሳ።

1 ጎዳስ ያየይሳትነ እያ ኦግያን

ሄመተይሳት ኡባይ አንጀትዳይሳታ።

18 ጎዳ አይፈት እያዉ ያያነ

እያ ማሮታን ኡፋይስ ኦያ አሳ በኦሶና።

7 ፆሳይ ኑና አንጅዳ ግሾ፥

ቢታ ጋፃ ጋካናዉ ደእያ አሳይ እያ ያዮ።

2 ሽን "ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና።

12 ነኖ፥ እስራኤለ፥ ጎዳይ ኔፐ ኮየይ ሀይሳ፤ ጎዳ፥ ነ ፆሳ ያያ፤ እያ ኦግያ ኡባን ባ፤ እያ ዶሳ፤ ነ ኩመ ዎዛናፐነ ነ ኩመ ሸምፑዋፈ ጎዳ ነ ፆሳስ ኦ። 13 ነዉ እንጀታና መላ ታ ሀች ነዉ እምያ ጎዳ ኪታታነ አዋጆታ ናጋ።

4 ጎዳ ህንተ ፆሳ ካልተ፤ እያዉ ያይተ፤ እያ ኪታ ናግተ፤ እያ ቃላ ስእተ፤ እያዉ ጎይንተ፤ እያፐ ዱፆፍተ።

21 ቃስ ኡሎ ፕተይሳት ፆሳስ ያይዳ ግሾ ፆሳይ ኤንታዉ ኤንታ ሶ አስ እሚስ።

1 ህዛ፥ ታ ሲቆቶ፥ ሀ ኡፋይሳይ ኑስ ደእያ ግሾ፥ ኑ አሹዋነ ኑ ሸምፑዋ ቱንስያባ ኡባፈ ኑና ጌሾስ። ፆሳስ ያይድ ኑ ጌሻተ ፖሎ ኦስ።

7 እሱዋስ እሱዋስ በሰይሳ እምተ። ጊራ ጊራናዉ በሰይሳስ ጊርተ፤ ቃራፃ ቃንፃናዉ በሰይሳስ ቃራፃ ቃንፅተ፤ ያያናዉ በሰይሳስ ያይተ፤ ቦንቾይ በሰይሳ ቦንችተ።

14 መቶን ደእያ አስ ኡባ ዳንዳእያ ፆሳስ ያየይሳ አግኮካ፥

እያ ላገት እያዉ ኬሀተ በሳናዉ ኮሼስ።