Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Sipos man i wantem kasem save, stamba blong hem, hem i mas tinghevi long Hae God, mo i mas ona gud long hem. Man we i no gat hed, hem i no save tinghevi long ol waestok, mo hem i no wantem lan.
Sipos man i wantem kam waes, stamba blong hem, hem i mas tinghevi long Hae God, mo i mas ona gud long hem. Hae God i tabu we i tabu, mo fasin blong hem i stret olgeta, mo sipos man i wantem haremsave mining blong ol samting, hem i mas savegud Hae God.
Sipos man i wantem faenem rod blong kam waes, hem i mas tinghevi long Hae God mo i mas ona gud long hem, mo sipos hem i wantem blong ol man oli ona long hem, hem i mas mekem tingting blong hem i stap daon.
Sipos man i pua, be i stap tinghevi long Hae God, mo i stap ona long hem, hemia i moa gud, i winim we man i rij be i stap kasem trabol oltaem nomo.
Man we i stap ona long Hae God,
hem i no laekem ol fasin nogud,
i agens long olgeta.
Mi mi no laekem nating
fasin blong praod,
mo fasin blong luklukdaon long narafala man,
mo fasin nogud, mo fasin blong giaman,
mi mi agens long olgeta.
Man we i obei long Hae God, mo i mekem tingting blong hem i stap daon, hem bambae i kam rijman. Bambae hem i gat longfala laef, mo ol man bambae oli ona long hem.
I nogud yu ting se yu yu wan waes man. Yu mas tinghevi long Hae God, yu mas ona gud long hem, mo yu mas tanem baksaed long ol fasin nogud. Sipos yu mekem olsem, fasin ya bambae i olsem gudfala meresin we i save mekem ol soa blong yu i finis, mo i save mekem ol sobodi blong yu i no moa soa.
Gudfala fasin blong woman i save trikim man isi nomo, mo fes we i naes i no save stap longtaem. Be woman we i stap ona long Hae God, i stret blong olgeta man evriwan oli stap leftemap nem blong hem.
"Antap long ol samting ya, wan samting nomo mi wantem talem long yu, se yu mas tinghevi long God, yu mas ona long hem, mo yu mas obei long ol tok blong hem, from we hemia nao samting we hem i mekem yumi from.
Man we i wantem kam waes,
nambawan samting blong hem i mekem,
hem i mas tinghevi long Hae God,
mo i mas ona gud long hem.
Hae God i stap givim gudfala tingting
long olgeta we oli stap obei
long ol tok blong hem,
blong oli save skelemgud
evri samting long laef blong man.
!Oltaem bambae yumi presem hem,
gogo i no save finis!
Olgeta.
!Yumi presem Hae God!
Man we i stap ona long hem,
mo we i glad blong obei long ol tok blong hem,
hem i save harem gud.
Olgeta.
Ol man we oli stap ona long Hae God,
mo we oli stap folem ol tok we hem i putum,
bambae oli save harem gud.
Hae God i stap lukaot gud long olgeta
we oli ona long hem,
mo we oli trastem fasin ya blong hem
we oltaem hem i lavem man tumas.
Hem i blesemgud yumi,
mo i gud olgeta man long evri ples
oli ona gud long hem.
Be yufala ya we yufala i stap ona long mi, bambae paoa blong mi blong sevem man mo blong mekem hem i stret man long fes blong mi, bambae i kavremap yufala olsem san we i girap, nao laet blong hem i saen, i kavremap olgeta samting, nao bambae yufala i kam gud bakegen. Bambae yufala i fri, yufala i glad, olsem smol buluk we man i tekemaot long fenis, i letem hem i gofri, i stap jamjam.
Nao Moses i talem se, "Olgeta. Hae God i God blong yumi, mo ol samting we hem i wantem blong yumi mekem i olsem. Yumi mas tinghevi long hem, mo yumi mas ona long hem, mo yumi mas folem ol fasin blong hem, mo yumi mas lavem hem, mo yumi mas mekem ol samting we hem i talem long yumi, long olgeta tingting blong yumi, mo long olgeta laef blong yumi, mo yumi mas obei long olgeta loa blong hem. Mi mi stap talemaot ol tok ya long yufala tede blong i save givhan long yufala long samting ya.
Oltaem bambae yufala i mas biaen long hem nomo, mo yufala i mas ona long hem, yufala i mas obei long hem, mo yufala i mas holem ol tok blong hem. Yufala i mas mekem wosip long hem, mo tingting blong yufala i mas strong long hem oltaem.
Nao from we tufala ya i stap ona long God olsem, God i mekem i gud long tufala, mo i mekem we tufala i gat ol pikinini blong tufala. Mo long fasin ya, ol laen blong Isrel oli stap kam plante moa, mo oli stap kam strong moa.
Ol fren. Olgeta promes ya oli blong yumi, mo from samting ya, yumi mas mekem yumi klin. Olgeta samting long bodi blong yumi mo long tingting blong yumi we oli stap mekem yumi doti long fes blong God, yumi mas sakemaot olgeta evriwan. Mo yumi mas traehad blong mekem fasin blong yumi i klin, i tabu, from we yumi stap ona gud long God, mo yumi man blong hem nomo.
From samting ya, yufala i mas pem ol takis blong yufala. Yufala i mas pem hed takis long man we i tekem hed takis, mo yufala i mas pem takis blong ol samting blong yufala i go long man we i tekem takis ya. Man we i stret blong yufala i ona long hem, yufala i mas ona long hem, mo man we i stret blong yufala i obei long hem, yufala i mas obei long hem.
"!Trifala!
Long taem blong trabol olsem,
nating we mi lego God no nogat,
be mi mi wantem luk ol man
we oli tru fren blong mi.