Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Mbaak Abọọñ ado ntọọñọ ifiọk,
ado mme ndisịme esua aniọñ ye item.
Mbaak Abọọñ ado ntọọñọ aniọñ,
ndin ifiọk Andisana Ñkan ado mbufiọk.
Item aniọñ ado adibaak Abọọñ,
ndin nsuukidem aboiyo ukpono iso.
Afọn adinie etək-etək ye uteeñe Abọọñ
akan uwak inie ye akpọsọñ mfịna.
Adibaak Abọọñ ado adisua idiọọkñkpọ;
Ami mmesua ñkokkoidem ye asian,
ibak adinam ye abʌd-abʌd ikọ.
Nsuukidem ado uteeñe Abọọñ;
utịb amọ ado inie ye ukpono ye uwem.
Kuuse idem mfo nte awo aniọñ;
baak Abọọñ nyʌñ sọọn idiọọkñkpọ
Ami ayaunọ fiin nsọñidem
anyʌñ anam akpọ mfo asọọñ.
Ndokko ado abiaña, uyai ñko ado ke etək-etək ini;
ado awonwaan a-abaaha Abọọñ a-ado se etooro.
Idahami sia emaekekop afịd ikọ;
anye ami ado akpatre ikọ ke abaña ñkpọ ami:
Ibaak Abasi inyʌñ inịm mme ewʌhọ amọ,
sia ami ado ubiọñutom afịd ubon awo.
Mbaak Abọọñ ado ntọọñọ aniọñ;
afịd mbon e-ekeeneke mbed amọ e-enie mbufiọk.
Nsi-nsi itooro anie anye.
Itooro Abọọñ.
Afọfọn anọ mbon e-ebaaha Abọọñ,
mbon e-ekoppo akpọsọñ inemesịd ke mme ewʌhọ amọ.
Afọfọn anọ afịd mbon e-ebaaha Abọọñ,
e-esañake ke ñkobitem enọ anye.
Ado anyen Abọọñ awʌhọ ke mbon se ibaak anye,
mbon ake edotto anyen ke nsi-nsi ima amọ,
Yak Abasi akaiso idiọñ ñnyịn,
nọ ato do mme utịd ederimbod ebaak anye.
Amaado ndufo e-ekponoke anyịñ mmi, utịn adinenido asañake ye ukọk ayaasakka inọ ndufo. Ndufo eyaewuọ enyʌñ edia uwem nte mme ñyịn enañ e-enọọhọ nti ndidia.
Ndin idahami, Isrel, nsoo ke Abọọñ Abasi ndufo ayem ito ndufo akan aditeeñe Abọọñ Abasi ndufo, adisaña ke ñkobitem nnọọ anye, adima anye, adinam ñkpọ nnọọ Abọọñ Abasi ndufo ke afịd esịd ndufo ye ke afịd ukpọñ ndufo, ñnyʌñ nnịm mme item Abọọñ ye mme ewʌhọ a-ami inọọhọ ndufo mfịn ke ufọn ndufo?
Abọọñ Abasi ndufo kpọd ke ana ekeene, anye kpọd ke ana eteeñe. Inịm mme item amọ inyʌñ ikop item amọ; inam ñkpọ inọ anye inyʌñ ifat anye ikama.
Abasi amaanọ mbiauman ado ubon ammọ, sia ammọ emaebaak Abasi.
Sia ñnyịn inieghe mme enwọñọ ami, mme ndima ufan mmi, yak ñnyịn iyet se ideghe ke abʌkidem ye sịbidịd isio ke idem ñnyịn, inam adisana ido ñnyịn afọn ama ke uteeñe Abasi.
Inọ afịd awo se ndufo ekama ammọ: Adieke afo akamake taks, kpe taks, adieke akamake utịb akʌk abio, kpe; adieke adooho uteeñe, nọ uteeñe; adieke adooho ukpono, nọ ukpono.
"Awo ndomokeed i-imiiwọttọ ufan amọ mfọnido
asịn mbaak Abasi Andikoñ Ñkan.