Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
याहवेहको भय ज्ञानको सुरुवात हो,
तर मूर्खले चाहिँ बुद्धि र अनुशासनलाई तुच्छ ठान्दछ।
याहवेहको भय नै बुद्धिको सुरुवात हो,
र पवित्र परमेश्वरको ज्ञान नै समझशक्ति हो।
याहवेहप्रतिको श्रद्धाले नै मानिसलाई बुद्धि सिकाउँछ;
अनि सम्मान पाउनुभन्दा अगि नम्रता आउँछ।
धेरै सम्पत्ति भएर चिन्तित हुनुभन्दा
याहवेहको भयको साथमा थोरै धन हुनु नै असल हो।
याहवेहप्रतिको भय दुष्टतालाई घृणा गर्नु हो,
अभिमान, अहङ्कार,
खराब चालचलन र भड्काउने कुराहरूलाई म घृणा गर्दछु।
धन, सम्मान र दीर्घायु;
नम्रता र याहवेहप्रतिको श्रद्धाका प्रतिफल हुन्।
आफ्नै दृष्टिमा बुद्धिमान् नबन;
याहवेहको डर मान, र दुष्कर्मलाई त्याग!
यसले तिम्रो शरीरलाई स्वस्थ तुल्याउनेछ
र तिम्रा हड्डीहरूलाई पोषण दिनेछ।
सौन्दर्य भ्रमात्मक हुन्छ, र सुन्दरता उडिजाने हुन्छ;
तर याहवेहको डर मान्ने स्त्रीको नै प्रशंसा हुनुपर्छ।
अब जति पनि सुनियो:
सबै कुराको निष्कर्ष यही हो:
परमेश्वरको भय मान र उहाँका आज्ञापालन गर;
किनकि समस्त मानव-जातिको कर्तव्य यही हो।
याहवेहको भय नै बुद्धिको सुरुवात हो;
उहाँका विधिहरू पालन गर्नेहरू सबैले ठिक समझशक्ति पाउँछन्।
उहाँको प्रशंसा अनन्तसम्म भइरहनेछ।
याहवेहको प्रशंसा गर!
त्यो मानिस धन्यको हो, जसले याहवेहको भय मान्दछ,
जो उहाँका आज्ञाहरूमा ज्यादै प्रसन्न हुन्छ।
याहवेहको भय मान्नेहरू
र उहाँमा आज्ञाकारी भएर हिँड्नेहरू सबै धन्यका हुन्।
तर याहवेहको नजर उहाँका भय मान्नेहरूमाथि रहन्छ;
तिनीहरूमाथि, जसको आशा उहाँको अचुक प्रेममाथि हुन्छ,
परमेश्वरले हामीलाई अझै आशिष् देऊन्,
कि समस्त पृथ्वीका मानिसहरूले उहाँको डर मानून्।
तर तिमीहरू जसले मेरो नामको आदर गर्दछौ, तिमीहरूमाथि धार्मिकताको सूर्य आफ्नो किरणमा चङ्गाइ लिएर उदाउनेछ। अनि तिमीहरू बाहिर जानेछौ र बलिया बाछाझैँ खुशीले उफ्रनेछौ।
यसकारण हे इस्राएलीहरू हो, याहवेह तिमीहरूका परमेश्वरले तिमीहरूबाट यति नै चाहनुहुन्छ, कि याहवेह तिमीहरूका परमेश्वरप्रति श्रद्धा राख्नु, उहाँका मार्गहरूमा आज्ञाकारी भई हिँड्नु, उहाँलाई प्रेम गर्नु, आफ्ना सारा हृदयले र सारा प्राणले याहवेह आफ्ना परमेश्वरको सेवा गर्नु, र मैले आज तिमीहरूकै भलाइका लागि दिइरहेका याहवेहका आज्ञाहरू र उर्दीहरू पालन गर्नु।
याहवेह तिमीहरूका परमेश्वरलाई तिमीहरूले पछ्याउनू। अनि तिमीहरूले उहाँकै आदर गर्नू; उहाँका आज्ञाहरू पालन गर्नू र आज्ञाकारी हुनू; उहाँकै सेवा गर्नू। अनि उहाँमा विश्वासयोग्य भइरहनू।
ती सुँडेनीहरू परमेश्वरसित डराएका हुनाले उहाँले तिनीहरूलाई आफ्नै परिवारहरू दिनुभयो।
यसकारण प्रिय मित्रहरू हो, हामीहरूसित यी प्रतिज्ञाहरू भएका हुनाले परमेश्वरप्रति श्रद्धा राखेर पवित्रतालाई सिद्ध तुल्याउँदै शरीर र आत्मालाई अशुद्ध पार्ने प्रत्येक थोकदेखि आफूलाई शुद्ध राखौँ।
तिमीले जसलाई दिनुपर्ने कुरा छ, चुक्ता गरिहाल: कर तिर्नुपर्दछ भने तिरीहाल; राजस्व दिनुपर्दछ भने देओ; यदि डर मान्नुपर्ने हो भने डर मान; यदि इज्जत गर्नुपर्ने हो भने इज्जत देओ।
"कुनै मानिसले मित्रबाट पाउनुपर्ने दया पाउँदैन भने,
त्यसले सर्वशक्तिमान्को भयलाई त्याग्दछ।