Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Malagalira kwa wantemba
Kumguwira Mtuwa Mlungu ndo shanjiru sha umani, kumbiti wazigizigi wabeziya luhala na walema kulifunda.
Kumguwira Mtuwa Mlungu ndo lyanjiru lya luhala na kummana yulii mnanagala ndo kupata mahala.
Kumguwira Mtuwa Mlungu kumfunda muntu luhala na unanaga wiza pamberi pa ligoya.
Mbaka kuwera na shintu shididini pamuhera na kumguwira Mtuwa Mlungu, kuliku kuwera na lunda ivuwa pamuhera na ntabiku.
Kumguwira Mtuwa Mlungu ndo kukalalira ukontola.
Nkalalira mtiti na njira za ukontola na visoweru vya upaya.
Pagunanaga na kumguwira Mtuwa Mlungu, hagupati lifupu na lunda na ligoya na ukomu.
Naguliwona gamweni kuwera gwana luhala nentu mumoyu gwaku, gumtiri Mtuwa Mlungu na kulitula gweka na ukontola. Pagutenda hangu hayiweli afya mushimba yaku na kutenda mihonju yaku iweri na makakala.
Maherepiziya gapayira na kuherepa kufaandiri, kumbiti mdala yakamguwira Mtuwa Mlungu ndo hakazyumwi.
Lyalifiruwa kwa goseri aga ndo, gumtiri na gumjimiri Mlungu na guzikola lagiru zyakuyi, toziya ali ndo lihengu lyakafiruwa kulitenda muntu.
Kumguwira Mtuwa Mlungu ndo shanjiru sha luhala;
woseri yawazijimira lagiru zakuyi wana luhala.
Zyuma zakuyi zilikala mashaka goseri.
Katekelerwa muntu yakana haki
Mmuzyumi Mtuwa Mlungu!
Katekelerwa muntu yakamguwira Mtuwa Mlungu,
yakanemelera nentu kujimira lagiru zakuyi.
Lifupu kwa wantu yawamguwira Mlungu
Mbaka woseri yawamguwira Mtuwa Mlungu,
yawalikala kwakufata njira zakuyi.
Mtuwa Mlungu kawalolaga walii yawamguwira,
wantu weni yawatumbira ufiru waku wa mashaka goseri.
Mlungu hakatutekeleri,
na wantu woseri pasipanu wamguwiri yomberi.
Shakafira Mtuwa Mlungu
Vinu mwenga Waisraeli, mpikaniri shilii shakafira Mtuwa Mlungu gwenu kulawa kwa mwenga. Mtuwa Mlungu gwenu kafira mumguwiri na kugajimira goseri gakalagalira. Mumfiri na mumtenderi kwa myoyu na rohu yoseri, kugajimira malagaliru na malagizu ga Mtuwa Mlungu ganuwapanana leru kwa mota yenu.
Mumfati na kumgohelera Mtuwa Mlungu gwenu gweka yakuwi na kugajimira malagaliru gakuyi na kupikanira liziwu lyakuyi, mumtenderi na kulikolerana nayu.
Su toziya ya wamakolu awa yawamguwiriti Mlungu, Mlungu kawapananiti womberi viraa kaya zawu weni.
Waganja wangu, kwanjira patuwera na malagilu aga, su tulipungi kulawa mushoseri shashidodiziya nshimba na rohu zyetu na tulitendi tuweri wananagala kwa kumtira Mlungu.
Mumpanani kila muntu shakafiruwa kupata, wantu yawatola kodi, muwalipi kodi na yawatola ushuru muwalipi ushuru, wantu woseri yawafiruwa ligoya, wapananwi ligoya.
Muntu yakawera muntabiku kafiriti nentu waganja wakuyi wamtangi, ata pakaleka kumguwira Mlungu yakana likakala.