Admiração

O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.

7 Linebenwa Bungiu lagumesehabei lichú aau.

Hárügüñanu ibidiouguabaña aau máhabaña lun arufudahani

ru hagía mebereseni lun lichú aau.

Provérbios 1:7

10 Linebenwa Bungiu lagumesehabei lichú aau;

lasubudirúniwa Bungiu, le Sándutimabei,

ligía luálinbei ichügü.

Provérbios 9:10

33 Arufudahati lichugún inebesei lun Bungiu,

lichú aau houn gürigia;

lun heresibirun gürigia inebesei,

gasu ǘnabugu lan hanaagun houngua furumiñe.

Provérbios 15:33

16 Buítimati gudeme lan gürigia

ani ruti inebesei lun Bungiu,

sügǘ lau risi lan ani nidiheriti libagari.

Provérbios 15:16

13 Lichugún inebesei lun Bungiu,

kéisigubeirügü iyereehabúni lun wuribani.

Iyereeguti pantaü luma liñun anaaguni unguaü nun,

luma luriban üma, luma iyeeni.

Provérbios 8:13

4 Barüti ǘnabuguni luma inebehabu lun Bungiu,

irisini, uéiriguni luma ibagari kei afayeiruahaü.

Provérbios 22:4

7 Maritaguabá buougua luagu weiri lan lichú bau;

ruba inebesei lun Bungiu direi buguyame luéi wuribani:

8 Ligía lubuidun-ágeibei árani

lun líchugun erei lun búgubu!

Provérbios 3:7,8

30 Iyeeni magadiñein,

gagumuchaguadi ligía uéndeni;

anhoun würi to íchuguboun inebesei lun Bungiu,

ladimurehouba buidu tuagu.

Provérbios 31:30

13 Gumuha yanu. Ariñawagúaali sun katei. Ruba inebesei lun Bungiu, gúnfulibei lugumadin lugundun ligía lunbei hadügüni gürigia.

Eclesiastes 12:13

10 Linebenwa Aburemei ligía lueirin-ágeibei lichú aau;

chuti hau ha inebehabubaña lun.

Lalawahóuba Bungiu súnwandan!

Salmos 111:10

Hagundan gürigia ha úaraguabaña

1 Alawahoualá Aburemei!

Fuleseiwatiña gürigia ha inebehabubaña lun Aburemei

gunda hagía lau hagunfuliruni lugumadin.

Salmos 112:1

Labinihan Aburemei

1 fuleseiwatibu, buguya le inebehabubei lun Aburemei

gaganbadi buguya lun.

Salmos 128:1

18 Ánheinti Aburemei

góunigi lumutiña ha íchugubaña inebesei lun

ani afiñe hagía luagu línsiñehabu súnwandan,

Salmos 33:18

7 Biní láadiwa Bungiu!

Rula sun ubóu uéiriguni lun!

Salmos 67:7

2 Ánheinti hun huguya le inebehabubei nun, larugoungadagüdüba naricharagun keisi larugoungadagüdün weyu, le anügübei átuadi lidan lárouga. Hachubahaba lau ugundani kei bágasu ñǘbürigiña dan le háfuridun hábiñegiñe.

Malaquias 4:2

Le lamuriahabei Bungiu

12 —Guentoti, Ísüraelina, ka lamuriahabei Wabureme le Hubungiute húmagiñe? Le lamuriahabei lun híchugun inebesei lun, falá humeime sun lémeri; lun hínsiñe lan hun hudugua huguyame lun tau sun hanigi luma tau sun huani, 13 luma lun hagunfuliruni lugumadin luma lilurudun lun buidu lan lidin hun.

Deuteronômio 10:12,13

4 Falá huméi Bungiu le Hubungiute, lúnrügüla híchiga inebesei, aganba huméi lilurudun, hudugua humá lun, badüleñu huma luagu.

Deuteronômio 13:4

20,21 Aba lubeiti hasigirun Ísüraelina agibedagua ani sagü dan gabafutima hamá. Keiti buga linebenbei Bungiu houn ágüdahatiña, aba líderaguniña lau lagibedaguagüdüniña harahüñü.

Êxodo 1:21

1 Ítara liña lubeiti, niduheñu hínsiñetiña nun, anihán burí füramasei le ladügübei Bungiu woun. Ligía lunti lubéi wachibuni sun luwuyeri iwiyei wawariua, dandu luéi wágubu kei tuéi wawani. Houcha wamá lun sandu wamá ligibugiñe Bungiu, lau lueirin inebesei le wawagubei lun.

2 Coríntios 7:1

7 Ru humeime le hani kada gürigia houn. Fayei huméi le laguburahabei gumadi luagu hufulasun, luma amu burí katei líbeina lira; fayei huméi le lunti hafayeiruni luagu katei le ñǘbuinbei hun bóugudigiñe luéi hageira. Gaganbadi humá houn gumadimatiña, ru huguyame inebesei houn keisi lubudubu.