7 Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

10 Ra ngam gonop ma som’on e thangri yib madgun SOMOL u lanin’um. Fa’anra gamnang Fa’anem nib Thothup, ma aram e ba tamilang lanin’um.

33 Madgun SOMOL e ba sukul. Thingar mu sobut’ nigem u m’on ni ngan tolang nagem.

16 Kabfel’ ni ga ba gafgow ma bay madgun SOMOL u wan’um ko bin nge yo’or ban’en rom ma der aw e gapas u wan’um.

13 Ra ngan par ni bay madgun SOMOL u wun’uy, ma aram e nga ni fanenikay e tin kireb;

dabug e ufanthin nge tolngan’,

nge ngongol nib kireb nge thin ni yima yog nde riyul’.

4 Um par ni bay madgun SOMOL u wan’um, ma ba sobutan’um, me yo’or ban’en rom, ma ga par ni yibe ta’fam, me n’uw nap’am.

7 Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb. 8 Fa’an ga ra rin’, ma ra yan i aw ni bod e falay ni bay angin nra golnag e yungin ke maad’ad u dowam me chuweg e amith rom.

30 Feni pidorang be’ ni bpin e rayag ni nge ban nigey, ma pidorang e ma m’ay, machane be’ ni bpin ni be par ni bay madgun SOMOL u wan’ e thingar nog e sorok ngak.

13 U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

10 Dogwen SOMOL e ireram tabolngin e gonop;

gubin e pi’in ma folwok rok e ra pi’ e tamilangan’ ngorad.

Ir e ngan pining e sorok ngak ni dariy n’umngin nap’an.

1 Ke sorok SOMOL!

Nge felan’ e en ni bay madgun SOMOL u wan’,

ma rib felfelan’ ngay nma folwok ko tin keyog ni ngan rin’.

1 Ba felan’ e pi’in yad ma fol rok SOMOL,

ni yad ma par nrogon nike yog.

18 I SOMOL e ma yaliy e pi’in bay madgun u wun’rad,

ni pi’in ke pagan’rad ko t’ufeg rok ni dabimus.

7 Got e ke fal’eg waathdad;

mang e yigi liyor gubin e girdi’ u gubin yang ngak.

2 Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

12 "Gimed e girdi’ nu Israel, mang e ba’adag SOMOL ni Got romed? I SOMOL e ba’adag ni ngam liyorgad ngak mi gimed falwok rok, me t’uf romed mi gimed pigpig ngak u polo’ i gumircha’med ngu lanin’med, 13 mi gimed tay fapi motochiyel rok u gil’ nge machib rok ni nggu pi’ ngomed e daba’. Mu rin’ed ni aray rogon, mra fel’ e gubin u poluwmed.

4 Mu leked SOMOL ni Got romed mi i par madgun u wun’med. Mu ted nga tagil’ e tin keyog ni ngu’um rin’ed, mi gimed fol u lungun, mu’um pigpiggad ngak mi gimed par ni gimed ba yul’yul’ ngak.

21 Ma bochan e ba’ madgun Got u wan’ fa gal ppin ni yow ma ayuweg e gargel, me pi’ ngorow e bitir ni owcherow.

1 Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

7 Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

14 Gu ma finey e fager nib yul’yul’ u fithik’ e gafgow ni ara’ rogon,

ni demturug ko kug pag Got fa dawo’.