Adoração
A adoração é a resposta do coração humano à majestade de Deus. Deus é Espírito e importa que os que o adoram o adorem em espírito e em verdade — com todo o ser.
Adorar em espírito
Deus é Espírito e importa que os adoradores o adorem em espírito e em verdade. A adoração verdadeira brota do coração.
God, a Duam. Ezɨ gumazir an ziam feba, me Godɨn Duamɨn gavgavim ko guizbangɨn arazimɨn an ziam fe."
Ezɨ dughiar otivamim, an otogha gɨfa, ezɨ gumazamiziba bar guizbangɨra Afeziamɨn ziam fasa, me an Duamɨn gavgavim ko guizbangɨn arazimɨn an ziam fam. Ezɨ Afeziam, gumazamizir kamaghɨn amiba, me an ziam fasa a bar ifonge. God, a Duam. Ezɨ gumazir an ziam feba, me Godɨn Duamɨn gavgavim ko guizbangɨn arazimɨn an ziam fe."
Ezɨ Iesus kamaghɨn a mɨgei, "Amizim, nɨ nɨghnɨzir gavgavim nan ikɨ. Dughiatam otoghtɨma ia mɨghsɨar kamɨn Afeziamɨn ziam fan kogh, egh uaghan Jerusalemɨn nguibamɨn an ziam fan kogham. Ia Samariaba, ia fozir puvatɨzir God, ia an ziam fe. Ezɨ e Judaba e fozir God, e an ziam fe. E fo, Godɨn gumazamizibar akurvazir ingangarim, a faragh Judabar agharimɨn ikegh egh gɨn gumazamizir igharaziba bagh mangam. Ezɨ dughiar otivamim, an otogha gɨfa, ezɨ gumazamiziba bar guizbangɨra Afeziamɨn ziam fasa, me an Duamɨn gavgavim ko guizbangɨn arazimɨn an ziam fam. Ezɨ Afeziam, gumazamizir kamaghɨn amiba, me an ziam fasa a bar ifonge.
Ezɨ gumazir kam kamaghɨn mɨgei, "Ekiam, kɨ nɨghnɨzir gavgavim iti." Egha Iesusɨn guamɨn tevimning apɨrigha an ziam fe.
Ezɨ Iesus a mɨgɨa ghaze, "Satan nɨ na gitagh! Godɨn Akɨnafarim kamaghɨn mɨgei, ‘Nɨ uan Ekiam God, nɨ an apengara ikɨ an ziamra fam.’ "
Ezɨ Iesus kamaghɨn an akam ikara ghaze, "Godɨn Akɨnafarim kamaghɨn mɨgei, ‘Nɨ uan Ekiam God, nɨ an apengara ikɨ an ziamra fam.’ "
E uan inivafɨziba isɨ ofan mɨn God danɨngam
Kamaghɨn amizɨ, nan adarasi, kɨ Godɨn apangkuvir ekiam gɨnɨghnɨgha, kamaghɨn ia gakaghori: Ia uari uan inivafɨziba isɨ angamɨra itir ofan mɨn God danɨngvɨra ikɨ. Egh a baghvɨra ikɨva an ingangarim damu. Egh ia God damutɨ, a bizir kam bagh bar akuegham. Ia uari isɨ God danɨngamin arazir kam, kar guizɨn arazir Godɨn ziam fem.
E uan inivafɨziba isɨ ofan mɨn God danɨngam
Kamaghɨn amizɨ, nan adarasi, kɨ Godɨn apangkuvir ekiam gɨnɨghnɨgha, kamaghɨn ia gakaghori: Ia uari uan inivafɨziba isɨ angamɨra itir ofan mɨn God danɨngvɨra ikɨ. Egh a baghvɨra ikɨva an ingangarim damu. Egh ia God damutɨ, a bizir kam bagh bar akuegham. Ia uari isɨ God danɨngamin arazir kam, kar guizɨn arazir Godɨn ziam fem. Ia nguazir kamɨn itir gumazamiziba amir arazibar gɨn mangan markɨ. Ia teghtɨma God nɨghnɨzir igiaba ia danɨngtɨ ia arazir igiabar amuam. Kamaghɨn, ia Godɨn ifongiam gɨfogham, a kamakɨn: ia arazir aghuiba, ko God bar akongezir araziba, ko arazir bar deragha arazir mabagh afiraziba, ia dagh fogham.
E fo, God uan dafarimɨn biziba bar dar ingari, egha dar mɨngarim, ezɨ da a baghavɨra ikia, mamaghɨra iti. Kamaghɨn amizɨ e zurazurara ziar ekiam a danɨng mamaghɨra ikiam! Bar guizbangɨra.
E fo, Godɨn Akɨnafarim kamaghɨn mɨgei:
"Kɨ ian Ekiam, kɨ zurara ikɨvɨra ikiam,
kamaghɨn amizɨ kɨ guizbangɨra ia mɨgei,
‘Nguazimɨn itir gumazamiziba bar moghɨra
nan guamɨn teviba apɨrigh,
egh uan akabar nan gun mɨkɨm suam,
kɨ guizbangɨra God.’ "
Louvor e reverência
Vinde, adoremos e prostremo-nos. Louvai ao Senhor! Todo ser que respira louve o nome glorioso do Senhor.
Ikiavɨra Itir God en ingari.
Ia izɨ, e an boroghɨn mangɨ dapaniba avigh,
teviba apɨrigh uari a danigh an ziam fam.
Ikiavɨra Itir God en ingari.
Ia izɨ, e an boroghɨn mangɨ dapaniba avigh,
teviba apɨrigh uari a danigh an ziam fam.
Godɨn ziam fer ighiar abuananam
God uan Dɨpenimɨn itima, e an ziam fam.
A gavgavir bar ekiam ikia uan Nguibamɨn itima,
e an ziam pɨrafam.
A bar bizir ekiabagh ami.
E ziar ekiam a danɨngam.
A bar faraghavɨra ikia, an ziar ekiam bar pɨn mar iti.
E an ziam fam.
E sɨghabagh iviva, dɨbɨariba ko gitabav sogh,
Ikiavɨra Itir Godɨn ziam pɨrafam.
E tambarinbav soghɨva, ighɨ an ziam fam.
E gitan avɨrir igharagha garibav soghɨva, itabagh iviva ziar ekiam a danɨngam.
E brasɨn itaribav soghtɨ da bar puvɨrama arangtɨ,
e Ikiavɨra Itir Godɨn ziam fam.
E bizir bar angamɨra itiba,
e bar Ikiavɨra Itir Godɨn ziam fam.
E bar Ikiavɨra Itir Godɨn ziam fam!
Aleluia!
E bizir bar angamɨra itiba,
e bar Ikiavɨra Itir Godɨn ziam fam.
E bar Ikiavɨra Itir Godɨn ziam fam!
Aleluia!
E an Dɨpenimɨn aven mangɨ
an ziam fɨva a mɨnamam.
E a mɨnabagh
an ziar ekiam bar a pɨrafam.
Ia Ikiavɨra Itir Godɨn ziar ekiamɨn gun mɨkɨm.
Egh an damazimɨn zuegh ikɨ an ziam fɨ.
Me God mɨnabɨva an ziam fasa onger akabagh ami
Ia nguazimɨn itir gumazamiziba bar,
God bagh pamtem dɨmɨva bar akongegh an ziam fɨ.
E ighiaba bangɨ an ziar ekiamɨn gun mɨkɨm,
an ziar ekiam fɨtɨ, a bar pɨn ikɨ.
E Godɨn mɨkɨm suam,
"Bizir nɨ amiba da bar dera.
Nɨn gavgavim bar moghɨram ekefe,
ezɨ nɨn apaniba bar atiatigha, nɨn damazimɨn uan teviba apɨri."
Nguazimɨn gumazamiziba bar nɨn ziam fava,
ighiabagh amua ziar ekiam nɨ ganɨdi.
(Ighiam gamua an suiam atugha avughsegha ua ighiam gami.)
Kɨ faragha uabɨn akurvaghasa an dia,
egha uaghan an ziam fasa onger akabagh ami.
O Ekiam, ikɨzibar gumazamizir nɨ ingariziba bar izɨ,
nɨn ziar ekiam bagh teviba apɨrigh, nɨn ziam fam.
Nɨ bar uabɨra mirakelɨn bar aghuibagh ami,
Nɨ uabɨra God.
God bar en apangkuvigha bar e gifonge
Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
God uan gumazamiziba ko, men onger akam
E bar Ikiavɨra Itir Godɨn ziam dɨponɨva a mɨnabaka.
Egh ingangarir ekiar an amizibar gun Kantrin Igharazibar Gumazamiziba bar me mɨkɨmam.
Gumazim God ko ikiasa a ko mɨgei
O God, nɨ nan God, kɨ nɨn ganasa
nɨ baghavɨra mɨzua iti.
Kɨ mati, dɨpaba puvatɨzir danganimɨn ikia
dɨpam bagha ariaghiri moghɨn,
nan duam nɨ ko ikiasa ifongezɨ,
kɨ bar uabɨ isa nɨ ganɨngi.
Nguazir kamɨn ikɨrɨmɨrim a dera,
ezɨ nɨn apangkuvir arazim a gafiragha bar moghɨra dera.
Kamaghɨn, kɨ nɨn ziam fe.
Kɨ angamɨra ikɨvɨra ikɨ,
nɨ mɨnabɨva nɨn ziam fɨvɨra ikiam.
Kɨ uan dafariba fegh ghuanabogh nɨ ko mɨkɨmam.
Declarações de adoração
Tu és digno, Senhor, de receber glória e honra! Ao Senhor pertence a grandeza, o poder, a glória e a majestade.
"Nɨ en Ekiam, en God.
Nɨ biziba bar dar ingari.
Egha nɨ uan ifongiamɨn,
biziba bar dar ingarizɨma da otifi,
ezɨ datɨrɨghɨn biziba bar iti.
Kamaghɨn amizɨ, nɨrara e uari nɨn torogha
nɨn ziam bar pɨn anetɨ.
Gumazamiziba bar nɨ bagh bar akuegh,
egh nɨn ziam fɨva,
nɨn gavgavimɨn apengan ikiam."
Egha a pamten kamaghɨn mɨgei, "God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ."
Ekiam nɨ uabɨra guizbangɨra God.
Eghtɨ gumazamiziba bar nɨn atiating
ziar ekiam nɨ danɨng.
Nɨn arazir aghuiba bar azenim girɨgha gɨfa,
kamaghɨn amizɨ, kantriba bar dar gumazamiziba bar izɨ
nɨ bagh teviba apɨr
nɨn ziam fam."
Kɨ Jon, kɨ bizir kabar gara egha akar kaba barasi. Kɨ dar ganigha egha da baregha, maghɨra enselɨn bizir kaba nan akazimɨn suemningɨn tevimning apɨrigha an ziam fasa. Ezɨ a kamaghɨn na mɨgei, "Nɨ mamaghɨn damuan markɨ! Kɨ uaghan, nɨ ko Godɨn akam inigha izir gumazamiziba, me nɨn adarasi, e bar ingangarir vamɨram ami. Egha gumazamizir akɨnafarir kamɨn akabar gɨn zuiba, kɨ me ko ingangarir vamɨram ami. God uabɨra, nɨ an ziam fɨ!"
Nɨ gavgavir bar ekiam ikia, ziar ekiam ikia, bar pɨn mar iti, nɨ bar faragha iti.
Bar guizbangɨra, overiam ko nguazimɨn itir bizir kaba bar nɨn biziba.
Kamaghɨn amizɨ, nɨ biziba bar dagh ativagha dar atrivir ekiam.
Ikiavɨra Itir Godɨn Araziba bar dera, ezɨ a zurara en apangkuva ikia mamaghɨra iti.
Kamaghɨn amizɨ, e bizir kam bagh a mɨnabagham!
O God, nɨ datɨrɨghɨn en akuragh!
E gumazamizir bar igharazibar torimɨn iti, nɨ uam e akuvagh uam e inigh en nguazimɨn izɨ.
Eghtɨ e nɨn ziar ekiam gɨnɨghnɨgh nɨn ziar ekiam mɨnabagham.
E nɨn ziam fɨsɨ bar akuegham.
E Ikiavɨra Itir Godɨn ziam feka, a Israelian God.
E datɨrɨghɨn ko, gɨn izamin dughiabar zurara an ziam feka.
Asapɨn adarazi ighiar kam bangegha gɨvazɨ, gumazamiziba kamaghɨn mɨgei, "Bar guizbangɨra!" Egha me Ikiavɨra Itir Godɨn ziam fa ghaze, "Aleluia!"
Ikiavɨra Itir Godɨn Araziba bar dera, ezɨ a zurara en apangkuva ikia mamaghɨra iti.
Kamaghɨn amizɨ, e bizir kam bagh a mɨnabagham!
E Ikiavɨra Itir God bagh ighiaba bangɨ egh an ziam fam.
Egh bizir aghuir an amizibar gun mɨkɨmam.
Ezɨ bizir kam bagha God Iesus fegha a isa bar pɨn anetɨ. Egha God ziar bar aghuir mam a ganɨngizɨ, ziar kam bar ziabagh afira. God kamaghɨn ifonge, Godɨn Nguibamɨn itiba ko, nguazir kamɨn itiba ko, nguazimɨn apengan itiba, me bar moghɨra Iesusɨn damazimɨn uan tevibar apɨrigh an apengan ikɨva an ziam fam. Egh me bar azenan an gun kamaghɨn mɨkɨm suam, "Krais Iesus, an Ekiam!" Egh tuavir kamra, me ziar ekiam God en Afeziam danɨngam. God kamaghsua, ziar bar aghuir kam Iesus ganɨngi.
Sacrifício de louvor
Por meio de Jesus ofereçamos sempre sacrifício de louvor. Cantai ao Senhor, celebrai em salmos — enchei-vos do Espírito.
Kamaghɨn amizɨ, e Iesusɨn ingangarimɨn tuavimɨn, e zurara ziar ekiam isɨ ofan mɨn God danɨng mamaghɨra ikiam. Eghtɨ en akatoriba zurara an ziam fɨ suam, a en Ekiam.
Bizibagh Ativamin Danganir e inizir kam, an akongan kogham. Kamaghɨn amizɨ, e danganir kam bagh a mɨnabagham. E fo, en God mati avir puvɨra bizibagh asɨghasɨzim. Kamaghɨn amizɨ, e an atiatingɨva an apengan ikɨ, egh a mɨnabɨva a uabɨ ifongezir arazimɨn gɨn mangɨ an ziam fam.
Egh ia uariv kɨmsɨ, Onger Akabar Akɨnafarimɨn aven itir ighiaba ko, Godɨn ziam fer ighiaba ko, Godɨn Duam ian navir averiabagh atɨzir ighiaba, ia uariv kɨm. Egh ia ighiabar amuva, Ekiamɨn ziam fɨva, uan navir averiabar aven, ziar ekiam a danɨng.
Egh Kraisɨn akam ian navir averiabar ikɨ gavgafigh. Eghtɨ ia vaghvagh nɨghnɨzir aghuiba ko fofozibar gɨn mangɨva uarira uarir sure damuva akurvazir akam uari danɨng. Egh Onger Akabar Akɨnafarimɨn aven ighiabar amuva, Iesusɨn ziam fer ighiabar amuva, Godɨn Duam ian navir averiabagh atɨzir ighiabar amu. Dughiar ia ighiabar amuamim, ia uan navir averiabar God mɨnabɨ.
Ezɨ dɨmagarir arɨzimɨn Pol ko Sailas God ko mɨgɨava ighiabagh ami. Ezɨ kalabusɨn itir gumazir maba aning barasi.
Pol God an akurazir bizim bagha a mɨnaba
E Godɨn ziam fam, a God, egha en Ekiam Krais Iesusɨn Afeziam. A en Afeziam, ezɨ akurvazir arazim ko apangkuvir arazim an otifi. Ezɨ a, gumazamizir osɨmtɨziba ateriba, men gɨrakɨrangɨn tuiva navir amɨrizim me ganɨdi. God kamaghɨn ifonge, an en gɨrakɨrangɨn tuiva navir amɨrizim e ganɨdi moghɨn, e gumazamizir osɨmtɨzir avɨriba ateritabar gɨrakɨrangɨn tuiva navir amɨrizim me danɨngam. Kamaghɨn, osɨmtɨziba e bativir dughiabar, an en gɨrakɨrangɨn tuiva navir amɨrizim e ganɨdi.
E an ganigha a baregha gɨvagha, ia uaghan navir vamɨra e ko ikiasa, e uaghan ia mɨgei. Egh ia ko, e navir vamɨra Afeziar Ekiam ko an Otarim Krais Iesus ko ikiam.
Adoração como vida
Exaltai ao Senhor, prostrai-vos ante o escabelo dos seus pés. A adoração genuína transforma o adorador e agrada o Criador.
Ia Ikiavɨra Itir Godɨn ziam fɨ, a en God.
An arazir aghuiba, ko an damazimɨn zuezir arazibara amir God.
Kamaghɨn, ia an boroghɨn mangɨ teviba apɨrigh,
an ziam fɨ.
Dughiabar zurara,
kɨ nɨn ziar ekiam fɨ, an gun gumazamizibav kɨmasa.
God ghuariabagh aperagha overiamɨn zui.
Ia an tuavim akɨr.
An ziam kara, Ikiavɨra Itir God.
E an damazimɨn bar akuegh,
ighiaba bangɨ ziar ekiam a danɨngam.
God uan Nguibamɨn ikia, borir ameboghfeziaba ariaghireziba deragha men gara,
paba ariaghirezir amiziba deragha men gari.
Ikiavɨra Itir God a bar guizbangɨra dera,
kamaghɨn kɨ bar a mɨnabagham.
Kɨ Godɨn Bar Pɨn Itimɨn ziam fɨva,
a bagh ighiaba bangam.
Kɨ uan adarazir tongɨn ikɨ nɨn ziamɨn gun me mɨkɨmam.
Gumazamiziba uari akuvamin danganimɨn,
kɨ men tongɨn ikɨ nɨn ziam fam.
Kɨ kamagh mɨkɨm suam,
"Ia Ikiavɨra Itir Godɨn atiatia an apengan iti darasi, ia an ziam fɨ.
Ia Jekopɨn ovavir boriba, ia ziar ekiam a danɨng.
Ia Israelia, ia an damazimɨn tugh an ziam pɨrafɨ."
Kuarim na mɨsɨngizɨ, kɨ dɨpatamara amasa bar ifongezɨ moghɨn,
nan duam nɨ ko mɨkɨmasa bar ifonge.
(Ighiam gamua an suiam atugha avughsegha ua ighiam gami.)
Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme?
Kɨ osɨman kogham.
Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam.
Nan God, a nan Akurvazir Gumazim.
Kɨ kamaghɨn Ikiavɨra Itir God mɨgɨa ghaze,
"Nɨ nan Ekiam.
Bizir aghuir kɨ datɨrɨghɨn itiba,
da nɨn agharimrama otifi."
Ia uari isɨ God danigh, egh an apengan ikɨ.
Egh agorogem sara bar atiatingigh.
Kɨ nɨ gɨnɨghnɨgh nɨ bagh ongɨ
bar akuegham.
O Godɨn Bar Pɨn Itim, kɨ nɨ bagh ongɨ
egh ziar ekiam nɨ danɨngam.
Falsa adoração
Não terás outros deuses diante de mim. Não adorarás ídolos. A adoração exclusiva ao Senhor é mandamento inegociável.
Ia asetam ko marvir guatamɨn itevibar pɨrɨva an ziam fan markɨ. Guizbangɨra, kɨ Ikiavɨra Itir God, kɨ ian God. Egh godɨn ifavaritamɨn amamangatɨghtɨ, a nan danganim inian kogham. Bar puvatɨ. Gumazamizir nan aghuaziba, me osɨmtɨzim iti, ezɨ kɨ ivezir kuram me ko men ikɨzim danɨng mangɨvɨra ikɨtɨ, men ikɨzimɨn igiar boriba ko azɨziba otogham.
"Kɨ uabɨra, kɨ Ikiavɨra Itir God, ia nan ziamra fɨ. Egh aser ifavariba nan danganim inian kɨ bar aghua. Egh ia asebar ziaba fan markɨ.
Moses aven ghugha gɨvazɨ, ghuariar ruarir ekiam iza Purirpenimɨn tiar akamɨn tughav iti. Ezɨ Ikiavɨra Itir God ghuariar kamɨn aven ikia Moses ko mɨgei. Gumazamiziba uan purirpenibar tiar akabar tuivigh ikɨ gantɨma, ghuariar ruarir ekiar kam God bativamin Purirpenimɨn boroghɨn tughɨv ikiam, eghtɨ me dapaniba avigh, Godɨn ziam fam.
Ikiavɨra Itir God uabɨ na gamizɨma, kɨ gavgavigha, onger akam bangava an ziam fe.
A zurara ua na isi, ezɨ kɨ an ziam fasa.
A nan God, egha nan akurvazim. Kamaghɨn amizɨ, kɨ an ziar ekiam fasa.
Nan afeziamɨn God, kɨ an ziar ekiam fɨ, a isɨ bar pɨn anerɨgh ighiam damuam.
O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ.
Nɨ atrivir ekiam, egha arazir aghuibaram ami.
Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ.
Nɨrara dɨgavir kuram gamir arazibagh ami, egha ingangarir ekiabagh ami.
Egh ia nan ziamra fɨ, kɨrara Ikiavɨra Itir God, ian God. Ia kamaghɨn damutɨ, kɨ bar deraghvɨra ia damuva, dagheba ko dɨpaba ia danɨngɨva, ia dam arɨmariaba batuegham.
Anarɨra, a ian God, kamaghɨn ia an ziam fɨ. Ia uari bizir ekiar igharagha garibar gari, a ian akurvaghasa dagh ami.
Egh danganir kamra, Ikiavɨra Itir God, en Godɨn damazimɨn, ia ko ian amuiroghboriba ko ian ingangarir gumazamiziba ia bar uari akuvagh, God danɨngamin ofan daghebar amam. God deragh ia damightɨ, ian ingangariba deraghvɨra otivightɨ, ia bizir kam bagh an damazimɨn bar akuegh ikiam.
Me ikɨzir igharazibar asebar ziaba fema,
men arazir kam, Ikiavɨra Itir God bar men aghuagha navim bar men ikufi.
Egha men arazir kam bangɨn
a bar men anɨngaghegha men atari.
Me ikɨzir igharazibar duar kuraba bagha asɨzibar ofa gami.
Aser kaba, da guizbangɨn godba puvatɨ.
Ezɨ aser kaba da datɨrɨghɨra iza ian nɨghnɨzibar otivizɨ, ia da fe.
Kar ian inazir afeziaba fozir puvatɨzir aseba.
Me Godɨn men ingarizɨ me itim ataki.
A mati dagɨar ekiar gavgavimɨn mɨn me apazazɨ, me an apazangɨn mongegha angamɨra ikiavɨra iti.
Me Godɨn gavgavir kam bakɨnɨghnɨki.
"Ia uari bagh ganigh! Ian nɨghnɨziba ia gifaraghtɨ ia Ikiavɨra Itir God, akɨrim ragh a gasaragh, asebar ziaba fɨ dar ingangaribar amuan markɨ.
Ezɨ Ekiam kamaghɨn mɨgɨa ghaze:
"Gumazamizir kaba uan akatoribara nan ziam fe,
ezɨ men naviba ko nɨghnɨziba bar nan saghon iti.
Me guizbangɨra nan ziam fer puvatɨ.
Me gumaziba pura uari amizir otivizir arazibar gɨntɨsi.
Me arazir kabar men sure gamizɨ, me pura uan akatoribara dar bori,
ezɨ da men navir averiabar aven zuir puvatɨ.
Ikiavɨra Itir Godɨn ziam fer ighiam
O Ikiavɨra Itir God, nɨ nan God, ezɨ kɨ nɨn ziam fasa.
Nɨ nan akurvaghasa bizir aghuir igharagha garibagh ami.
Nɨ fomɨra damuasa mɨkemezir biziba,
nɨ guizbangɨra dagh amigha gɨfa.
Kamaghɨn amizɨ, kɨ ziar ekiam nɨ ganɨdi.
Ezɨ God akɨrim ragha me gasaragha, me ataghizɨ me overiamɨn mɨkovezibar ziaba fe. Akam inigha izir gumazibar akɨnafarimɨn akam an mɨrara ghu:
" ‘Ia Israelɨn gumaziba,
mar ia 40plan azenibar gumazamiziba puvatɨzir danganimɨn ikia
nan ofa gami?
Bar puvatɨ.
Ia asem Molekɨn marvir guamɨn averpenim aneteri,
egha ia uaghan asem Refanɨn mɨkovezir nedazim ateragha arui.
Kar asemning,
ia aningɨn arazibar gɨn mangasa
aningɨn ingari.
Kamaghɨn amizɨ, kɨ ian nguazimɨn ia batuegh,
ia amadaghtɨ ia mangɨ
Babilonɨn nguazimɨn vongɨn ikiam.’
Eghtɨ gumazitam bizitam irebamɨn mɨn bizimɨn ganigh, kamaghɨn a uabɨra uan ziam fɨtɨ, ia an akam baraghan markɨ. Gumazir kam suam, ia uarigh ifarɨva uari dɨkabɨnɨva egh enselbar ziaba fɨ. Eghtɨ ia an akam baraghan markɨ. Gumazir kam a uan nɨghnɨzim ko navir ghurimɨn arazibar gɨn ghua, pura mɨgɨa ghaze, kɨ uabɨ bar fo. Eghtɨ ia gumazir kamaghɨn amitam ateghtɨ a ia dɨkabɨragh, ian ivezir aghuim okɨman markɨ. Egha a Kraisɨn suirazir puvatɨgha anetaki, Krais en dapanim, e an inivafɨzim. E an poroghav ikia dagheba isa, egha a ko inivafɨzir agɨribar mɨn uari isasuiragha iti. Inivafɨzir kam Kraisɨn apengan itima an a gamima a God ifongezɨ moghɨn aghua gavgafi.
Ia gumazitamɨn gantɨ a uan akatam o arazir an amitamɨn ia gifaran markɨ. Ia oragh! Dughiar kam puram otoghan kogham. Puvatɨ. Faraghɨvɨra gumazir avɨrim Godɨn akaba batoghɨva akɨrim ragh God gasaragham. Eghtɨ Godɨn Araziba adoghodozir gumazir mam azenara otogham, gumazir kam God helɨn a gasɨghasɨgham. Bizir gumazamiziba ziaba feba ko dar bora ghaze men godba o men aseba, a dar apanimɨn ikiam. Egh a uabɨra uan ziam fɨva egh a bizir kaba bar da dɨkabɨragham. Egh a Godɨn Dɨpenimɨn aven daperagh ikɨva kamaghɨn mɨkɨmam, "Kɨ uabɨra God."
Exemplos de adoração
Jó adorou em meio ao sofrimento. Esdras adorou na restauração. Paulo e Silas adoraram na prisão — e Deus respondeu.
Ezɨ Jop kamaghɨn oregha bar osemegha, dɨkavigha uan korotiar ruarim abigha uan dapanim gise. Egha Godɨn damazimɨn tevimning apɨrigha, uan guam nguazim mɨtuagha Godɨn ziam fe. Egha a kamaghɨn mɨgei, "Nan amebam na batezir dughiamɨn, kɨ bizitam inigha izezir puvatɨ. Kɨ bibiamra ize. Egh kamaghɨra, kɨ aremegh pura mangam. Ikiavɨra Itir God uabɨ bizir kaba na ganigha, egha datɨrɨghɨn ua da ini. Kamaghɨn, kɨ an ziam fe."
Me bar akongegha uarira uari ikarvazir ighiabagh amua Ikiavɨra Itir Godɨn ziam fava a mɨnabi:
"Ikiavɨra Itir God, a bar dera!
Guizbangɨra, a zurara Israelian apangkuvigha mamaghɨra iti."
Me gara guizbangɨra fo, ingangarir gumaziba Ikiavɨra Itir Godɨn Dɨpenimɨn dagɨar ekiar an apengan ikɨ gavgavim a danɨngamiba, me da arɨghizɨ da iti. Kamaghɨn amizɨ, me bar uan gavgavibar pamtemɨn tiariba akara Ikiavɨra Itir Godɨn ziam fe.
Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.
O Ikiavɨra Itir God, en Ekiam, nɨn gavgavim bar ekevezɨ, tav ua nɨn mɨn itir puvatɨ. E uan inazibar akatoribar oraghizɨ moghɨn, nɨ uabɨra bar guizɨn God.
O Ikiavɨra Itir God, tav nɨn mɨn, bar zuezir puvatɨ.
Egha godɨn igharazitam nɨn mɨn itir pu. Bar puvatɨ. Nɨ bar dagh afira.
Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.
Livain marasi, men ziabar kara: Jesua, Katmiel, Bani, Hasapnea, Serebia, Hodia, Sebania, ko Petahia, me Ikiavɨra Itir God ko mɨkɨmasa gumazamizibav gɨa ghaze, "Ia dɨkavigh Godɨn ziam fɨ, a ian Ikiavɨra Itir God, e zurara an ziam fɨ mamaghɨra ikiam."
Eghtɨ fighɨn temeba ban koghtɨ,
wainɨn ikarɨziba, wainɨn ovɨziba dar ituan koghtɨ,
olivɨn temeba, ovɨziba dar ituan koghtɨ,
azenimɨn dagheba puvatɨghtɨ,
sipsipba bar arɨmɨghireghtɨ,
bulmakaubar dɨpenim pura ikɨtɨ,
eghtɨ kɨrara Ikiavɨra Itir God bagh bar akongegham.
Kɨ fo, God, a uamategh na iniam.
Kamaghɨn amizɨ, osɨmtɨzir kaba otivamin dughiamɨn,
kɨ bar akuegh navir amɨrizimɨn ikiam.
Egh dughiar kamɨn ia nan boroghɨn izɨva, egh nan dɨmɨva, egh na ko mɨkɨmtɨ, kɨ ian dɨmdiam baragham.
Ia Godɨn boroghɨra mangɨtɨ, a ian boroghɨra izam. Ia arazir kurabagh amir gumazamiziba, ia uan navir averiabar amightɨ da zuegh, mati gumazamiziba uan dafariba ruezɨ da bar zue. Ezɨ ia gumazamizir nɨghnɨzir pumuning itiba, nɨghnɨzir kurar ian navibar itiba, ia da atakigh.