Adoração

24 Mageni Hafuuraken, isoo sagadaakiirinna Hafuurikinna dhugaati isoo sagada hassissaan.»

23 Dhugaati sagadaakiiri Aabi’a, hafuurikinna dhugaati sagadaaxxe yanna daggaan; ta’anni dagge’een; Aabinna iittanni isoo dhugaati sagadaakaara eeyyaan. 24 Mageni Hafuuraken, isoo sagadaakiirinna Hafuurikinna dhugaati isoo sagada hassissaan.»

21 Yessuusinna ise’n hiyyee qici, «Tee manjichcho tenne kooba’ninna kaddo Iyyerusaalemi’ni Aabi’a sagadinaaxxi yanna daggaaxxa anee amani. 22 Ha’noo Samarto egedinebaakee sagaddinaan; no’o kinn anjirema Ayihudakenaa’nite kaddeexxa egeneennaxxee sagandaanen. 23 Dhugaati sagadaakiiri Aabi’a, hafuurikinna dhugaati sagadaaxxe yanna daggaan; ta’anni dagge’een; Aabinna iittanni isoo dhugaati sagadaakaara eeyyaan.

38 Manjichchikinna, «Goottaa amanaannen» hiyyeexxi isi’a sagade.

10 Yessuusinna isoo, «Gootta atike Mageni’a kumbu hiyyi, ‹isoo callanna magenooffati› hiyyende borreessendeemmaxxee, ati Seexana! Me’i ani edii’n!» hiyye.✝

8 Yessuusinna, « ‹Gootta atike Mageni’a sagadi, iso callanna magenooffat› hiyyende borreessendeen» hiyye hiisse haaso’e.✝

Hedhoka Tolcha

1 Yoona anke dayyuwwa Manjunte ha’noxxi Mageno gammachisaaxxenna hedhoke woyyichcha tolcha assitineexxi Magenoke’e shiqishinaasha Mageniixxe mararenni ha’no’o kadhataanen. Tinninna aanne affeexxa dhugaatixxa magenooffachcho.

Hedhoka Tolcha

1 Yoona anke dayyuwwa Manjunte ha’noxxi Mageno gammachisaaxxenna hedhoke woyyichcha tolcha assitineexxi Magenoke’e shiqishinaasha Mageniixxe mararenni ha’no’o kadhataanen. Tinninna aanne affeexxa dhugaatixxa magenooffachcho. 2 Eloxxa, gamachisaxxanna luqqitte Magenxa fedhi maacho kaddeexxa hubatine egendinno’a giddixxe ha’noxxe qalbexxe haroma’n jijireme male tenne butta labbinoqe’e.

36 Duuchchinxa yaane insibaa’n, isidarre’ninna isi’ate kaddemaxxe

isi’a duuchchchi woddinaa’n duuchhci woddi’a ulfinni isi’a kadowaal! Ameen.

11 Tinninna,

« ‹Ani hedhanoke kadenaxxe›

‹Manji duuchchi ani edo gulubo ifikenni gulufataan,

arabo ifikinna ani Magenoke kadenexxa kulaan› hiyya’neen Gootti» hiyyende borresendemashaten.

6 Amme kumbu hina’ni isoo magenoofanto;

no’oo dademmake Duuchchii Woddike Gootti edo gulufanto.

6 Amme kumbu hina’ni isoo magenoofanto;

no’oo dademmake Duuchchii Woddike Gootti edo gulufanto.

Galatiinxa Faafo

1 Hallee luya

Mageno isixxe woyyitte bakka giddo saaddee;

isixxe hunnameette dhisendeexxe iimuwwaxxee’e isoo saaddee.

2 Isixxe lumoxxe hujexxee’e isoo saaddee;

yo’oshsha lumoke kadeemmaxxee’e isoo saaddee.

3 Malagatik isoo saaddee;

baganikinna masinqoti isoo saaddee.

4 Okolikinna kunbulsati isoo saaddee;

kiraarikinna suusu’leti isoo saaddee.

5 Qililisaake sibilinni isoo saaddee;

adda qiqqilisaake sibiluwwinni isoo saaddee.

6 Hedho affeexxi dada duuchcha

Duuchhci Woddika Gootta saaddowwaal;

Hallee luya.

6 Hedho affeexxi dada duuchcha

Duuchhci Woddika Gootta saaddowwaal;

Hallee luya.

4 Galateeffatina’ni isike galmixxa hula e’ye;

saaddina’ni isixxe baxxebaa me’we;

galata isi’a uutina’n summa isikanna saadde.

2 Ulfeeseme’eeke isike summi’a Duuchchi Woddika Gootta saadde;

isixxe woyyummake gaachanni’a Duuchchi Woddika Gootta Magenoonfatte.✝

Mageno Saadachchotixxanna Galateefatatixxa Faaro

1 Butta duuchcha Magenoke illilli hituuni!

2 Isike summike ulfinni’aa faarse;

uulfateeka galatanna isi’a uwwe.

3 Mageno hitinaa qici, «Ati assitetexxi yaanuwwa hittatta manbe’iinxe!

Hunna atixxi yo’oshsha lumoxxe kaddeemmaxxee

atik naaphi atee sodaate’e cuqurto’aan.

4 Buttate’n hedheek duuchchi ati’a heeshshi qokki hiyyaan;

galatiinxe faaronni atee saadaan;

summa atika saanda’n faarsaan.»

17 Hafuura anka gikki asse’e oodhdhe’e isoo soodatenne;

afo’o ankenninna isoo saadenne.

9 Ee Dada Duuchchike Goottaa! Ati daddeteke gosa gosaki ardi duuhchi

dageexxi ati’a kumbu hiyyaan;

summa atikanna ulfeessaan.✝

10 Ati lumoke kaddetaxxee mambe’a yaanuwwa assittatton;

atinni calli Magenoken.

Mageniinxa Jaalala

1 Anxe lubboo! Duuchchi Woddika Gootta galateefat!

anxi giddixxi hedho duuchchanna isika woyyichcha summa galateefat;

Magenokanna Isika Arda

1 Duuchchi Woddika Gootta galateeffatte;

isika summanna ye’we;

asseexxa duchchanna gosa gosake arda’ni oodeesse.

Mageno Halsaa

1 Ee, Magenoo! Ati anke Magenon;

ani atee mitte godobinni halcheennen; xeena gopheexxi

Lameba wa’aa hiyyeemmake buttinishsha

lubbo anxi atee dheeboteen;

Aninna atee yora’eennen.

3 Duuchchi woddixxi atixxi jaalala hedhotenaa’n midde

caaldeexxe kaddeemmaxxee’e afo’i ank atee saada’neen.

4 Hedhenneke baro duuchcha’n atee saadannon;

anga anxa atibaa ke’isee summa atika ye’edhannon.

11 «No’oke Goottanna no’oke Magenoo,

ulfinnikinna gaachchanii, hunnatinna sadino ati’a hassissaan;

Ati duuchiigeechcho daddeetaxxee

fedhi atixxen kunnichchiirinna dademeexxi

hedhaake kade’een.»

7 Isinna hafuura gikki asseexxi, «Mageno sodaatte! Ulfinnakanna isi’a uwwe; murtetixxi yanna galte’een; iimmanna butta abbaayyatanna wodi’iinxa muummuwwa duuchcha dadeekee kumbu hiyye» hiyye.

4 Koo Goottaa! Ate sodaatabakinna

summa atika ulfeessabaak ayyete?

Ati calli woyyichchaken;

Qullumma atixxixxi huje leellitemmaxxee

arduwwi duuchchi dagaan;

Ati edonna magenoffataan.»

8 Tennee yaannuwwa laqennekinna afennek ante Yohaannisiten; tenne yaanuwwa laqenne woddanna afenne wodda tenne yaanuwwa ane’n leellisheeke iimike erganjo magenooffatonnaa isixxe lekka hunda kumbu hiyyenne. 9 Isi kinni anee, «Waali tenne assitoxxe! Ani atinninna atike dayyuwwa wabeekoti welti iittanni konne maxaafika hiyyichchuwwa heqedhaake duuchchinni welti erganjoken; Magenokee kumbu hiyyi» hiyye.

11 Koo Duuchchi Woddike Gootta; iimate’ninna buttate’n hedheechchi duuchchi atingen;

Lumminni, hunna, ulfinninna gaachchanni atingen.

Koo Duuchchi Woddike Gootta mootummatinna atinxen;

Atinna umiinsha duuchchinge iimi darre lummexxeetteken.✝

34 Duuchchi Woddiki Gootti arjaken galateefatte;

jaalala isixxi duuchchin woddi’a itti jabaattee hexxaan.✝

35 «Koo anjiralo no’oke Mageno no’o wodi;

Woyyichcha atike summi’a galata shiqinsannoshsha,

Atike galatinni ulfaantannoshsha no’o bukki assi

gosa gosake ardinaa’n no’o anjir» hitine raarre.

36 Barokenaa’ni barin qico’ni,

Isira’eelik Duuchchi Woddik Gootti Mageni’a saadino kaddowwaal.

Okko’ni ardi duuchchi «Ameen» iitanni, «Duuchchi Woddik Gootti saademowwaal!» hine.

34 Duuchchi Woddiki Gootti arjaken galateefatte;

jaalala isixxi duuchchin woddi’a itti jabaattee hexxaan.✝

9 Isi’a faarse; sirbakanna isi’a shiqisse

mambe’a isika duuchchanna haaso’we

9 Tennenaa’ni kexxeexxa Mageni konnete hiyyemabaa qico isoo lummiseen;

summa duuchchanaa’n caalaka summanna isi’a uwween.

10 Tennexxee iimanna butta, buttini hunda

gulubi Yessuusike summike ulfinni’a gulufaantaan.

11 Duuchchiingi Mageno anna ulfeessiyyotee

«Yessuusi Kiristoosi Goottaken» hina’ni

afo’i ifikenni lallabaan.

15 Tennexxee duuchchinni wodda galatiinika tolcha kunninna summa isika saaddaaxxa afo’inxa gumma Yessuusi darre’n Magenokee shiqinsho.

28 Tennexxee hara lele’mitabaaxxa mootumma adhdhina’enexxee Mageno galatenfato; iittanni gammachchiisake orinninna soda’atinna ulfeesat isoo magenoonfanto. 29 Tinninna Mageni no’ok eettene balleessitammaxxe giirashsha kadeemmaxxeeten.

19 Faaroti, saadinotinna hafuuriike meellinni weli haaso’we! Saadinotinna faaroti mitte qalbe ha’nooxxenni Gootta galateeffatte!

16 Kiristoosik hiyyichchi wo’ma qico’ni ha’noo’ni hedhowwaal! Mitti mitte beekkumi duuchchinni barachchiisina’ni weli gorse! Faaroti saadinot, hafuuriinke meellinni Mageno qalbeti galateefattina’ni faarse.

25 Hashsha wodhak geyyaa wodda Phawuloosinna Sillaasi soodanta’ninna faarsina’n Mageno galateefanta’nemman; weli usuremeemak manninna insa’nee caqasa’nemman.

Phawuloosi Magenoke’e Shiqisheeka Galata

3 Marartetik anninna dayyesak duuchchike Mageno kade’eek no’oka Gootta Yessuusi Kiristoosike anni’a Mageni’a galati geyowaal. 4 No’o Magenbaa’ni alfinenexxe dayyeesanni rakkoti giddo hedhdheka manna duuchcha dayeesa dandenanoshsha Magen no’o rakko no’oxxe duuchcha’n dayyeesa’neen.

3 Ha’nonna no’onni welti mittumma afinaashsha uundennexxanna lanqennexxa ha’no’ni kullannoni; mittoomi no’okinna Aabinni, Belti ifike Yessuusi Kiristoosinni weltiten.

5 Duuchchi Woddika Gootta no’oka Mageno saadde! Mootte isixxi hundanna isi’a kumbu hiyye; isi woyyichchaken.

8 Afo’i anki barra duuchcha atee ulfeesatinna saadat wo’meeken.

4 Magno faarse, summa isikanna faaroti saadde;

duumanchii hana me’aaka ora giise

summi isikinna Duuchchi Woddike Goottann;

Isi edonna gammadde.* 5 Woyyitte ifixxe bakka’n hedhaak Mageni, annakanna ama affebbaaxxe oose’a annaken;

aro’i reyeexxe mellaalle’aanna dhugaati muraken.

17 Duuchchi Woddika Gootta qullumma isixxee galatefata’eennen;

Dada Duuchchike Duuchchi Woddike Goottike summi’a galatiniinxa faaro faarisa’eennen.

22 Summa atika anke arda’n kulannon;

insa’ne bukki hineexxe bakka’n atee galateeffatannon.✝

23 Ha’noo Duuchchi Woddika Gootta sodaatinaak manni isoo galateeffatte;

ha’no Ya’iqoobixxi sanne duuchcha isoo ulfeesse! Ha’noo Isira’eelixxi sanne duuchcha

Isoo saadde.

6 Anga anixxanna atibaa farri asseennen;

bago bogishsha

lubbo anxinna atee dheebotte.

11 Tee anxe lubboo mayyee’e yaaddatto?

Mayeeteta ani giddo weekendaatechchi?

Magenonga heqqedhi;

anjirallo ankanna Mageno anka ani higee’e saadannon.

2 Ee Duuchchi Woddike Goottaa, «Ati anke dada Duuchchike Goottaan;

ani afennexxi elolla yaane duuchcha

ati ani’a uuttettexxe uwwan» hiyyenne.

11 Duuchchi Woddike Gootti’a soda’ati ergatemme;

culphisinna’ni isi’a hiremme.

2 Ani ate’n gammada’nee, ilillisaa’enne; ee Dada Duuchchke Duuchchi Woddike Goottaa!

Atika summa faarsa’nee galateeffata’eenne.

5 Ani Duuchchi Woddik Gootti atik Mageni hinaantichcha Mageno kadennaxee’e konneechuwwa magenooffattoxxe; sagaddoxxe; anee gibakera sakkaxxenna sholgaxxe ila qico’n annuwwiinxe cubbo’aa oose xixannoken.✝

14 «Ani Duuchchi Woddiki Gootti hinaatichcha Mageno kadennaxxe’e Anee malee’e wele magenuwwa magenooffatinoqqe’e;

9 Muusenna ookko’a e’yeechchi uduma duumanchi dagee dunkaaniinxe hula edo uurraan; Duuchchi Woddiki Goottinna duumanchi giddii’ni Muuse haasossaamman. 10 Ardikinna duumanchi dunkaaniinxe hula’ni uurree’na uuda wodda ifi ifinge dunkaanixxe hula’ni guluffatee magenooffataamman.

2 Duuchchi Woddiki Gootti hunna anxenna anxe faaron;

isinna ani’a anjiralloke kade;

Isi anke Magenon, isoonna galateeffatannon;

anke annike Magenon;

aninna iso’o kubbisannonn.

11 «Ee, Duuchchi Woddike Gootta

wele magenuwwinaa’n atishsha ayyete hedhe?

Woyyumati ulfaateek

gaachchaannik sodaachchisaak

masso yaanuwwa assaak

atishsha ayyete hedhe?

25 Duuchchi Woddika Gootta atika Mageno magenooffat; isinna midha wode’e atika eebbisan; dhukkubakanna atixxe oddonaa’n bayyisannon.

21 Saaddattok isoten; ille atixxenni uudettexxa eettenee lumollanna sodaachchissaaxxa yaanuwwa ati’a asseek atike Mageno.

7 Ookkonna Duuchchi woddike Gootta ha’nooke Mageni edo ittinaani; Duuchchi Woddik Gootti ha’nook Mageni ha’noo eebiseexxe hujinaaxxe duuchchinni atinna atik mini hadi gammaddinaan.

16 Magenonga misechchixxa fakke magenooffatati gaabinse:

elobaaxxa hunja’ni mufachchiinseen.

17 Konneechchi edo egenebaak;

barri giddii’n dageek;

Magenokeete kaddebaang durrisakee

edik annuwi insa’neek magenooffatebaake magenuwwi’a

tolcha shiqinsheen.✝

18 Annake kadeeka Mageno waalleen:

insa’neenni dade’enga Duuchchi woddika Gootta deenen.

16 Yaadi ha’nook ha’noo dedhisee’na’a wele magenuwwa magenooffattine sagadinabaashsha heqqedhdhe.

13 Duuchchi Woddiki Gootti, hiyya’nee qici,

«Kunni ardi afo’ik aniba’a shiqaan

suume ifixxinninna anee ulfeesaan;

qalbe isixxi kinni anenaa’n bayyateexxen;

isi anee magenoofate’neekinna

manji barsiisemmaxxe manjiinxe huje callinniten.

Galatiinxa Faaro

1 Duuchchi Woddike Gootta! Ati anke Magenon;

atee lummisaannen;

summa atikanna galatefatannen;

Ati haranga mambe’a kaddeexxa yaane assiteetten;

sirendenaa’n ke’issite heddettexxa duuchcha,

hara addachchiisaake orinni muxxetten.

42 Yaane kinni Mageni insa’nenaa’ni gargarti hige; iimixxa urjuwwa magenoonfanto’aa insa’nee sa’isse uwwe; tinninna wabeekotike maxaafa’n hiyyende borreesendemma qici:

« ‹Koo ha’noo Isira’eelike manna shoole tomme wogga qiilla gammoojje’ni hexxinemma wodda

tolchakanna uwwa shiqishinemmak ani’atemmata?

43 Tenne irra ha’noo magenooffatino’aa giissexxineemmaka Molokika duunkaananna

ha’nooke dharichcha mageno,

Reefaamixxe urjexxa misile dulkitine me’itineen;

Tennexxe aninna ha’no booji’endineexxi Baabiloon widdo me’itinashsha assannon.›

18 Sobiinxe shaqunteninna erganni magenoonfatta eeyyaak ayyinna ha’noo tola gatisabaashsha heqedhdhe; iitta hedheek manji uudeexxe waleellaxxee’e ifi saada’n woyi fulabaake maaliinke heduminni wo’meexxi ifi dukaan. 19 Kunni manji, bisiinke umo kadeeke Kiristoosinni welti mittumma afeekebaan; biso duuchcha mikitikinna hiddik mitteba abidiseexxi, la’isaak umoken; Mageni biso duuchcha nossaake konne qicinniten.

3 Fedheeki manji ha’noo fedheeke toorinni soboqqee! Ediseexxi Mageno waakatanna Kiristoosii moromaki fuggaaleesi ba’netiki manji dagebaaki Goottinxe dagaaxxi barra geltabaan. 4 Isinna, Magenoke hiyyeme ye’emaachcho yookaan magenooffatemaachcho duuchcha’n iima umo ifika lummisaake gareerallon. Isinna Mageniinke woyyichcha galma’n mare ofo’leexxi, ani Magenoken hiyyaan.

20 Ookkonechchinni udumi’a Iyyoobi iimi’a qophphi hiyye ke’eexxi yaadeemmaxxee seemma ifixxa dare umokanna haaxxe; buttanna kumbuyye sagada’n 21 «Ama anixxike godobanaa’ni ileme’e buttina uudenne baro mittilchchi afeennalchchi hedhemmabaan; reyanno barronna mittelchchonna adhdhe me’abo’non; Duuchchi Woddiki Gootti uwween; Duuchchi Woddiki Gootti adhdhe; Duuchchi Woddika Gootta galat geyowwaal!»

11 Saadinotinna galatiki, «Duuchchi Woddik Gootti eloke kadeemmaxxee, isi Isira’eeli’a afe’eexxi jaalalanna duuchchi woddixxen» hina’ni Duuchchi Woddika Gootta faarsine; Mageniinke minixxi booso ke’isendemmaxxee ardi duuchchinna hafuura gikki asseexxi ililisa’n Duuchchi Woddika Gootta galateeffate.✝

37 Iimik Magen assaaxxi duuchchi eloxxe kaddeemmaxxee ori isik duuchchinna qullichakenna dhugaate kademmaxxe ta’a ani Naabukedenetsoor iso’o sadaanne, lummisaanne, ulfessaanne; isi ifi dukaakaranna salphisa dande’aaken.

22 «Ee dada duuchchike Duuchchi Woddike Goottaa! Ati lumoken! Atishsha hedheeki hara ayyinna hedhebaan mansha no’oxxinni laqeneshshanni atee malee Mageni hedhebaan.

2 «No’oke Duuchchi Woddike Gootta Goottishsha woyyichchi hedhebaan;

ati gadho weli hedhebaan;

no’oke Magenishsha hedheek golli hedhebaan.

5 Iyyaasu, Qadimi’eeli, Baani, Hashebaaniya, Seeraabiya, Hoodiya, Sebeniyanna Fetaya hiyyendaaxxi Leewwito: «Kexxineexxi uurre; duuchchi woddanna duuchchi woddi’a hedha’neeka Duuchchi Woddika Gootta ha’nooka Mageno saadde» hine.

Ulfeessemeeki summi atiki galateeffatemmeeke kado’o; galata duuchchana’ninna saadinoti iimi darree lummedhowwaali.

17 Yaane kinni belesetik haqichchi gummisa gophoole,

woyyinetike hiddichcho’ni gummanna afema gophphoole,

Ejersiink haqichchinna gumma uwwa gophoole,

fichchuwwikinna midha uwwa giboole,

Gedhebiinxi goodhenna midde duwwi gattoole,

lalikinna moonna giddo afema gophoole,

18 Ani kinni Duchchi Woddike Gootta’ni gammadannon;

anke anjirallo Mageno’ni ililisannon.

12 ha’nonna anee’e ye’exxinaan; shiqqinenna aniba’a soodattinaan; aninna soodachcho ha’noxxa laqannon.

8 Mageniinbaa shiqqe; isinna ha’noobaa shiqaani; ha’noo cubbaalleeye anga ha’nooxxa luqqi assedhe; ha’noo lame yaadinni daaqinaak qalbe ha’nooxxa ca’a assedhe.