Adoração

24 Na’ankure Anumzana Agra Avamure, hu’negu mono’ma hunteku hanamo’za, zamagra zamagu’areti avamuzmifi tamage monora huntegahaze.

23 Hianagi mago kna ne-ea knamo’a hago menina ama fore hu’ne. Nenfama tamage mono hunteku hanamo’za, avamupi tamage avu’avateti monora huntegahaze. E’inahu hu’za mono’ma huntesaza vaheku Nenfa’a nehakre. 24 Na’ankure Anumzana Agra Avamure, hu’negu mono’ma hunteku hanamo’za, zamagra zamagu’areti avamuzmifi tamage monora huntegahaze.

21 Higeno Jisasi’a amanage huno ana ara asami’ne, Ama a’moka, kema hanua kerera kamentinti huo, mago kna ne-eankino efore’mahina, ama agonafino, Jerusalemi kumatero tamagra Nerfantera monora huontegahaze. 22 Tamagra ontahi’naza zante monora nehaze, tagra antahi’nona zante monora nehune. Na’ankure vahe’ma zamagu’vazizana Jiu vahe’motafi me’ne. 23 Hianagi mago kna ne-ea knamo’a hago menina ama fore hu’ne. Nenfama tamage mono hunteku hanamo’za, avamupi tamage avu’avateti monora huntegahaze. E’inahu hu’za mono’ma huntesaza vaheku Nenfa’a nehakre.

38 Avuma eri hari hu’nea ne’mo anage hu’ne, Ranimoka nagra namentinti hue, nehuno anante mono hunte’ne.

10 Higeno anante Jisasi’a agriku huno, Sataga manigno! Na’ankure Anumzamofo avontafepina anage hu’za krente’naze, Kagra Ra, Anumzanka’a Agrike krena renka monora hunentenka Agri eri’za erintegahane hu’ne. (Diu-Kas 6:13)

8 Jisasi’a ananke nona’a anage huno hu’ne, Avontafepina anage huno krente’ne, Kagra ranka’a Anumzamofo monora hunentenka, agri eri’zanke erigahane huno krente’ne. (Diu-Kas 6:13)

Tavufga Anumzamofo amisuna zamofo nanenke

1 E’ina hu’negu, nafu’naganaheta tamantahinegoe, Anumzamo’ma asuragiramante’nea zanku nentahitma, tamagra’a asimu erino mani’neno, Anumzamofonte Kresramana viankna hutma amivareta tamavufa nemita, mani ruotge nehutma, Anumzamofo ragi amiho. E’i avamupima mono hu’zamofo tamavutmavaza mene.

Tavufga Anumzamofo amisuna zamofo nanenke

1 E’ina hu’negu, nafu’naganaheta tamantahinegoe, Anumzamo’ma asuragiramante’nea zanku nentahitma, tamagra’a asimu erino mani’neno, Anumzamofonte Kresramana viankna hutma amivareta tamavufa nemita, mani ruotge nehutma, Anumzamofo ragi amiho. E’i avamupima mono hu’zamofo tamavutmavaza mene. 2 Hagi ama mopafi avu’avazanena tagrora oteho. Hianagi tamagra atrenkeno antahintahitamia Anumzamo tamazeri kasefa nehanigeno, tamavutamava zamo’a ruzahe hino. Anama hanuta, tamage Anumzamofo avesizamo’a, knare huno haviza osuno, fatgo hu’ne huta eriama hugahaze.

36 Na’ankure Agripinti ana maka zamo’a fore nehuno, Agri hankavefi mikozamo’a me’ne. Miko zupa Ragi Agra erivava hanie, Tamage.

11 Na’ankure Mono Avontafepina amanage huno krente’ne, Ramo’a amanage nehie, tamage Nagrama kasfa hu’na mani’nesnuge’za maka vahe’mo’za Nagrite zmarena neresageno, anamiko vahe’mo’za, huama hu’za Anumzamofona ragi amigahaze hu’ne. (Ais 45:23)

6 Enketa kepri huta mono hunenteta, Ra Anumo’ma tagri’ma tro’ma hurante’nea ne' avuga tarena reta monora huntesune.

6 Enketa kepri huta mono hunenteta, Ra Anumo’ma tagri’ma tro’ma hurante’nea ne' avuga tarena reta monora huntesune.

Ra Anumzamofo agi’ma ahentesga hu zagamere

1 Ra Anumzamofona agi’a ahentesga hanune. Ra Anumzamofona Agri noma’afi eta, agi’a ahentesga hanune. Agri hihamu hankavema erinte ama’ma nehia mona kumapina, Agri agi’a ahentesga hiho. 2 Agrama hankavenentake eri’zama eri’nea zamo’a, knare huno so’e zantfa hu’neanki' agi’a ahentesga hiho. 3 Ufena nereta Anumzamofo agi’a ahentesga nehuta, laeriema nehaza zavenane hapuema nehaza zavenane neheta, Anumzamofo agi’a ahentesga hiho. 4 Nase’nasepa neheta zagame huta avoa nehageta, kita zavena neheta konkenenareta Anumzamofo agi’a ahentesga hiho. 5 Tare kapa tamazampi eri’neta runkasase hinkeno, agasasa neranigeta Anumzamofo agi’a ahentesga hiho. Anazana runkasase’ma hanageno ra agasasama neranigeta, Anumzamofo agi’a ahentesga hiho. 6 Maka zagama tamasimu’ma erita nemanisaza zagamota, Ra Anumzamofo agi’a ahentesga hugahaze. Ra Anumzamofo agi’a ahentesga hanune.

6 Maka zagama tamasimu’ma erita nemanisaza zagamota, Ra Anumzamofo agi’a ahentesga hugahaze. Ra Anumzamofo agi’a ahentesga hanune.

4 Agri kumapima ufre kahante’ma nevuta muse hume nevuta, unefreta agi’a ahentesga hiho. Ana nehuta susu huta muse hunenteta, ra agi’a ahentesga hiho.

2 Ra Anumzamofoma so’e zantfama hu’nea agia ahentesga nehuta, ruotage’ma huno hankave nentake’ma hu’nea Anumzana monora hunteho.

Anumzamofo susu hunte’za agi’a ahentesga hu’naza zagamere

1 Maka ama mopafima nemaniza vahe’mota, ranke huta zagamera huta Anumzamofona agi’a ahentesga hiho! 2 Anumzana Agri agimofo hihamu hanave’agura zagamera huta agi’a ahentesga hiho. Zgame huta Agri hihamu masazama’agura erinte ama hiho! 3 Anumzamofonkura, kavukva zamo’a knare zantfa huno mareri agatere’ne hiho. Ha' vahekamo’za Kagri hihamu hankavegura koro hu’za zamavufaga eri anaki’za Kagritega neaze. 4 Maka ama mopafima me’nea zantamimo’za monora hunegante’za, zagamera hu’za kagia ahentsga hugahaze. Zgamera hu’za rankagia ahentesga hugahaze.

17 Nazama hinogura Agritega krafa nehu’na, nanekema hufina agi’a erisga huvava nehue.

9 Mika kokankoka vahe’ma tro’ma huzmante’nana vahe’mo’za Ra Anumzamoka kavuga e’za monora eme hunegante’za ruotge’ma hu’nea kagia ahentesga hugahaze. 10 Na’ankure kagra knarezantfa huno mareri agatere’nea kavu’kvaza erifore nehane. Kagrake’za Anumzana mani’nane.

Anumzamo’ma tavesima rante’nea zanku’ma Deviti’ma asunte’nea zagamere

1 Maka nagu’areti hu’na Ra Anumzamofona agi’a ahentesga nehu’na, nagu’areti hu’na ruotage’ma hu’nea agi’a ahentesga hugahue.

Anumzamo’ma ruzahu ruzahu eri’zama eri’nea zamofo zagamere

1 Ra Anumzamofona agi’a aheta susu hunenteta, ranra eri’zama eri’nea zankura maka ama mopafima mani’naza vahera huama huta zamasamisune.

Tinku’ma hiaza huno Anumzamokagura nave’nesie huno asunte’nea zagamere

1 Anumzamoka Kagra nagri Anumza mani’nanke’na, Kagrikura tusiza hu’na nehakroe. Nagu’amo’a tinku’ma hiaza huno, Kagrikura navenesigeno, tima omne hagage kokampina navufgamo’a Kagrikura tusiza nehie.

3 Na’ankure vagaore kavesi zamo’a asimu’ma erino mani’zana agatere’neanki’na, kagi’a erisga huvava hugahue. 4 Nasimu’ma erina mani’na vanua knafina, kagi’a ahentesga nehu’na, nazana erisga hu’nena Kagritega nunamuna hugahue.

11 Kagrake knare hunka mareri’nane, tagri Ra maninka, tagri Anumza mani’nane. Kagrake rankagia e’nerinka, kagia erisaga nehageno, hanavekamo’a marerinie. Na’ankure Kagri kavesite maka zana efore huno me’ne hu’za hu’naze.

7 Ana nehuno ranke huno amanage hu’ne, Anumzamofonku kore hunentetma ra agi amiho. Agrama vahe’ma refko’ma haniankna hago e’ne. Monane mopane hagerine, maka tinkampuima tro’ma hu’nemofo monora hunteho hu’ne.

4 Ramoka, iza kagrikura korera nosuno, kagi’a erisaga osugahie? Na’ankure Kagrake Ruotge hu’nane. Maka kumapi vahe’mo’za, e’za Kagri kavuga monora eme hugantegahaze. Na’ankure fatgo kavukvazamo’a eama hu’ne. (Eks-Ati 15:1-18, Diu-Kas 32:1-44).

8 Nagra Joni’na ana maka’zana nentahina avanagnaza kenomo’na, ana zama nege’na nentahi’nama hute’na, naveri’ma hia ankeromofo agafi, narena re’na mono hunte’naku hu’noe. 9 Hianagi ana ankeromo’a anage huno nasami’ne, E’inahura osuo, Nagrane kagranena magozahu huta Anumzamofo eri’za vahe mani’neno’e. Kasnampa negafu’zane, ama avontafepima me’nea nanekema nentahi’za amage’ma nentaza vahe’enena eri’za vaheke mani’none. Hanki Anumzamofonke monora hunto huno hu’ne.

11 Kagrira hankavekamo’ene hihamuka’amo’ene masazankamo’a agatere’neankinka, maka hara hugatenerane. Na’ankure monane mopanena, kagri zanke’za me’ne. Kagra maka zana kegava hunanankinka, mika zana mani agaterenka onaga’a mani’nane.

34 Ra Anumzamofo musena huntesune, na’ankure Agra knare ne' mani’neankino, maka zupa avesirante vava nehie. 35 Hagi kezatita mago’ene amanage hanune, tagu’ma nevazina Anumzamoka tagrira tagu’vazio. Vahe kokampintira tavre tru hunka tazahugeta susu huneganteta, musena huta ruotge kagika’a erisga huta rankagia kamimneno. 36 Manivava Ra Anumzana Israeli vahe Anumzamofona ragi amisunkeno, ra agia eri vava huno vanie. Anagema hutege’za maka vahe’mo’za tamage hu’za nehu’za, Ra Anumzamofo agi erisga hu’naze.

34 Ra Anumzamofo musena huntesune, na’ankure Agra knare ne' mani’neankino, maka zupa avesirante vava nehie.

9 Zgame huta agi’a erisga nehuta, maka ruzahu ruzahu knare avu’ava’ma hu’nea zamofo nanekea huama hanune.

9 Na’ankure ana agafare, Anumzamo azeri antesga nehuno, musezama (gift) Agri’ma ami’neana, maka’zamofo agi’a agtere’nea agi ami’ne. 10 Ana hu’negu Jisasi agirera monafine, mopafine, mopa agu’afine, maka’zamo agrite rena rentegahie. 11 Ana nehanigeno maka vahe’mo’za Jisas Kraisi’a Rane hu’za zamagiteti huama nehu’za, Anumza Nerfa’a hanave’afi mani’ne hugahaze.

15 Ana hu’negu Jisasi Agifi, tagrati tavufga Anumzamofona ami vaganereta, ra agia ami vava nehuta, Agri Agima tagipinti huama hunazamo raga’a fore nehie.

28 E’ina hu’negu tagrama e’neruna kumara eri tagosi osu hanavenentake kuma e’nerune. Hu’negu Anumzamofona muse hunenteta, tagu’a anteramita Agri’ma avesinigeno muse hania mono huntesune. 29 Na’ankure tagri Anumzamo’a srasra huno teno erivagare tevegna hu’ne.

19 atruma nehanutma, Deviti zagame ene (Sam zagamere), mono zagame’ene, avamu’mofo zagame’enena nehutma, Rantmimofona tamagu’areti musena hunenteta,

16 Hagi atrenkeno Kraisi nanekemo’a tamagu’afina mevitenena, miko knare antahintahireti rempi hunezamita zamazeri fatgo nehutma, Anumzamofo avontafepi zagamera nehutma, krente zagamera nehutma, mono zagamera hutma Anumzamofona tamagu’areti susu huntegahaze.

25 Kenage amu’nompi Polike Sailasikea, Anumzamofontega nunamune zagame’ene nehakeno, ruga’a kina vahe’mo’za zanantahi’naze.

Hazenkefi ufresageno Anumzamo zamazeri fru hania naneke

3 Hagi Rantimofo Krais Jisasi Nefa, Anumzamo Agrake mika asuragi zamofo agafa’a mani’neno, tazeri fruma nehimofo agi erisaga huta musena huntesune. 4 Mika knazantifina Agra tazeri fru nehie. E’inahu nehigu Anumzamo’ma tagri’ma nehiankita rumokizmia knafima mani’nesageta zamazeri fru hanune.

3 Keta antahita hu’nonazanku, tagra tamagri enena neramasmunankita, tamagra tagri’ene emeri mago hutma manisageta, tamage huta Nefane, Nemofo Jisas Kraisi’enena tragoteta manigahune.

5 Ra Anumzana tagri Anumzamofona agi’a ahentesga nehuta, agri agafi ome kepri huta monora huntesnune. Na’ankure agra ruotage hu’ne.

8 E’ina agafare tagane’na omani zagamera hu’na kagi’a ahentesga huvava hugahue. Ana nehu’na maka kna kagri hihamu masakagura huama hugahue.

4 Anumzamofona zagamera huta agi’a ahentesga hiho. Hampo agofetu’ma manino vanoma nehia nera husga hunteho. Agi’a Ra Anumzanki, Agri avuga musena hiho. 5 Agra megusa mofavre’ramimofo nezmafa mani’ne. Agra ruotge hu’nea kuma’afi mani’neno, kento a’neramina zmahonekea Anumza mani’ne.

17 Fatgo avu’ava zama’agura Ra Anumzamofona susu hunente’na, muse zagame hu’na Ra Anumzana Marerifa Anumzamofona agia erisga hugahue.

22 Nafu nagnahe’mokizmia Kagri kagia huama hu’na nezamasami’na, atruma hu’za mono’ma hanaza vahe amu’nompi oti’na kagia ahentesga hugahue. (Hibru 2:12) 23 Hagi izagato Ra Anumzamofonku’ma koro’ma nehanamota, Agri agia ahentesga hiho. Ana maka Jekopu agehe’mota Agri agi’a ahentesga huta monora hunteho. Israeli agehe’mota Ra Anumzamofonku koro hunenteta, Agri agorga maniho.

6 Nazana erisga hu’na nunamuna kagritega nehue. Mopamo’ma hagage huno tinku’ma avesiaza hu’na, Kagrikura tusiza huno nave’nesie.

11 Nahigeno nagu’amo’a kna huno evuneramie? Hagi nahige’na nasuzampina mani’na nevue? Nagra Anumzamo’ma nazama hanigu amuhara hugahue! Nagu’mavazi ne', Anumzanimofona mago’ene zagamera hu’na agia erisga hugahie.

2 Hagi Ra Anumzamofonkura nagra hu’na, mika knare zama e’neruana kagritegati ne-e.

11 Ra Anumzamofona koro hunteta agoraga’a mani’neta eri’zana erinenteta, tamahirahi nere’na koro hunteta agoraga’a mani’neta musena hiho.

2 Marerirfa Anumzamoka, muse nehu’na zagame hu’na kagia erisga hugahue.

5 Ana zantmintera monora huntege, tamarenaregera osiho. Na’ankure Nagra Ra Anumzana, tamagri Anumzana kanivere Anumza mani’noanki’na, zmafahe’mo’za zamavaresrama hunenante’za kumi’ma hu’ne’saza kumitera, mofavretamine agehe’mofone, agigomofonena knaza zamigahue.

14 Ruga’a anumzantera monora huonteho, na’ankure ru anumzante’ma mono’ma huntesageno’a Ra Anumzamofo agia kanivere Anumzankino, kanive reramantegahie.

9 Mosese’ma ana seli nompima anama ufreterema nehigeno’a vimago hampomo eramino seli no kafante emani’negeno, Ra Anumzamo’a Mosese enena keaga hu’ne. 10 Israeli vahe’mo’za ana hampomo’ma Anumzanema atruhuno keagamahu seli nomofo kafante oti’nege’za nege’za, mika’mo’za oti’za seli nozamimofo kafante zamarena re’za monora huntetere hu’naze.

2 Ra Anumzamo’a hankveni’ane zagame’ni’a mani’neno, Agra nagu’vazi’ne. Agra nagri Anumza mani’negu, agi hentesga nehue. Nenfa Anumzamofona agi’a hentesga hugahue.

11 Iza anumza tamimpintira magora Kagrikna Anumzana mani’ne, Ra Anumzamoka? Iza magora Kagrikna huno Hankveka’ane Ruotgera hu’ne? Nagru hu’nanke’za Kagi hesga nehazagenka, Kagra kaguvaza nehane?

25 Hagi Anumza Rantamimofona Agrike monora hunentenke’na, ne’zama nesaza zane, tima nesaza zana asomu huneramante’na kria amu’notmifintira eritra’neno.

21 Agrike ra agia amigahaze. Agrake tamagri Anumzankino, hihamu’ane zama nehuno, ranra kaguva zantmima hu’neana tamagra ke’naze.

7 Hagi e’i ana kumateke tamagrane a’mofavrenena Ra Anumzana tamagri Anumzamofo avure ne’zana ome kretma nenetma, maka zama asomu huno eri’ampoma reramante’nea zankura musena hugahaze.

16 Zamagra havi anumzantminte monora hunte’za Ra Anumzamofona arimpa azeri oti’zageno, kanive renezmanteno rimpa ahezmante’ne. 17 Zamagra tamage anumzana omani’neanangi, havi hankrote kresramana vunente’za, zamagehe’mo’za ke’za antahi’za osu’naza kasefa anumzante monora hunte’naze. 18 Tamagra tamazeri fore’ma hu’nea hanave Havegura tamagesa ontahi’naze. Kasema tamante’nea Anumzankura tamagekaninte’naze.

16 Hagi antahintahitamimo’ma savari’ma hanigetama Ra Anumzama atreta havi anumzama nevaririta mono hunte’zankura kva hiho.

13 Hanki Ra Anumzamo’a amanage huno hu’ne, ama vahe’mo’za kereti’ene zamagiteti hu’za nagia ahentesga nehaze. Hianagi zamagu’amo’a nagritera omane afete me’ne. Nagri’ma antahi’namiza mono’ma hunenanta zana vahe’mo’zama ante’naza kasege amage ante’za monora hunenantaze.

Anumzamofoma humusema hunte zagamere

1 Ra Anumzana kagra nagri Anumzanki’na, nagra kagika’a ahentesga nehu’na, musenkase hu’na susu hugantegahue. Na’ankure kagra korapa retro huntenka huvempa hu’nana kante amage antenka, so’e kavukvara hunka hentofa zana tro hunerantane.

42 Hu’neanagi Anumzamo’a amagena huzmantege’za, zamagra havi anumzantema zagere’ma, ofunte’ma ikante monora hunte’naze, ko’ma kasnampa vahe’moma krente’neana tamagra Israeli vahe’mota ka’ma kokampima 40'a zage kafufima ofa nehuta Kresramana vu’nazana Israeli vahemota Nagrite Kresramana vu’nafi? A’o. Nagrite Kresramana ovu’naze. 43 Tamagra Moleki havi anumzamofo seli mono no erita magoka ne-eta, Rafani havi anumzamofo ofu eritma ne-etma, havi anumzamofo amema’a mono huntenaku tro hu’naze. Ana hu’negu ama mopafintira tamazeri atranenketma Babilon kumamofona kantu kaziga umanigahaze. (Emo 5:25-27.)

18 Mago’mo’ma avanama kenesia zankuma huno, tamagra anteramita ankeromofo mono hunteho hanigetma, tamagra atrenenkeno tamagrira tamazeri fenka otreno. E’inahu vahe’mo’za korapa zamarimpamofo avu’ava nevaririza, zamagrama antahi’zana zamagra’ake knare antahi’zana eri’none hu’za zmavufga ra nehaze. 19 Hianagi Kraisi’ma asenima mani’nea avufgamofonte zamagra rekanuhe’za omani’naze. Na’ankure Kraisi’ma asenima mani’nea avufgamofona hanavea nemino, agruna nofi’mo zaferinafi hagenerafigeno kora nofi’mo vuno eno higeno, Anumzamofo hanavere nehage.

3 Atrenkeno mago kampintira vahe’mo’za reramatga osiho. Na’ankure ana kna fore osu’nenigeno, kote’zana rama’a vahe’mo’za Anumzamofona zamefi humitesageno, kasegema rutagre ne’mo’a efore nehina, ana ne’mofona azeri haviza hugahie. 4 Ana ne’mo’a agra’a maka’zama anumzane hu’za mono hunentaza’zane, mago’a mono hunentaza zantamina ha’renezmanteno, Nagra ra mani’noe huno Anumzamofo ra mono nompi trate nemanino, agra’a azeri ama huno Anumza mani’noe huno hugahie.

20 Higeno Jopu’ma ana nanekema nentahino’a, tusi asunku nehuno otino zaza kukena’a tagato nehuno, aseni azokara hareno eri rampage nehuno, mopafi maseno Anumzamofona mono hunenteno, 21 amanage hu’ne, Nenarera arimpafintira kukena osu navufa navapake e’noanki’na, fri’na vanuana navufa navapa vugahue. Agra Ra Anumzamo namiteno, ete Agra’a e’nerie. E’ina hu’neanki’na, Ra Anumzamofo ra agi amue.

11 Anante muse zagame hu’za Ra Anumzamofona agi’a ahentesga nehu’za, Ra Anumzamo’a knare hu’neankino Israeli vahe’motarera Agri avesizamo’a mevava huno nevie hu’za hu’naze. Anagema nehazage’za maka vahe’mo’za zamagerura erinte mago hu’za, ranke hu’za Ra Anumzamofona agia ahentesga nehu’za, susu hunte’naze. Na’ankure Ra Anumzamofo mono noma azeri oti tra’ma erinte fatgoma hu’naza zanku anara hu’naze.

37 Hanki menina nagra Nebukatnesana, monama kegava hu’nea Anumzamofona muse hunente’na, Agri agia ahentesga nehu’na, ragi amigahue. Agrama maka zama hia zamo’a fatgo huno knare zanke nehie. Ana nehuno zamavufagama erisgama nehaza vahera zamazeri fenkami netrea Anumza mani’ne.

22 Hagi Kagra hanavenentake hunka marerisa Ra Anumza mani’nane. Hagi mago’mo’a kagriknara osu’ne. Hagi magora Kagrikna anumzana omanigeta keta antahita osu’none.

2 Hagi Ra Anumzamoka mago’mo’e huno kagri kna huno ruotagera osigeno, mago havemofo hanavemo’a tagri Anumzamoka hankavegnara osu’ne.

5 Anante Livae nagara Jesua’ma Kadmieli’ma Bani’ma, Hasabneia’ma, Serebia’ma, Hodia’ma, Sebania’ene Petahiaki hu’za amanage hu’za vea kevua zamasami’naze, otita Ra Anumzana tamagri Anumzama mani vava Anumzamofo agi’a hentesga hiho. Hagi Ra Anumzamoka so’e Kagika’a ahentesga hune, tagrama keagafinti’ma huta e’inahu Anumza mani’nanema huta hu’zamo’a amuho hie.

17 Hagi fiki zafamo’a amosrema’a aheontesigeno, wainimo’a nofi’arera raga’a reontegahie. Ana nehanigeno olivi zafamo’a raga renontesigeno, hozafi ne’zamo’enena nena raga reontegahie. Sipisipi afutamimo’za nemaniza keginafina nomanisageno, bulimakao afutamimo’za nozmifina omanitfa hugahaze. 18 Ana hugahianagi nagra Ra Anumzamofona husga hunente’na Anumzamo’ma nahokeno nagu’ma vazi’nea zankura nagra musenkase hugahue.

12 Ana’ma hanugeta tamagra Nagritega kezanetita, Nagrite’ma eta nunamuma hanage’na, Nagra ana nunamu ketmia antahiramigahue.

8 Anumzante erava’o hinkeno, Agranena tamagaritera erava’o hino. Kumi vahe’motma tamazana sese nehutma, tare tagufa antahintahine vahera tamagu’a eri avusese hiho.