Adoração

24 Chapanga ndi Mpungu na vandu vevamfugamila yikuvagana vamfugamila Dadi mukulongoswa na Mpungu Msopi na kuumanya uchakaka."

23 Nambu lukumbi lubwela, kangi lumali kubwela ndi vala vandu vevakumfugamila kwa uchakaka, yati vamfugamila Dadi mukulongoswa na Mpungu Msopi na chakaka. Muni dadi akuvagana vandu vamfugamila chenicho. 24 Chapanga ndi Mpungu na vandu vevamfugamila yikuvagana vamfugamila Dadi mukulongoswa na Mpungu Msopi na kuumanya uchakaka."

21 Yesu akamjovela "Unisadika chenijova lwalabwela lukumbi nakumfugamila Dadi, panani ya chitumbi amala ku Yelusalemu kula. 22 Nyenye Vasamaliya mukumfugamila yula mwangammanya, nambu tete tikumfugamila yula mwetimumanyili, ndava muni usangula wihuma kwa Vayawudi. 23 Nambu lukumbi lubwela, kangi lumali kubwela ndi vala vandu vevakumfugamila kwa uchakaka, yati vamfugamila Dadi mukulongoswa na Mpungu Msopi na chakaka. Muni dadi akuvagana vandu vamfugamila chenicho.

38 Mundu yula akajova, "Bambu nisadika!" Ndi akamfugamila.

10 Penapo, Yesu akayangula, "Wuka Setani! Vayandiki, mu Mayandiku Gamsopi yati ‘Umgundamila Bambu Chapanga waku, na kumhengela mwene ndu!’"

8 Yesu akamyangula, "Mayandiku Gamsopi gijova. ‘Yati ukumfugamila Bambu Chapanga na kumhengela mwene ndu.’ "

Wumi mukumuhengela Chapanga

1 Hinu, valongo vangu, ndava Chapanga ana lipyana neju kwitu, nikuvayupa neju mujiwusayi mwavene luteta lweluvili mumi, muvya mwavamsopi na kukita geigana Chapanga. Yeniyi ndi njila ya chakaka ya kumgundamila Chapanga.

Wumi mukumuhengela Chapanga

1 Hinu, valongo vangu, ndava Chapanga ana lipyana neju kwitu, nikuvayupa neju mujiwusayi mwavene luteta lweluvili mumi, muvya mwavamsopi na kukita geigana Chapanga. Yeniyi ndi njila ya chakaka ya kumgundamila Chapanga. 2 Mkoto kulanda mambu ga mulima uwu, nambu Chapanga ang’anamusayi mitima yinu kwa kung’anamusa maholo ginu. Penapo ndi yati mwimanya maganu ga Chapanga gala gabwina gegamganisa mwene na cheigana nyenye muvyai.

36 Ndava muni vindu vyoha vihuma kwaki, vyoha vivii kwa makakala gaki, na vivii ndava yaki. Chapanga alumbiwayi magono goha gangali mwishu! Ena.

11 Muni Mayandiku Gamsopi gijova,

"Bambu ijova,

Ndi chakaka ngati chenivili Chapanga mwenivi mumi kila mundu yati ifugama palongolo yangu,

na kila mundu yati ijova kwa mlomo waki mwene kuvya nene ndi Chapanga."

11 "Bambu witu na Chapanga witu,

veve uyidakiliwi ukulu na utopesa na makakala,

ndava muni veve ndi mweuwumbili vindu vyoha,

na kwa kugana kwaku vindu vyoha viwumbiwi na vivii."

7 Akajova kwa lwami luvaha, "Mumyogopa Chapanga na kumulumba! Muni lukumbi luhikili lwa kuwusa uhamula waki. Mumuyupayi mwene mweawumbili kunani na mulima na nyanja na vinyepa vya manji."

4 Bambu, ndi yani mwanga kuyogopa,

yani angalilumba liina laku?

Ngawamwene ndi wamsopi.

Vandu voha va milima vakubwelela

na kukugundamila

ndava muni mahengu gaku gabwina gagubukuliwi kwa vandu voha."

8 Nene Yohani, kuyuwana na kulola mambu aga. Penamali kuyuwana na kugalola, najitagili pahi nikagundama pamagendelu ga mtumu yula wa kunani kwa Chapanga mweanilangisi mambu ago. 9 Nambu mwene akanijovela, "Leka! Nene ndi mtumisi ngati veve na valongo vaku vamlota va Chapanga na voha veviyidakila malovi ga chitabu chenichi. Mgundamila Chapanga!"

9 Ndava yeniyo Chapanga amkwihili neju mbaka kunani neju,

ampeli liina likulu kuliku mahina goha,

10 muni muutopesa wa liina la Yesu,

viumbi vyoha kunani na pamulima na pahi ya mulima,

vifugama palongolo yaki,

11 na kila mundu ajova hotohoto kuvya Yesu Kilisitu ndi ukulu,

kwa ukulu wa Chapanga Dadi.

15 Hinu kwa utangatila wa Yesu, tiyonjokesa kumpela Chapanga luteta lwa kumulumba, ndi ulumba weuwusiwa kwa milomo yeyisadika liina laki.

28 Hinu muni tipokili unkosi wanganyugusika timsengusa Chapanga, timfugamila kwa njila yeyikumganisa na kwa kuyogopa na kwa utopesa uvaha, 29 muni Chapanga witu ndi ngati motu weutinyisa njwe.

19 Mjovesana nyenye mwavene nyimbu za kumlumba na nyimbu za kumuyupa Chapanga, mumyimbila na kumulumba Bambu mumitima yinu.

16 Ujumbi wa Kilisitu utama kwa umahele mugati yinu. Muwulanayi na kuhakalilana kwa luhala lwoha. Muyimba nyimbu za zabuli na nyimbu za kumsengusa Chapanga na nyimbu za kumuyupa Chapanga, mumyimbila Chapanga nyimbu za kusengusa.

25 Peyahikili pagati ya kilu Pauli na Sila vamuyupayi na kumuyimbila nyimbu za kumulumbalila Chapanga, kuni vafungwa vayavi vakuvayuwanila.

Pauli akumsengusa Chapanga

3 Chapanga alumbiwa wa Bambu witu Yesu Kilisitu, Dadi mweavi na lipyana na Chapanga mweipolesa mitima. 4 Chapanga akutipolesa mitima mang’ahiso gitu goha muni na tete tivapolesa mitima vangi vevana mu mang’ahiso ndalindali, kwa kupoleswa mitima wula wetiupokili kuhuma kwa mwene.

3 Chetachiweni na kuchiyuwana ndi chetikuvakokosela nyenye mewa, muni na nyenye muumonga wetivi nawu muni mukuwungana na Chapanga Dadi witu na Mwana waki Yesu Kilisitu.

5 Kotoka kugundamila amala kuhengela michapanga, muni Nene ndi Bambu waku, Chapanga mwaana wihu. Mwenikuvalipisa vana ndava ya kubuda kwa vadadi vavi, hati chiveleku cha datu na cha mcheche cha avo vevakunibela.

14 "Mkotoka kuyupa chapanga yungi yoyoha, muni nene Bambu nimanyikana kwa lihina ‘Mwe nina wihu’ Nene ndi Chapanga mwenina wihu.

9 Lukumbi Musa payingila mugati ya Lindanda, nguzo ya lihundi yatulili pamlyangu wa Lindanda na Bambu akalongela na Musa mulihundi lila. 10 Vandu voha pavayiweni nguzo ya lihundi liyimili pamlyangu wa Lindanda la Msopi, kila mmonga wavi ayimili na kumgundamila pamlyangu wa Lindanda laki.

2 Bambu anipelili makakala na uhotola,

mwene ndi akunisangula.

Mwene ndi Chapanga wangu, yati nikumlumba mwene,

Chapanga wa dadi wangu na nene yati nikugayimba mambu gaki gakulu.

11 "Ehee Bambu, yani mweiwanangana na veve pagati ya michapanga?

Yani mwaavili ngati veve mweuvii msopi neju,

mweuyogosa kwa matendu gakulu, mweuhenga mambu ga chinamtiti?

25 Mukanigundamila Nene Bambu Chapanga winu, na nene yati nikuvamotisa muchakulya na manji na kuwusa utamu pagati yinu.

21 Mwene ndi mweiganikiwa kulumbiwa, ndi Chapanga winu mweavahengili mambu gavaha na ga kuyogopwa gemwagalolili kwa mihu ginu mwavene.

7 Kwenuko yati mwilya palongolo ya Bambu Chapanga winu, na yati mwivya na luheku nyenye pamonga na vandu va munyumba yinu vindu vyabwina vyamahele vyemupewili na Bambu Chapanga winu, pemwamali kuhengea lihengu."

16 Vakamukita Chapanga avya na wihu na ligoga ndava vene vifugamila michapanga yavi miyehe.

Vakamuyomesa neju ndava ya vimong’omong’o vyavi vya kuyomesa.

17 Vayiwusili teta za kutinyiswa kwa mizuka yila yeyangavya chapanga,

vayihambalili michapanga yavangayimanya katu,

michapanga yamupya yeyahumalili magono ga papipi, michapanga yeniyo hati vagogo vavi katu vayifugamili lepi.

18 Mukamuleka Litalau mweavapelili wumi,

mukamukosiwa Chapanga mweavaveliki."

16 Mujiyangalila, mitima yinu mkotoka kukongewa na mundu, na kung’amuka na kuyifugamila michapanga yingi na kuyigundamila.

42 Nambu Chapanga akawuka pagati yavi na kuvaleka vazifugundamila ndondo za kunani, ngati cheyiyandikwi muhitabu ya vamlota va Chapanga.

‘Nyenye vandu va Isilaeli!

Lepi nene mwemwanihinjili hinyama ndava ya luteta,

Mumiyaka alobaini kulugangatu kula!

43 Nyenye mwagegili chindanda cha chapanga Moloki,

na vindu vyemwajikitili kwa luhumu lwa ndondo ya chapanga winu Lefani.

Vindu vyemwajikitili ndi vyemwavifugamili.

Ndava ya yeniyo yati nikuvapeleka uvanda kutali na Babeli.’

18 Mkoto kuyidakila kuhamuliwa na mundu yoyoha mwakujikita kuvya wabwina kwa gala geakugawona na kugahololela ngamwene na kukangamala ungolongondi wa udesi na kumuyupa mtumu wa kunani kwa Chapanga. Mundu mwenuyo muyimu ndava ya mahalo gaki gegakumkonga gegihuma kwa vandu, 19 na alekili kujiwunga na Kilisitu mweavili mutu wa higa yeniyo. Kupitila Kilisitu higa yoha yisopewa makakala na yikamulini pamonga kwa viiwungu vyaki na misekete yaki, na vyene vikula ngati cheigana Chapanga.

3 Mkoto kuyidakila kukongewa na mundu yoyoha yula. Muni ligono lenilo nakuhumila mbaka ligono ilo vandu vamahele pevakumbela Chapanga. Na yula mundu mhakau peihumila. Ndi mweavikiwi motu wa magono goha wangali mwishu. 4 Mwene akukibela panani ya kila chindu chevakuchilola vandu kuvya ndi Chapanga, amala chevakuchigundamila. Hati yati iyingila na kutama mugati ya Nyumba ya Chapanga na kujova ndi Chapanga.

22 Veve Bambu Chapanga mweuvili na makakala goha, veve ndi mkulu kuliku vandu voha. Kawaka mweavili ngati veve, veve ndu ndi Chapanga. Mambu goha getigayuwini kukuvala veve ndi gachakaka.

2 "Kawaka mweavi mbwina na mweangabuda ngati Bambu Chapanga,

kawaka hati mmonga mweavii ngati mwene,

kawaka mweavii litalawu ngati Chapanga witu.

8 Mvya papipi na Chapanga, ni mwene yati ibwela papipi na nyenye. Msanja mawoko ginu nyenye mwemkumbudila Chapanga! Mjinyambisa mitima yinu vahomela nyenye!