Adoração
A adoração é a resposta do coração humano à majestade de Deus. Deus é Espírito e importa que os que o adoram o adorem em espírito e em verdade — com todo o ser.
Adorar em espírito
Deus é Espírito e importa que os adoradores o adorem em espírito e em verdade. A adoração verdadeira brota do coração.
परमेशर आसा आत्मां, अर ज़रूरी आसा कि तेऊए च़ाकरी करनै आल़ै लोल़ी आत्मां अर सत्ता दी रही भज़न किअ।"
"आजू एछणअ इहअ बगत, इधी तैणीं कि सह बगत आझ़काला बी, शुचै भगता करनअ परमेशरो भज़न आत्मां अर सत्ता दी रही करै, परमेशर लोल़ा आप्पू लै इहै ई च़ाकरी करनै आल़ै। परमेशर आसा आत्मां, अर ज़रूरी आसा कि तेऊए च़ाकरी करनै आल़ै लोल़ी आत्मां अर सत्ता दी रही भज़न किअ।"
ईशू बोलअ तैहा लै, "हे ज़नानी, मेरी गल्लो विश्वास कर कि इहअ बगत एछणअ, नां तम्हां ऐहा धारा परमेशरे च़ाकरी करनी, नां एरुशलेम नगरी। तम्हैं सामरी ज़सरी च़ाकरी करा, तेऊओ निं तम्हां का खास्सअ थोघ आथी अर हाम्हां यहूदी का आसा तेऊए सोभी गल्लो थोघ, उद्धार एछणअ यहूदी मणछा बाती।
"आजू एछणअ इहअ बगत, इधी तैणीं कि सह बगत आझ़काला बी, शुचै भगता करनअ परमेशरो भज़न आत्मां अर सत्ता दी रही करै, परमेशर लोल़ा आप्पू लै इहै ई च़ाकरी करनै आल़ै।
तेखअ बोलअ तेऊ मणछै, "हे प्रभू, हुंह करा विश्वास।" तेखअ टेक्कअ तेऊ ईशू सेटा माथअ।
तेखअ बोलअ ईशू राख्सा लै, "बधा. 6:13ओ राख्सा मेरी आछी का हअ दूर, पबित्र शास्त्रा दी आसा लिखअ द,
‘तूह टेक्कै सिधअ आपणैं प्रभू परमेशरा सेटा माथअ
सिधी तेऊए ई च़ाकरी करै।’"
ईशू दैनअ तेऊ लै ज़बाब, "पबित्र शास्त्रा दी आसा लिखअ द,
बधा. 6:13-14 ‘तूह निं आपणैं परमेशर बिधाता छ़ाडी होरी कोही सेटा माथअ टेक्की
अर सिधी तेऊए च़ाकरी करै।’"
परमेशरे च़ाकरी करने ज़िन्दगी
भाईओ, हुंह करा तम्हां का परमेशरै झींण आद फरेऊई करै अरज़ कि परमेशरा सम्हनै करा आपणीं ज़िन्दगी ज़िऊंदै बल़ीदाना ज़िहअ पबित्र बल़ीदान अर ज़ुंण परमेशरा बधिया लागा। अह ई आसा तेऊए च़ाकरी करने असली बात।
परमेशरे च़ाकरी करने ज़िन्दगी
भाईओ, हुंह करा तम्हां का परमेशरै झींण आद फरेऊई करै अरज़ कि परमेशरा सम्हनै करा आपणीं ज़िन्दगी ज़िऊंदै बल़ीदाना ज़िहअ पबित्र बल़ीदान अर ज़ुंण परमेशरा बधिया लागा। अह ई आसा तेऊए च़ाकरी करने असली बात।
एऊ संसारे मणछा ज़िहै निं हआ, थारै मन्नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।
किल्हैकि सह आसा सोभी गल्लो मूल़, सोभै गल्ला आसा तेऊए शगती करै टेक्की दी अर ईंयां सोभै गल्ला आसा तेऊ ई लै। तेऊओ प्रतप्प लोल़ी जुगै-जुगै हंदअ रहअ। एवमस्तू
किल्हैकि पबित्र शास्त्रा दी आसा लिखअ द,
"प्रभू बोला इहअ, ‘हुंह काढा आपणीं ज़िन्दगीए सोह,
हरेक मणछा टेक्कणअ मुंह सेटा माथअ
अर सोभिए ज़िभा दी हणअ परमेशरो ई नाअं।’"
Louvor e reverência
Vinde, adoremos e prostremo-nos. Louvai ao Senhor! Todo ser que respira louve o nome glorioso do Senhor.
हाम्हां करनी तेऊ बिधाते ज़ै-ज़ैकार,
हाम्हां टेक्कणअ तेऊ सेटा माथअ।
हाम्हां करनी तेऊ बिधाते ज़ै-ज़ैकार,
हाम्हां टेक्कणअ तेऊ सेटा माथअ।
बिधाता आसा आपणीं परज़ा लै भलअ
सोभै करा परमेशर बिधाते ज़ै-ज़ैकार।
तेऊए पबित्र ज़ैगा करा तेऊए ज़ै-ज़ैकार!
स्वर्ग करा तेऊए ज़ै-ज़ैकार ज़ेथ तेऊओ महान बल आसा।
बिधाता ज़ुंण महान काम किऐ, तेता लै करा तेऊए ज़ै-ज़ैकार,
तेऊए ज़ेतरी बी बड़ैई करे सह आसा थोल़ी, तेऊए करा ज़ै-ज़ैकार।
नर्शिंगै बाज़दी करा तेऊए ज़ै-ज़ैकार,
बींन अर तारा आल़ै बाज़ै बाज़ी करा तेऊए ज़ै-ज़ैकार।
गुज़ै-बाज़ै संघै करा नाट पाई तेऊए ज़ै-ज़ैकार,
बशूरी अर सरनाई बाज़ी करा तेऊए ज़ै-ज़ैकार।
डफाला अर छ़छ़ाल़ा बाज़ी करा तेऊए ज़ै-ज़ैकार,
ज़ेते छ़ेल़ ज़ोरै शुण्हिंआं।
सोभै ज़िऊंदै ज़ीब करा तेऊए ज़ै-ज़ैकार!
बिधाते करा सोभै ज़ै-ज़ैकार!
सोभै ज़िऊंदै ज़ीब करा तेऊए ज़ै-ज़ैकार!
बिधाते करा सोभै ज़ै-ज़ैकार!
तेऊए प्रऊल़ी भितरी डेओआ शूकर करदी,
अर तेऊए खोल़ै डेओआ ज़ै-ज़ैकार करदी।
तेऊओ करा शूकर अर ज़ै-ज़ैकार।
बिधाते महान नाओंए करा ज़ै-ज़ैकार,
तेऊ महान पबित्र परमेशरा सेटा टेक्का माथअ।
परमेशरे महान कामां लै करा तेऊए ज़ै-ज़ैकार
संसारे मणछो, ज़ोरै-ज़ोरै करा परमेशरे ज़ै-ज़ैकार!
तेऊए नाओंए गिहा बोला,
तेऊए स्तोती अर ज़ै-ज़ैकार करा!
परमेशरा लै बोला इहअ, "तेरै काम भाल़ किहै महान आसा!
ताखा आसा महान बल अर
तेरै दुशमण पल़णै तेरै च़रणैं।
तेरी ज़ै-ज़ैकार करनी संसारे सोभी लोगा,
तिन्नां बोल़णीं तेरै नाओंए गिहा अर
भज़न बोली करनी तिन्नां तेरी ज़ै-ज़ैकार।"
मंऐं मांगी लेर-पकार पाई परमेशरा का अरज़,
गिहा बोली किई मंऐं तेऊए ज़ै-ज़ैकार।
सोभी देशे लोग आसा तंऐं ई बणाऐं दै,
तिन्नां एछणअ ताह ई सेटा माथै टेक्कदै अर
तिन्नां करनी तेरी ज़ै-ज़ैकार।
महान अर नुआहरै काम सका तूह ई करी,
किल्हैकि परमेशर आसा तूह एक्कै।
बिधाते महान झ़ूरी
ए मेरै मन्नां, बिधातो शूकर कर!
मुंह करनी तत्त-दिला का बिधाते पबित्र नाओंए ज़ै-ज़ैकार।
बिधाता आसा शुचअ-पाक्कअ
बिधातो करा शूकर अर
सोभी का खोज़ा कि सह किहअ महान आसा,
देशा-देशे लोगा का खोज़ा कि तेऊ किज़ै-किज़ै आसा किअ द।
परमेशरे झ़ूरी आसा ज़िन्दगी का बढकर
हे बिधाता, तूह आसा मेरअ परमेशर,
मेरअ मन्न रहा ताह ई बाखा लागी,
मेरी झ़ूरा सारी देही ताल्है ई,
ज़ेही पाणीं बाझ़ी शुक्की ज़िम्मीं,
तेही आसा मेरी आत्मां ताल्है नचिशी।
तेरी झींण आसा मुल्है मेरी ज़िन्दगी का बी पैरी,
मुंह करनी तेरी ई बड़ैई।
मुंह रहणअ सारी अमरा तेरअ शूकर करदै लागी,
मुंह फुआरनी अरज़ करना लै उझै ताह बाखा बाहा।
Declarações de adoração
Tu és digno, Senhor, de receber glória e honra! Ao Senhor pertence a grandeza, o poder, a glória e a majestade.
"म्हारै परमेशर बिधाता,
तूह ई आसा प्रतप्प, अदर, अर शगती जोगी।
किल्हैकि तंऐं ई आसा सोभै गल्ला बणाईं दी
अर इना बणाणैं पिछ़ू ती तेरी ई मरज़ी।"
तेऊ बोलअ ज़ोरै-ज़ोरै, "परमेशरा का डरा, अर तेऊए अदर अर ज़ै-ज़ैकार करा, किल्हैकि तेऊए नसाफ हणें धैल़ी गई एछी। तेऊए च़ाकरी करा, ज़ुंणी स्वर्गै, पृथूई, समुंदर अर पाणींए सोबल़ा आसा बणाईं दी।"
"हे प्रभू, तेरी डरा हेठै लागा सोभी रहणअ, तेरै नाओंए ज़ै-ज़ैकार करनी सोभी, किल्हैकि सिधअ तूह ई आसा पबित्र अर सोभी ज़ाती टेक्कणअ ताह सेटा एछी ताह सेटा माथअ। किल्हैकि तेरै नसाफ करने काम हुऐ प्रगट।"
हुंह आसा सह ई जोहन्ना, ज़ुंणी ईंयां गल्ला शूणीं अर भाल़ी। ज़ांऊं मंऐं भाल़अ अर शूणअ, ज़ुंण सह स्वर्ग दूत मुखा इना गल्ला रहैऊआ त, हुंह पल़अ तेऊए च़रणैं माथै टेक्कणा लै उटअ। तेऊ बोलअ मुल्है इहअ, "भाल़, इहअ निं करै किल्हैकि हुंबी आसा ताह अर तेरै होरी संघी भाई अर परमेशरे गूरो अर ऐहा कताबे गल्ला मनणै आल़ैओ संघी च़ाकरी करनै आल़अ, परमेशर ई आसा एक्कै च़ाकरी करनै जोगी ज़हा सेटा माथअ लागा टेक्कणअ।"
हे बिधाता, तेरअ बल आसा महान अर तेरअ झ़ामण शुझिआ सारै भ्रमंडै। माहा राज़अ आसा तूह ई अर सोभी प्रैंदै आसा तेरअ ई राज़।
बिधातो करा शूकर किल्हैकि सह आसा भलअ
सह झ़ूरा हाम्हां लै सदा।
तेऊ सेटा करा एही अरज़,
‘हे म्हारै परमेशर बिधाता, हाम्हां बच़ाऊ,
हाम्हां पजैल़ देशा-देशा का झाल़ी करै बापस,
ताकि हाम्हैं तेरअ शूकर करी सके अर
तेरै पबित्र नाओंए ज़ै-ज़ैकार करी सके।’
इज़राईले परमेशर बिधाते करा ज़ै-ज़ैकार!
तेऊए करा आझ़ा पोर्ही सदा ज़ै-ज़ैकार!
सोभै बोला, ‘एवमस्तू!’ बिधाते लोल़ी सदा ज़ै-ज़ैकार हुई।"
बिधातो करा शूकर किल्हैकि सह आसा भलअ
सह झ़ूरा हाम्हां लै सदा।
बिधाते ज़ै-ज़ैकार करना लै बोला गिहा!
तेऊ ज़ुंण महान नुआहरै काम किऐ, तेता खोज़ा सोभी का।
तैही किअ परमेशरै मसीहा लै सोभी का बडी पदबी दैई तेऊओ अदर
परमेशरै दैनअ तेऊ लै अह नाअं ज़ुंण सोभी नाओंआं का बडअ आसा।
कि ज़ुंण स्वर्गै अर पृथूई दी अर ज़ुंण पृथूई हेठै आसा,
तिंयां सोभै प्रभू ईशूए नाओंऐं ज़ान्हूं टेक्की करै तेऊओ अदर करे।
बाब परमेशरे प्रतप्पा लै
सोभै लोग ऐहा गल्ला मने कि ईशू मसीहा ई आसा प्रभू।
Sacrifício de louvor
Por meio de Jesus ofereçamos sempre sacrifício de louvor. Cantai ao Senhor, celebrai em salmos — enchei-vos do Espírito.
तै करनी हाम्हां आपणैं होठा करै परमेशरे स्तोती। अह आसा म्हारअ तेऊ लै बल़ीदान।
हाम्हां लागा परमेशरो शूकर करनअ कि हाम्हां लै आसा सह राज़ दैनअ द ज़ेथ कधि निं हणीं ज़ाज़री। एऊ राज़ा दी करा हाम्हैं परमेशरो अदर अर परमेशरा करा हाम्हैं स्तोती अर च़ाकरी करै खुश। किल्हैकि म्हारअ परमेशर आसा भस्सम करनै आल़ी आगी ज़िहअ सह पाआ सोभी छ़ोतली च़िज़ा ज़ाल़ी।
ज़ै तम्हैं पबित्र आत्में बशै होए, तै करनअ आप्पू मांझ़ै भज़न अर परमेशरे स्तोती करना लै गिहा बोली अर होरी गिहा बोल्दै लागी ज़ुंण पबित्र आत्मां खोज़ा, अर आपणैं-आपणैं मन्नैं रहणअ प्रभू सम्हनै गिहा बोल्दै अर स्तोती करदै लागी।
ज़ुंण तम्हैं मसीहा का आसा शिखल़अ द, तिन्नां हर गल्ला मनी ज़िऊआ आपणीं ज़िन्दगी परमेशरे मरज़ी दी। एकी-दुजै लै दैआ आपणीं अक्ल करै समझ़ाऊंणी अर सखाऊंणी ज़ुंण तम्हां परमेशरा का आसा भेटी दी। भज़न, गाऊंण अर आत्मिक गिहा करै रहा परमेशरे स्तोती अर शूकर करदै लागी।
सिलास अर पल़सी छ़ुटै कैद खानै का
आधी राची तै लागै दै पल़सी अर सिलास परमेशरा का प्राथणां करदी भज़ना बोल्दै अर तिंयां होर कैदी तै शूणैं लागै दै।
परमेशरो शूकर करनअ
म्हारै परमेशरो अर प्रभू ईशू मसीहे बाबो शूकर, ज़ुंण हाम्हां लै झींण करनै आल़अ अर सोभी रंगे शांती दैणैं आल़अ परमेशर आसा। सह दैआ म्हारी सोभी खरी दी हाम्हां लै शांती ताकि हाम्हैं बी तिहै ई होरी लै शांती दैई सके। ज़ेभै तिंयां खरी दी होए पल़ै दै तेभै लोल़ी हाम्हैं बी तिन्नां लै शांती दैणैं आल़ै हुऐ ज़ेही परमेशर हाम्हां लै शांती दैआ।
ज़ुंण बी हाम्हैं शूणअ अर भाल़अ द आसा, हाम्हैं खोज़ा तेतो समाद तम्हां का बी ताकि तम्हैं बी हाम्हां संघै साझ़ू हई सके। म्हारी साझ़ आसा बाब परमेशरा संघै अर तेऊए पूत मसीहा ईशू संघै।
Adoração como vida
Exaltai ao Senhor, prostrai-vos ante o escabelo dos seus pés. A adoração genuína transforma o adorador e agrada o Criador.
ए म्हारै परमेशर बिधाता, तेरी लोल़ी सदा ज़ै-ज़ैकार हुई,
हाम्हां टेक्कणअ तेरी राज़गाद्दी सेटा माथअ!
तूह आसा पबित्र।
मुंह करनी सारी अमरा तेरी ई ज़ै-ज़ैकार अर
तेरी महान शोभा खोज़णीं मुंह सोभी का।
ए म्हारै परमेशर, तूह आसा सह ई ज़ुंण बादल़ा प्रैंदै शुंआर हआ,
ताह नाअं आसा बिधाता,
हाम्हैं मनाऊंआं तेरी खुशी, संघा करा तेरी ज़ै-ज़ैकार।
परमेशर, तूह रहा आपणैं पबित्र घअरै,
तूह करा छ़ुटै-मुक्कै दै अर बिधबा बेटल़ीओ नसाफ।
हुंह करा परम प्रधान परमेशर बिधातो शूकर कि तेऊ किअ नसाफ,
मुंह करनी भज़न बोली तेऊए ज़ै-ज़ैकार।
तेरै बारै खोज़णअ मुंह आपणैं सोभी भाई-बंधा का,
मुंह करनी तिन्नें सभा दी तेरी ज़ै-ज़ैकार।
बिधाते च़ाकरी करनै आल़ै मणछो, तेऊए करा ज़ै-ज़ैकार!
तम्हैं याकबे आद-लुआद करा तेऊ बिधातो अदर!
ओ इज़राईलीओ, तम्हैं रहा तेऊए डरा हेठै।
हुंह करा उझै ताह बाखा बाहा फुआरी अरज़,
हुंह आसा ताल्है पाणीं बाझ़ी शुक्की ज़िम्मीं ज़िहअ नचिशअ।
इहअ किल्है चुटअ मेरअ हैअ?
मुंह किल्है निस्सअ उझ़ुई नां बेशी राम हई?
मुंह डाहणअ परमेशरा दी भरोस्सअ,
मुंह लणअ त एकी बारी भिई परमेशरा सेटा डेऊई
आपणैं उद्धार करनै आल़ै परमेशरो शूकर करी।
हे बिधाता, हुंह बोला ताखा इहअ, "मेरअ मालक आसा तूह ई!
ताह सुआई निं मुल्है होर किछ़ै भलअ आथी।"
बिधाते डरा हेठै रही करा तेऊए च़ाकरी अर काम्बदी-काम्बदी करा तेऊए ज़ै-ज़ैकार।
ताह पिछ़ू मनाऊंणी मुंह खुशी,
तूह परम प्रधान परमेशर बिधाता आसा सोभी का बडअ, मुंह बोल़णैं तेरै ई भज़न।
Falsa adoração
Não terás outros deuses diante de mim. Não adorarás ídolos. A adoração exclusiva ao Senhor é mandamento inegociável.
नां तिन्नां मुहुर्ती अर मैहरे पूज़ा करी अर नां तिन्नां सेटा माथअ टेक्की। थारअ परमेशर आसा हुंह बिधाता अर हुंह च़ाहा इहअ कि तम्हैं लोल़ी सिधै मेरै हुऐ। ज़ुंण मुल्है नफरत करा, तिन्नां लै दैआ हुंह सज़ा। तिन्नें लागा शोहरू, पोचै, पल़पोचै अर च़ौथी पोस्ती तैणीं आपणैं दादा-बाबे सज़ा भुगतणी।
तम्हैं निं कहा होरी देअ-देबी सेटा माथअ टेक्की, किल्हैकि हुंह बिधाता निं मेरी ज़ैगा कहा होरी मंदअ।
तेखअ टेक्का तै सोभै लोग उटी बाखा माथअ किल्हैकि खिम्भा फेर घोर्हिआ त घणअ बादल़ अर बिधाता करा त मोसा सेटा एछी गल्ला ज़िहअ कुंण आपणैं साथी संघै गल्ला करा। तेखअ एछा त मोसा खिम्भे बसती लै फिरी अर नूनो शोहरू ज़ैहसू ज़ुंण मोसा संघै च़ाकरी करा थिअ, सह रहा त मेल़-ज़ोल़े खिम्भा दी तिधी।
परमेशर आसा मेरी तागत,
मुंह बोल़णीं तेऊ लै गिह,
किल्हैकि तेऊ किअ मेरअ उद्धार।
मुंह करनअ बिधातो भज़न अर तेऊए ज़ै-ज़ैकार।
हे बिधाता,
देअ-देबी मांझ़ै
ताह बराबर कुंण आसा? एक बी निं!
ताह ज़िहअ माहा प्रतप्पी
अर पबित्र कुंण आसा? कोहै बी निं!
ताह ज़िहै महान च़मत्कारे काम
कुंण सका करी? कोहै बी निं!
ताखा लागा सोभी डरनअ
अर सोभी लागा तेरी ज़ै-ज़ैकार करनी।
"तम्हैं करै सिधी मेरी च़ाकरी, हुंह ज़ुंण थारअ परमेशर बिधाता आसा! मुंह दैणीं तम्हां थारै नाज़ा पाणीं दी बर्गत अर थारी सारी दाह-बमारी करनी मुंह दूर।
तम्हैं करै सिधी तेऊए ई ज़ै-ज़ैकार, किल्हैकि सह ई आसा थारअ परमेशर अर तम्हैं भाल़अ सह आपणीं आछी कि तेऊ तम्हां लै किहै बडै-बडै अर च़मत्कारे काम किऐ।
"ऐबै जाणैं तम्हैं छ़ेक्कै जरदण नदी पार टपी अर तम्हां संघै हणअ बिधाता आप्पै अर तेखअ जाणैं तम्हैं आपणैं दुशमणा का ज़िती। संघा बस्सणै तम्हैं तैहा रज़दी-पज़दी ज़ैगा निहंचै ज़ुंण बिधाता तम्हां लै आसा दैई हेरी दी। पर ज़ेभै तम्हैं तिधी बस्सी जाए, तिधी हणअ थारअ रहणअ-बस्सणअ होरी साबै। तम्हैं निं हेरे आपणीं मरज़ी दी कज़िधल़ी बल़ीदान करदै लागी! पर ज़िधी बी तम्हां इज़राईली जैंदरी बिधाता आप्पू लै खास ज़ैगा छ़ांटे, तम्हैं डेओऐ तिधा लै संघा करै आपणैं परमेशर बिधाते च़ाकरी। आपणैं बल़ीदान अर भैंटा बी पजैल़ै तिधी, च़ाऐ सह बिधाता खुश करना लै हूम बल़ी होए, च़ाऐ तम्हैं मानत या आपणीं खुशी दी बिधाता लै बांधअ होए डाहअ द। आपणीं पज़ैआ मांझ़ै नाज़, दाखो रस, तेल अर आपणीं कमाईओ दसुअ निसब बी पजैल़ै तिधी। आपणैं डागै-चैणें हेल़्ही का पैहलै सोए बाछ़ू, गाभू, छ़ेल्हू बी आणै तम्हैं तैहा खास ज़ैगा लै। तम्हैं खाऐ थारै टबर अर नोकर-च़ाकरा संघी थारी भैंट अर बल़ीदानो शकन तिधी बिधाते तैहा पबित्र ज़ैगा। संघा मनाऊंऐं तिधी बिधाता लै थैर। किल्हैकि बिधाता किऐ तम्हैं थारै सोभी कामां लै सफल। एतो बी डाहै धैन कि लेबी गोत्रा लै निं ज़िम्मीं-ज़ैगा किछ़ै हेस्सअ आथी दैनअ द, तम्हैं करै ज़रूर तिन्नां मांझ़ै बी आप्पू संघै साज़ै-बेज़ै मनाऊंणा लै शादी।
"केभै सका तम्हैं बल़ीदाना का लाऊआ आपणैं घअरै शिखा खाणां लै रिठ-बाकरै काटी। ज़ै बिधाता तम्हां लै एही बर्गत दैनी होए कि तम्हां का हुऐ खास्सै डागै-चैणैं, तै सका तम्हैं तिन्नां मांझ़ै तिधी आपणैं घअरै आप्पू शिखा खाणां लै काटी ज़िधी तम्हैं रहा। ज़ै तम्हैं हरन अर घोर्हल़ो शकार करे, तेते शिखा बी सका तम्हैं खाई। एही शिखा सका तिंयां मणछ बी खाई ज़ुंण छ़ोतलै अर बिधाते स्तोती लै शुचै नांईं बी होए। पर तम्हैं डाहै धैन हेरे तम्हैं निं कोही बी पशूओ लोहू खाई! तेता दैऐ पठी धरनीं पोर्ही पोछणै।
तम्हैं लाई बिधाते दिलै आग,
ज़ांऊं तम्हैं होरी च़िल़्हखरै देअआ पूज़दै लागै,
तेखअ फरेऊई तम्हैं बिधाता लै रोश्श।
तम्हैं किऐ परमेशरा छ़ाडी तिन्नां भूत अर
तिन्नां देअआ लै बल़ीदान
ज़ुंण किछ़ू कामें निं आथी
अर ज़ुंणी कधि थारी मज़त निं किई!
थारै निं दादै-बाबै बी इना इहै देअ-देबते पूज़ा किई!
तम्हैं गऐ आपणैं तेऊ परमेशरा बिस्सरी मुक्की
ज़ुंणी थारी रच़ना किई,
ज़ुंण शरण लणें बडी टोल्ह आसा
अर ज़ुंण तम्हां लै ज़िन्दगी दैआ।
"पर तम्हैं डाहै हेरे आपणअ खैल! तम्हैं निं आप्पू होरी देअ-देबते पूज़ी करै आपणैं परमेशर बिधाता का दूर हई कबाता पेठी,
मालक बोला इहअ, "ईंयां ज़पा खाखा का मेरअ नाअं, पर दिला का आसा ईंयां मुखा दूर। ईंयां खोज़ा सिधै मणछे सूल अर रिती-रबाज़ ज़ुंण इनै रटी आसा डाहै दै।
बिधाते स्तोती
बिधाता, तूह आसा मेरअ परमेशर,
मुंह करनीं सदा तेरी बड़ैई अर तेरअ शूकर।
तंऐं किऐ नुआहरै काम,
तंऐं किऐ शुचै-पाक्कै रही तिंयां सोभ काम पूरै ज़ुंण तंऐं
पैहलकै ज़मानै सोठी तै डाहै दै।
तैही फरेऊई परमेशरै तिन्नां बाखा पिठ अर तिन्नां दैनअ कज़ेही करनै कि तिंयां लागै सरगे ग्रहे पूज़ा करदै। ज़िहअ परमेशरे गूरै कताबा दी आसा लिखअ द,
‘इज़राईलीओ, थारै दाद-बाब नढैऊऐ मंऐं च़ाल़्ही साला उज़र रेगीस्तानै,
तिन्नां तेतरी साला निं मंऐं तिन्नां का पशू बल़ी अर नाज़ बल़ी मांगी!
तम्हैं इज़राईली मणछै बुल़्ही आप्पू संघै मोलक देअए बेदी, थारै तारै रफान देअए मुहुर्ती
अर तिंयां मुहुर्ती ज़ुंण तम्हैं आप्पू लै पूज़ा करना लै बणाईं ती।’
"‘तैही, छ़ाडणैं मुंह तम्हैं गलामी दी बाबेल देशा का बी दूर।’
सह आसा देहीओ मूंड अर सह ई करा सारी देहीए हेर-सभाल़ अर सह डाहा सोभी आंगा एकी-दुजै दी ज़ोल़ी। ताकि तिंयां इहै बझ़े ज़िहअ परमेशर च़ाहा। धैन डाहै कि कुंण मणछ तम्हां कबाता पाई स्वर्ग दूते च़ाकरी कराऊई करै तैहा ठुर्हे भागा का नभागै नां करे। इहअ मणछ बोला कि हाम्हां का रहैऊऐ परमेशरै दर्शण एता करै हआ तिंयां ऐडै ज़िहै घमंडा करै ज़ेही मणछे सोठ हआ। तिन्नैं हेरअ मसीहा छ़ाडी।
लोगे इना एही झ़ुठी गल्लो विश्वास करी निं कबाता पल़ी। किल्हैकि मसीहा फिरी एछणैं का आजी एछणअ इहअ बगत तेभै हणैं खास्सै मणछ परमेशरे द्रोही। ज़हा कदुष्टो परमेशरा न्हैरी जम्परी बनाश करनअ, सह हणअ तेभै प्रगट। तेऊ करनअ परमेशरो अर तिन्नां सोभी गल्लो बरोध ज़ेता लोग पूज़ा अर देअ बोला। तेऊ बोल़णअ इहअ कि सह आसा इना सोभी का महान। होर ता होर तेऊ कदुष्टा बोल़णअ परमेशरे भबनै बेशी सोभी का कि सह आसा आप्पू ई परमेशर।
Exemplos de adoração
Jó adorou em meio ao sofrimento. Esdras adorou na restauração. Paulo e Silas adoraram na prisão — e Deus respondeu.
इना गल्ला शूणीं उझ़ुऐ आयूबा दुखै ज़िहै शूल़ अर तेऊ धेल़ै आपणीं घेरीए झिकल़ै। तेऊ छाम्बअ आपणअ मूंड संघा रहअ दुखी उटी बाखा धरनीं पल़ी। आयूब लागअ लेरा लांदी इहअ बोल्दअ,
"हुंह आसा आपणीं माए रित्तै हाथै ओदरा का नांगअ आअ द,
मरी करै बी निं मुंह आप्पू संघै किछ़ै निंणअ।
बिधाता ई आसा मुल्है दैणैं आल़अ अर
तेऊ ई निंईं तिंयां सोभै गल्ला बापस।
तेऊए लोल़ी सदा ज़ै-ज़ैकार हुई!"
तेखअ लागै तिंयां ऐहा गिहा बोली बिधाते ज़ै-ज़ैकार करदै,
"बिधाता आसा भलअ अर सह झ़ूरा हाम्हां इज़राईली लै सदा।"
तैही करा ऐबै हुंह नबूकदनेसर राज़अ स्वर्गे महान परमेशरे ज़ै-ज़ैकार। सह करा सदा भलअ अर नसाफ। ज़ेभै मणछा घमंड एछा, सह जुंघा तिन्नां उंधै ताकि तिंयां निऊंऐं फिरे।"
"बिधाता, मेरै मालक तूह आसा पबित्र परमेशर, तूह आसा सोभी का महान! ताह ज़िहअ शुचअ निं कोहै आथी तूह आसा एक्कै परमेशर होर निं आथी ई।
ताह बिधाता सान पबित्र निं कोहै आथी,
ताह ज़िहअ निं होर कोहै आथी,
ताह म्हारै परमेशरा ज़ेही शरण दैणैं आल़अ निं कोहै आथी।
तेखअ बोलअ लेबी मांझ़ै जेशूआ, कदमीएल, बैनी, हशाबनेह, शेरेबयाह, होदिया, शेबानयाह अर पथाह इहअ,
"सोभ उझ़िआ खल़ै संघा करा ज़ोरै-ज़ोरै
आपणैं परमेशर बिधाते ज़ै-ज़ैकार,
ज़ुंण जुगै-जुगै ज़िऊंदअ आसा!
तेऊए महान नाओंए करा ज़ै-ज़ैकार,
तेऊए ज़ेतरी बी स्तोती करे, सह आसा थोल़ी।"
च़ाऐ ज़िहअ बी होए, मुंह करनअ बिधातो शूकर।
च़ाऐ फेडूए बूट नांईं फूले, च़ाऐ दाखे बेला दी दाणैं नांईं लागे,
च़ाऐ जैतूने बूट नांईं फल़े अर खेचा का किछ़ै नाज़ निं पज़े,
च़ाऐ भेडा-बाकरी ढेक्का पल़े अर खुढे गाऊई-बल्द किछ़ नांईं रहे,
तज़ी बी करनअ मुंह बिधातो शूकर!
मुंह रहणअ खुश किल्हैकि सह आसा परमेशर ज़ुंण मेरी फाज़त करा।
तेभै करनी तम्हां मुंह सेटा अरज़ अर मुंह हेरनी थारी शूणीं।
परमेशरा नेल़ एछा, तै एछणअ सह तम्हां नेल़ बी, ओ पापी मणछो, पाप करनअ छ़ाडा, ओ दोगल़ै लोगो, आपणैं दिल करा शुचै।