Salmos 99

म्हारअ बिधाता आसा राज़अ

1 हे बिधाता, तूह आसा राज़अ

देशा-देशे लोगा का छ़ुटी ताखा काम्मणीं,

तूह करा फैंखा आल़ै स्वर्ग दूता प्रैंदै बेशी राज़,

पृथूई दी हुई ज़ाज़री।

2 एरुशलेम नगरी आसा तेरी शान अर

तूह करा सोभी देशा काबू।

3 सोभी लोगै लोल़ी तेरै महान नाओंए ज़ै-ज़ैकार किई।

तूह आसा पबित्र!

4 तूह बिधाता आसा महान राज़अ ज़ुंण भलाई लै झ़ूरा,

तंऐं बढेरअ याकबे आद-लुआदा जैंदरी नसाफ,

धर्म अर सत्त आणअ तंऐं ई।

5 ए म्हारै परमेशर बिधाता, तेरी लोल़ी सदा ज़ै-ज़ैकार हुई,

हाम्हां टेक्‍कणअ तेरी राज़गाद्दी सेटा माथअ!

तूह आसा पबित्र।

6 मोसा अर हारण थिऐ तेरै प्रोहत,

शमूएल करा त ताह बिधाता सेटा प्राथणां,

तूह दैआ त तिन्‍नें हर गल्‍लो ज़बाब।

7 तंऐं किई ती तिन्‍नां संघै घणैं बादल़ा बाती गल्‍ला,

तिंयां ज़िऊआ तै तेरै बधाने साबै ज़िन्दगी।

8 हे परमेशर बिधाता, तूह आसा म्हारअ मालक, तूह शूणां ती तिन्‍नें प्राथणां अर

तंऐं किऐ तिन्‍नें पाप माफ,

पर तिन्‍नें गलती लै दैनी तंऐं तिन्‍नां लै सज़ा बी।

9 हे बिधाता, हाम्हैं करा तेरी ज़ै-ज़ैकार,

तेरी पबित्र धारा डेऊई टेक्‍का हाम्हैं ताह सेटा माथअ।

किल्हैकि तूह म्हारअ बिधाता आसा पबित्र।