27 «E djî əpʉ ə̂në əndje pâ gâ ye kɔ ə pa: "Prä əwɔ əzü wala äkɔ̈ əzü prä ne." 28 Bale, əmə, mə pa kə e ə pa: əzü nɔ̂ ə̂në tshə wu ə̈bə̈ yashe də əgo nə, mâ tə̂ lɔsu ye, tshə shô də ətshə gâ ye.

32 Bale, ənə̂ əmə, mə pa kə e ə pa: koshe ə̂në tshə grɔ əwɔ nə, kədə ə sə sə mbrə kə pra akoshe ne, kandää, tshə mbrə ndə kə pa yashe nə pra ə̈bə̈ koshe kpî. Koshe ə̂në tshə za ə̈bə̈ yashe ə̂në äkɔ̈ nə grɔ̂ ətshə gâ ye kɔ, tshə shô də əwɔ əzü gâ ye.»

19 Mbrə ə̂në tə̂ lɔsu əzü də̂ aərə mata əmbrʉ lɔsu, kə wo əzü, kə pra əwɔ əzü wala äkɔ̈ əzü, kə sə tə əyïə̂trû, kə zɨ angba, kə pa əpʉ əterə gâ lə kumu əzü, kə pa əmbrʉ əpʉ də əɨrɨ azü ə wutu kɔ.

11 Tshə pâ kə əndje ə pa: «Əzü ə̂në tshə grɔ əwɔ nə â za ə̈bə̈ ata nə, tshə mâ əmbrʉ ərə gâ tə̂ angbʉlî yashe səkɔ gâ ye. 12 Kədə ə̈bə̈ yashe kə grɔ äkɔ̈ nə â za ata koshe, tshə mâ əmbrʉ ərə gâ ye.»

18 «Koshe ə̂në tshə grɔ əwɔ nə â za ə̈bə̈ ata nə, kandää, tshə mâ nyaka gâ ye. Koshe ə̂në tshə za ə̈bə̈ yashe ə̂në äkɔ̈ nə grɔ̂ ətshə gâ ye kɔ, kandää, ətshə ndje, tshə shô də əwɔ əzü gâ ye.»

4 ə pâ kə Jezu ə pa: «Awoyisə̂ ərə, əndje tê yashe səye kprəkəshe də kə pra ə̈bə̈ koshe kpî tə̂ äkɔ̈ nə. 5 Mayïzə lə âgbɔ̂ əpʉ, zâ äwä kə ä ndə kə pa ä gbo marä tə̂ ayashe rəke də badja ə wo əndje. Rəkɔ, əbə, bə pa atâ a?»

6 Əndje pâ əpʉ səkɔ rə ndə kə tra lɔsu Jezu nə, kanika ə sɔtə̂ ə̈bə̈ əpʉ ndə kə lea ətshə tə̂ nə. Bale Jezu nə têrə gâ tʉ ə vɔ̂tə̂ kə ta fraka də yana kəna ye gâ tə̂ ashɔ. 7 Ə̂në əndje sə̂ pə kə yu ətshə də əpʉ nə kɔ, tshə zâ kumu ye gâ lafɔ ə pâ kə əndje ə pa: «Lə takpa tə̂ e, əzü ə̂në tshə mâ ə̈bə̈ nyaka mâ alɔ bale ne, tshə zä badja nə ə gbö ətshə də nə angbʉlînə!» 8 Tshə kwâtə̂ye ə têrə gâ tʉ ə vɔ̂tə̂ kə ta fraka nə gâ tə̂ ashɔ nə. 9 Alɔ ə̂në əndje djî əpʉ səkɔ, əndje vɔ̂tə̂ kə gbətɔ tə̂ əndje bale bale, ə vɔ̂tə̂ nə tə̂ aâgbɔ̂ azü nə. Â Jezu nə dâka pə kʉtə̂ ye gâ ndə yashe nə ə̂në tshə sə̂ kôto gâ ə̂grû nə kɔ. 10 Bale, Jezu nə zâ kumu ye gâ lafɔ ə pâ kə ətshə ə pa: «Yashe, azü nə sə kotâ a? Ə̈bə̈ əzü bale wâ wâ ngbanga gâ lə kumu zə ne a?» 11 Tshə kîrə əpʉ ə pa: «Ə̈bə̈ əzü bale ne, Âgbɔ̂ Əzü!» Bale, Jezu nə pâ kə ətshə ə pa: «Əmə ndje, mə wa ngbanga wa gâ lə kumu zə ne; gü na ye ə mbrə̈ nyaka mbrə̈ kwatə̂zə mandânə səye ne.»]*

18 E kpë ngrʉ̂ tə̂ əpʉ ə̂trû. Ə̂dû nyaka ə̂në əzü ə mbrə kɔ, ə sə gashu tə̂ akwa ye. Bale, əzü ə̂në tshə za tə̂ ye gâ tə̂ əpʉ ə̂trû nə, tshə mbrə nyaka gâ tə̂ akwa ye də ə̂tə̂ ye.

16 Mə pa ənə̂ əmə kə e ə pa: e kätə̂ Âgbɔ̂ Yîrə̂ tshə yisə̂ äwä kə e, kanika e mbrə ərə ə̂në tshelə əzü yində̂ nə kɔ mbrə ne. 17 Mbrə ə̂në əndu əzü sə də əgo aərə ə̂në ə sə kpî tə̂ aənə̂ Âgbɔ̂ Yîrə̂ nə, â Âgbɔ̂ Yîrə̂ nə sə də əgo aərə ə̂në ə sə kpî tə̂ aənə̂ əndu əzü nə kɔ. Aərə ə̂në ə̈bə̈ nə ma əgo nə kɔ sə kpî tə̂ aənə̂ bale nə, â e lï lï ndə kə pa e mbrə ərə ə̂në tshelə e yində nə kɔ ne.

19 Kandää, a wûsə̂ aərə ə̂në əndu əzü nə ə mbrə kɔ gâ ye: əpʉ kə ma ə̂trû, kə sə sə mvo ne, kə pra ayashe wala akoshe kpî tə̂ əwo zə wala äkɔ̈ zə, 20 kə vrɔ aamba andjapä, əpʉ ayɔ, əpʉ aawlra, akəpʉ, kə za tshelə gâ tə̂ azü, aəkɔ, kə mbrə ərə tə alayïnga azü, kə ia ətshe, kə sɔ tshelə takpa tə̂ azü, 21 kə ma əgo aərə nə̂ azü, kə ndju ə̂pî rô pâ nə, kə zɨ rəgo rô pâ nə gâ ndə alabə̈ aərə ə̂në ə sə ndje gu ndə nə rə kɔ. Mə pa kə e ətshinə gâ ye kane, mata ə̂në mə pâ ətshinə gâ ye kɔ: azü ə̂në əndje sə kə mbrə marä tə̂ aərə səke, əndje sə sə kə sɔtə̂ ətshe lə Əgɔngerə nə̂ Ndjapä ne.

4 Azü nɔ̂ lʉ̈ kə ko tə̂ ətshe, akoshe də yashe prä ə̈bə̈ yashe wala koshe prä kpî tə̂ əwɔ nə wala tə̂ äkɔ̈ nə ne. Ndjapä ə wa ngbanga gâ lə kumu azü ə̂në əndje za tə̂ əndje gâ tə̂ ə̂trû də kə pra ayashe də akoshe kpî tə̂ alawɔ əndje də aläkɔ̈ əndje kɔ je.

3 Ərə ə̂në Ndjapä yində nə kə də̂ kə pa e sə kpî mbrə Ndjapä, e kätə̂ äwä əpʉ ə̂trû. 4 Əzü bale bale lə takpa tə̂ e wüsə̂ äwä kə za yashe tə̂ äwä ə̂në ə sə tə ə̂rɔ̂nə kɔ, tə̂ äwä kə lʉ tə̂ ye*, 5 kanika əgo aəmbrʉ aərə ro pâ e ro ne, mata adulu ə̂në əndje wusə̂ Ndjapä wu ne kɔ.

4 E-e ə̂në e frɔ Ndjapä kɔ! E wusə̂ nə wu ə pa kə yində aərə tshepashɔ sə tə äwä kə wəra tə̂ əzü tə̂ Ndjapä ne a? Əzü ə̂në tshə yində kʉtə̂ aərə tshepashɔ nə, rəkɔ tshə do tə̂ ye tə əyïkowɔ nə̂ Ndjapä gâ ye.

21 Mə kâtə̂ äwä kə ətshə ndə kə pa tshə tshi angbrɔ äwä kə mbrə tə̂ ye nə tʉ gbrä, bale tshə yi yində kə pa tshə tshi äwä ə̂trû nə̂ ye nə tʉ ne. 22 Mə sə kə za ətshə ə wli ətshə gâ pâ ə̈bə̈ klʉngbʉ âgbɔ̂ əyo, ətshə də azü nə ə̂në əndje də aəndje ə mbrə ərə ə̂trû nə kɔ, kədə əndje tshi äwä aərə nə ə̂në əndje mbrə kɔ tshi tʉ ne.