Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
काहनी बी वातेन फीकुर मां करु, बाकुन हरेक वातेम भगवान काजे, बेसकु वारु कवता जाय्न दुवा ने लीलघाय्न भगवान अगळ आवु।
मे जत्यार बी तुहुंंक हेर करो, तत्यार तुंद्रा बारामां आपणा भगवान काजे बेसकु वारु कह्वो;
ज काय बी तुहुंं करु, भले बुलने मां नी ते दीसरा काम मां च आखो काय मालीक ईसु मसीन नावलीन करु, हव तेरे वगे हय्न भगवान बाबान गुणे गावता जाय्न च आखो काम करु।
हामु तुहुंं आखा वाटे जलम भगवान काजे बेसकु वारु कवता रवजे। ने हामरी दुवा मां हामु तुंद्री हेर करता रवजे। तुहुंं ते भगवान बास पर भुरसु करीन वारलु काम कर र्या, ने परम सी काठो काम कर रया, ने आपणु मालीक ईसु मसी आपणुक वाचाड़ने करीन सरगे सी पछु आवसे करीन तुहुंं आस कर रया, ने ईनी आसेन गम खाय्न वाट देख रया। ईनी वातेक आपणा भगवान बास अगळ अळी अळीन हेर करीन हामु तुंद्रे वाटे भगवान काजे बेसकु वारु कह्या करजे।
भगवानेन गीण-दया तुहुंं काजे ईसु मसीन साहरे जड़ली छे, हेरेसी मे तुंद्रे वाटे आपणा भगवान काजे जलम बेसकु वारु कह्या करो।
बाकुन भगवान काजे तु बेसकु वारु छे करीन कह्वो जो हामरे मालीक ईसु मसीन साहरे हामुक जीत जड़े।
बाकुन भगवान काजे तु बेसकु वारु छे करीन कह्वो, जु मसी मां जलम हामुक जीतेन खुसी मां लीन फीरे, ने आपणे अकलेन खुसबु हामरे साहरे आखी दुर फेलावे।
अळतेन जे एरने वाळा काजे बीज, ने खाणे वाटे रुटा आपे, चु तुहुंंक बीज आपसे ने हीनाक फळ वाळु करसे; ने तुंद्रे धरमेन फळे काजे बड़ावसे। तुहुंं आखी वात मां आखी भातीन खुला वाटे जे हामरे साहरे भगवान काजे तु बेसकु वारु छे करीन कह्वाड़े, पयस्या वाळा हय जावु।
ने भगवान मालीकेन अबरा मां हेळी मेळीन भगवानेन वातरा कवता जाय्न भगवानेन गीते, गाय्णो, ने भजन गाया करु, आखे तीना मालीकेन अबरा मां मन मां गावता गुंगणाय्ता रहु। ने हामरा मालीक ईसु मसीक नावलीन आखे टेमे, आखी वात वाटे बास भगवान काजे बेसकु वारु, कवता रहु।
ने तुहुंं ईसु मसी सी बीही र्या, करीन आपसा काजे एक दीसरान हक मां कर देवु।
ईसु चे पांच रुटा ने दुय माछी मांगीन हात मां लेदु, ने सरग भीणी उपर भाळीन भगवान काजे कह्यु तु बेसकु वारु छे। ने ईसु रुटा काजे भांजीन चेला काजे आप्यु ने चे चेला माणसे काजे वाटता गुया। ने माछी बी असुत करीन आप्यु। ने आखा जणा खायलीन आफरी गुया। ने चेला बचला रुटान कट्का, ने माछान खणका ईछीन भेळा कर्या, ती चे बारे चार्या भर्या।