Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
कौनो फेन बातके चिन्ता ना करो; पर हरेक परस्थितिमे तुहुरिन्के निवेदनहे प्राथना और बिन्तीक माध्यमसे धन्यवादके संग परमेश्वरके आघे धारो।
सुरुक दिनसे तुहुरे येशू ख्रीष्टके बारेमे यी खुशीक खबरमे विश्वास करलो, यिहिहे फैलैनामे तुहुरे महिन्हे साथ देले बतो। तबेकमारे जब-जब मै तुहुरिन्के बारेमे सोच्थुँ, तब-तब मै परमेश्वरहे धन्यवाद देथुँ। और मै आनन्दसे प्राथना करथुँ कि परमेश्वर तुहुरिन्हे सहायता करिँत।
ज्या बात तुहुरे बोल्थो या करथो, सक्कु चिज प्रभु येशूक नाउँसे करो, और प्रभु येशूक माध्यमसे परमेश्वर बाबाहे धन्यवाद चह्राऊ।
हम्रे प्राथनामे हरदम तुहुरिन्हे सम्झथी, और हम्रे परमेश्वरहे तुहुरिन सक्कुहुनके लग धन्यवाद देथी। और जब हम्रे अपन बाबा परमेश्वरसे प्राथना कर्थी ते हमार प्रभु येशू ख्रीष्टमे तुहुरिन्के उ काम हरदम याद कर्ती रथी, जोन काम तुहुरे विश्वासके कारण करथो। और दोसुर जहनकेमे प्रेम देखाइक लग जोन तुहुरे कड़ा मेहनत करथो। तुहुरे सतावट सहथो। काकरेकी तुहुरे प्रभु येशू ख्रीष्टके फिर्ता अइना आशा करथो।
काकरेकी परमेश्वर तुहुरिन्हे ख्रीष्ट येशूक संग मिलाके अपन अनुग्रहसे बहुत्ते मजा चिज देले बताँ। तबेकमारे तुहुरिन्के लग मै जबफेन परमेश्वरहे धन्यवाद देथुँ।
पर परमेश्वरहे धन्यवाद होए, हमार प्रभु येशू ख्रीष्ट हमार लग ज्या करलाँ, ओकर कारण परमेश्वर हम्रिहिन्हे पाप और मृत्युसे जितैले बताँ।
पर परमेश्वरहे धन्यवाद होए, ख्रीष्टके संग रलक हमार एकतक कारण ऊ हरदम अपन संग हमार अगुवाई करथाँ, और हम्रिहिन्हे जित देहवैथाँ। और आब ऊ मीठ बास अइना अत्तर हस हरेक ठाउँमे ख्रीष्टके ज्ञान फैलाइक लग हम्रिहिन्हे प्रयोग करथाँ।
परमेश्वर जबफेन किसाननहे बुइक लग बिया देथाँ, और ओइन्हे खाइक लग खाना फेन देथाँ। ठिक अस्तेहेँके परमेश्वर यी फेन सम्भव बनैहीँ कि तुहुरिन्के थेन जबफेन पुग्ना मेरिक पैँसा पलिरहे, ताकि तुहुरे आकुर धेउर खुल्ला मनसे जरुरी परल मनैनहे देहे सेको।
तुहुरे सक्कु ओहोँरसे आशिष भेटैबो, और तुहुरे सदादिन खुल्ला मनसे देनामे सक्षम होजिबो। और जब हम्रे तुहुरिन्के खुल्ला मनसे देलक दानहे जरुरी परल मनैनहे देहब, ते ओइने परमेश्वरहे धन्यवाद दिहीँ।
जब तुहुरे पवित्र आत्मक अधिनमे रबो कलेसे तुहुरे असिके कर्बो: जब तुहुरे एक्के थेन जमा हुइबो, तब तुहुरे भजन और पवित्र आत्मक देलक गीत गैबो। और अपन-अपन मनमे प्रभुक आघे गीत गैती स्तुति कर्बो। और जोन कुछ हमार प्रभु येशू ख्रीष्ट कर्ले बताँ, ओकर कारण जबफेन हमार परमेश्वर बाबाहे हर बातके लग धन्यवाद देऊ। और हम्रे येशू ख्रीष्टमे भक्ति कर्लक कारण एकदोसर जहनके अधिनमे रही।
तब् येशू पाँचथो रोटी और दुईथो मच्छी लेलाँ, उप्पर स्वर्ग ओहोँर हेरलाँ, और परमेश्वरहे धन्यवाद देलाँ। ऊ रोटीहे खन्टैलाँ, और मनैनहे बाँटक लग चेलनहे देलाँ। येशू मच्छी फेन बाँटदेलाँ ताकि सक्कु जाने भेटाई सेकिँत। उ सक्कु जाने जतरा मन रहिन, ओत्रा खैलाँ और अघागिलाँ। जब सक्कु जाने खाना खाके सेक्लाँ, और खन्टैलक उब्रल रोटी और मच्छी चेलनके जमा करलाँ ते उ बाह्र छिट्वा रहे।