Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
E lï lï tshelə e gâ tə̂ ə̈bə̈ ərə bale ne, bale lə aərə nɔ̂, e yïsə̂ aərə ə̂në e ma əgo nə kɔ kə Ndjapä tə̂ äwä kə yu ətshə ə kɨ̈ ə̂sə̂ əyo tə̂ e kə ətshə də kə za mərshe kə ətshə.
Mə sə kə za mərshe kə Ndjapä nə̂ əmə alɔnɔ̂, alɔ ə̂në mə sə kə li tshelə əmə tə̂ e kɔ.
Aəpʉ nɔ̂ ə̂në e sə kə pa nə, wala aərə nɔ̂ ə̂në e sə kə mbrə nə kɔ, e mbrə̈ də əɨrɨ Âgbɔ̂ Əyïngerə Jezu, e zä mərshe kə Abä də Ndjapä də əɨrɨ ye.
Ä sə kə za mərshe alɔnɔ̂ kə Ndjapä mbrə e nɔ̂ â sə kə pa ndə e lə kə yu Ndjapä nə̂ ä. Ä sə kə li tshelə ä alɔnɔ̂, lə ala Abä əzə̂ də Ndjapä, gâ pâ kosəra lɔsu ə̂në e mbrə kɔ, gâ pâ äwä kə yi tə̂ nə̂ e, ndje gâ pâ äwä kə za lɔsu e ə̂në e za bale ndə kə ka mbrə Âgbɔ̂ Əyïngerə nə̂ əzə̂ Jezu Kristə nə kɔ.
Mə sə kə za mərshe alɔnɔ̂ kə Ndjapä nə̂ əmə mbrə e, mbrə ə̂rɔ̂tə̂ Ndjapä nə ə̂në tshə mbrə̂ kə e tə̂ äwä Jezu Kristə kɔ.
Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.
A zä mərshe kə Ndjapä ə̂në tshə ko əzə̂ gâ lə ana ngblɔɔ nə̂ azü ə̂në əndje na mandâ Kristə ə̂në tshə rô pâ aawlra nɔ̂ gâ ye kɔ, â tə̂ äwä əzə̂, tshə mbrə â azü sə kə wusə̂ Kristə nə tə̂ ətshe nɔ̂ na na ye, mata kə fu yombo ə̂në ə za ətshe kɔ.
Ndjapä ə̂në tshə ko angwa rəgo kə awolu rəgo ə ko rəgo kə zɨ nə kə ətshə kɔ, tshə ko angwa rəgo kə e je ə zu tshelə angwa rəgo nə kə e je, kanika âkrâ nə̂ e nə le ngbatshe. Tshə mbrə e tə aawosɔtə̂ aərə ngbatshe alɔnɔ̂ je ndə kə pa e kra âkrâ alɔnɔ̂ â, tə̂ äwä ä, azü sə kə za mərshe kə Ndjapä mbrə âkrâ nə̂ e nə.
E pä əpʉ lə takpa tə̂ e lə aətshi də aətshi kə vrɔ ətshe gâ ndə aətshi ə̂në Âgbɔ̂ Yîrə̂ nə ə ko kə e kɔ. E vï aətshi ə tɔ̈lɔ Âgbɔ̂ Əyïngerə də lɔsu e nɔ̂. E zä mərshe alɔnɔ̂ kə ətshə ə̂në tshə sə tə Abä də Ndjapä kɔ mbrə aərə nɔ̂ də əɨrɨ Âgbɔ̂ Əyïngerə nə̂ əzə̂ də Jezu Kristə nə.
E mbrə̈ tə̂ e teashe lə takpa tə̂ e mbrə kə kpe rawa Kristə nə ə̂në e kpe kɔ.
Jezu kô amapa nə mindû də agiangû nə bishi ə lîshi gâ lafɔ ə ê ə̂rɔ̂ əpʉ gâ pâ nə. Mandânə, tshə ngɔ̂ tshelə amapa nə ə kô kə atrawaya nə ndə kə pa əndje kru tshelə nə tə̂ ə̂kpû azü nə. Tshə krû ndje tshelə agiangû nə bishi nə kɔ tə̂ ə̂kpû azü nə nɔ̂. Azü nə nɔ̂ zɨ̂ rəgo nə â tshelə əndje sû. Atrawaya nə rɔ̂ ə̂dû aə̈ndö amapa nə də agiangû nə, ə sû kakli morofo amanə bishi.