6 Fye to saaɓo ntu n nyaho ɓo m, ama dna n ɓəhoɓəhoi fye zhniaduwa n wyegyii, n amisai, fyei gna Shekwoyi anya n fye ye.

3 Mi sa əmi Shekwoyi ami nsahosahoi n ma pa əfye əɓo ncei.

17 Jesnu ɓəhoɓəhoi n fye ɓa zhni, kwo dna n ɓədagbma nu, kwo n ɓəzhni, fye zhni kwo vnyanya dna n Dagayi Yeisu əye, fyei sa Shekwoyi Dada ami dna n wo.

2 Yi sa Shekwoyi ami lo ciici ntu əfye ɓo vnyanya, yii sa əfye aye ciici fyi n əyi aduwazhni. 3 Yi pá əfye tnutnu ɓo lo gnyi n Shekwoyi əyi Dadai abye, n fye ɓə zhni kwo dna n gaiciyaganunui nyi. Əfye tnutnu, ń yeye nu ɓə dna fye kwo zhni nyi, jesnu əfye bwugbaɓwa n awyetui dna n əyi Dagayi Yeisu Kirisiti.

4 Mi sa əmi Shekwoyi ami ciici ntu əwo shebmyashi ɓo n wo ncei ga fye dna n Kirisiti Yeisu nyi.

57 Ama amisa zhni Shekwoyi nya nu! Əwo nu ga yi nasalagyi dna n əyi Dagayi Yeisu Kirisiti.

14 Ama mi sa Shekwoyi ami lo, n wo gyilo n əyi abye ciici ngye a wnawnai fyi n Kirisiti nasalagyi əzna nya, jesnu woi zhni apma n yii, yii gná asni adadai myi əwo əye yekpé nya n abahobahoi.

10 Nsayi, əza n wo ga nyabyeyi nyabye nyi, jesnu biledi nge nyagyi nyi, əwo nu ɓa ɓe fye anya ce, jesnu wa ɓe nyabye n əfye adobwi, jesnu wa zhni əfye ɓəfyecezhni nyayezhi nya kwa mwapata. 11 Fye ɓa kwu zè anyaɓwai n zokwo dəhodəhoi nabai n fye ɓa myi fya loɓwaya dna n ɓəhoɓəhoi zhni, jesnu ntu əyi ɓo, əfye ɓwaloloiya ɓa ɓe n amisagagai n Shekwoyi aba.

19 fye daɓo n ajei n anyiásásayii, anyíciciyii jesnu n anyii n ɓa kwnu n Zafnu. Fye kwoanyi fyei gyianya n ɓa kwnu n əfye abwugba ga Dagayi, 20 fyei ga Shekwoyi Dada amisa ciici, ntu nyahonyahoi ɓo, dna ń əyi Dagayi Yeisu Kirisiti əye.

21 Fye kwu əfyehni ga aje, ntu Kirisiti mwamwaga ɓo.

41 Shi wo ɓə gwo biledi aknana ngwnu-atnu n abmyai ngwnu-aba yii wa kpe əwye wu n əshe, wa sa Shekwoyi ami jesnu wa sa biledi aknana yii ya. Nlonu wa ga əwo amwutuyi ɓa gnaya ga aza. Jesnu wa gna abmya ngwnu-aba yi ya fyi n əɓa vnyanya atasni. 42 Əɓa vnyanya ɓa gyi jesnu nubwo kwa kwu ɓa fwu 43 Amwutuyi ɓa kwu biledi n abmya awyiwoi, acekwnu ngwnu-awoceaba.