Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ekufina idem mbufo kabaña ñkpọ ndomokiet, edi ke kpukpru ñkpọ ebup Abasi se mbufo eyomde ke akam, ebup Enye kpukpru ini ye esit ekọm.
Ami ñkọkọm Abasi mi mbaña mbufo kpukpru ini emi ami ntide mbufo.
Kpukpru se nte mbufo enọde ekọm ebe ke enye ekesim Abasi Ete.
Ñnyin inọnọ Abasi ekọm kpukpru ini ibaña mbufo kpukpru, inyuñ iti ibaña mbufo ke mme akam ñnyin. Ñnyin iti ke iso Abasi ye Ete, nte mbufo edade mbuọtidem mbufo esin ke edinam, nte ima mbufo anamde mbufo esin ifik ke ọkpọsọñ utom, ye nte idorenyin mbufo ke Ọbọñ ñnyin Jisọs Kraist ọsọñọde ada. Utibe Mbuọtidem Mmọ
Ami ñkọkọm Abasi kpukpru ini ke ntak mbufo ke mfọn emi Enye ọnọde mbufo oto Kraist Jisọs.
Edi yak ekọm enyene Abasi emi ọnọde ñnyin edikan oto ke Ọbọñ Jisọs Kraist.
Edi yak ekọm enyene Abasi, emi adade ñnyin asaña ubọñ ubọñ ke Kraist kpukpru ini, onyuñ adade ñnyin anam ifiọk Esie asuana ke kpukpru ebiet nte ufuọñ enem ufik ñkpọ.
Ndien Abasi emi ọnọde ọtọ iñwañ ñkpasip nditọ, ye uyo, nte udia, eyenyuñ anam ñkpasip emi mbufo editọde awak, onyuñ anam mbuñwum edinen ido mbufo etọt.
Eyenam mbufo enyene inyene ke kpukpru usuñ, man otodo mbufo ekeme nditat ubọk nnọ enọ ke kpukpru usuñ, man ediwak owo ekpekọm Abasi oto ke enọ mbufo emi mmọ ebọde eto ñnyin.
Etiñ ikọ ye kiet eken eto ke mme ikọ mme Sam enọ Ọbọñ, ye itoro ke esit mbufo. Enọ Abasi Ete ekọm kpukpru ini ke kpukpru ñkpọ ke enyiñ Ọbọñ ñnyin Jisọs Kraist.
Esuhọde idem mbufo enọ kiet eken, ke ntak editeñe emi mbufo eteñede Kraist.
Enye ama emen ebok uyo ition emi ye iyak iba, ndien Enye ama emenerede enyin Esie ese enyọñ, ọnọ ekọm onyuñ obuñ mme uyo odo. Enye ama emen ọnọ mbet Esie edeme enọ otu owo. Enye ama onyuñ edeme iyak ọnọ kpukpru mmọ ñko. Ndien kpukpru owo oro ema edia udia eyuhọ.
Ndien mme mbet ema etañ mme mbeñe uyo ye eke iyak ọyọhọ akpasa duopeba.