2 Belú wamá ligibugiñoun lau eteingiruni,

weremuha lun luéirigun.

4 Higougu luagun lubenari,

belú humá lúbiñoun Bungiu

eremuheina uremu lánina eteingiruni.

Ru humá eteingiruni lun, alawaha huméi Bungiu!

1 Alawahoualá Aburemei!

Ru humá eteingiruni lun Aburemei,

ladüga buiti Bungiu,

ladüga magumuchaditi línsiñehabu.

28 Seremei numutibu alawahanei buéirigun

ladüga Nubungiute lan buguya.

7 Heremuha lun Aburemei lau eteingiruni;

heremuha uremu lun Wabungiute lau tamuri árüpa.

30 Nalawahabei liri Bungiu lau uremu;

nalawahabei lau eteingiruni.

7 Nabureme nérebei, le óunigirubalina;

luagu temenigida nanigi ani íderagua lumutina.

Gúndaatu lubeiti nanigi;

neremuhaba, ru aume seremei lun Nabureme.

13 Ligía lébubei weteingiruñadibu lubéi guentó Bungiu Baba, eremuha wagía lun biri le íñugubei;

6 Madiherida humá luagu ni kata, ariñagarügü huméi sun katei lun Bungiu súnwandan dan le hafurieidun; amuriaha humá luma, mabulieidagunga lun híchugun eteingiruni lun.

3 Sagü naritagun huagun neteingiruni Nubungiute.

17 Furumiñeguarügü katei le hadüga o le lan hariñagun, adüga huméi lun híchugun inebesei lun Wabureme Hesukrístu, eteingiréinei Bungiu Úguchili lídangiñe Hesukrístu.

2 Súnwandan weteingiruni Bungiu huagu, sun huguya, írida wamáün lidan wafurieidún. 3 Súnwandan waritagun ligibugiñe Wáguchi luagu lubuidun heseriwidun lun Hesukrístu ladüga hafiñen luagu, luma lubuidun hóuseruniña wánigu ladüga buin tiña lan hanigi lau ínsiñehabuni, luma lubuidun hawanduni sun asufuriruni ladüga hemenigidun luagu Wabureme Hesukrístu.

4 Súnwandan neteingiruni Bungiu huagu, luagu abiniruni le ru laalibei hun lau lareini, lídangiñe Hesukrístu.

57 Teinki waña lun Bungiu luagu lagañeiragüdüniwa lidan sun burí katei le, lau lubafu Wabureme Hesukrístu.

14 Ani seremei wamuti Bungiu le anügübaliwa súnwandan lau agañeiruni. Ladüga waweigiñe lasubudiragüdei uganu luáguti Kristu lidan sun fulasu, keisi lirimichúniwa íhemeni buiti.

10 Bungiu, le íchugubalin ilaü lun ábunaguti tuma fein lun leigin, líchuguba giñe hun lun gayaraabei lan hedewehan saragu houn gudemetiña kéisigubeirügü ilaü le abunúbei. Ábame laweiridagüdüni Bungiu murusun fulesei le hadügübei houn, darime lun habihin óunwenbu abiniruni lúmagiñe Bungiu keisi aban óunwenbu alubahani. 11 Ítara luba gama humá sun luwuyerigu irisini ani gayaraabei híchugun lau tubuidun anigi, ani danme le heresibiruni waduheñu idewesei le lunbei hóunahani houn wama, wéiribei heteingiruni Bungiu.

19 Adimureha humá húmagua luagu luéirigun Bungiu, lau sálumu luma uremu; heremuha lun Wabureme alawaha humeime tidan hanigi. 20 Ru humá eteingiruni lun Bungiu Úguchili súnwandan luagu sun katei lidan liri Wabureme Hesukrístu.

21 Gaganbadi humá húniwagua, ítara luba harufuduni lineben Kristu hun.

41 Aba lanügünu Hesusu seingü fein to lúhaburugu hama bián úduraü ha, aba larihin sielun, aba leteingiruni Bungiu tuagu, aba lagubachagunu; lárigiñe, aba lamurusuhanu lun líchugunu houn lani disipulugu lun hafanreinhanu hadan gürigia hagía; fánreingua hamaña giñe bián úduraü hagía hadan súngubei. 42 Hóutiña sun hagía kimule. 43 Lárigiñe, aba habuinchagüdün duusu faniñe lau tife fein luma úduraü ígiraguti.