Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ma̱xáxná-gamiéjwanlaꞌ mbá jayu gáꞌne rí ma̱ri̱gá, a̱ꞌkhue̱n gakon, i̱ndo̱ó máꞌ Ana̱ꞌlóꞌ gútha̱n-jáñíílaꞌ numuu mbá xúgíí rí ndaꞌyálaꞌ, jamí gu̱rígu̱ulaꞌ gamaku ná inuu Ana̱ꞌlóꞌ mangaa.
Mbámbá rí na̱rmáꞌáan a̱kui̱nꞌ ja̱ya̱ꞌlaꞌ, na̱rígu̱u gamaku ná inuu Anu̱ꞌ Mikhuíí ga̱jma̱á numalaꞌ.
Mbá xúgíí rí nu̱ne̱laꞌ, ga̱nindxu̱u̱ ne̱ rí nu̱tha̱nlaꞌ o mbá ñajun rí nu̱ne̱laꞌ mbo̱ꞌ, gu̱ne̱laꞌ ne̱ ga̱jma̱á numuu Táta̱ Jesús, jamí gu̱rígu̱ulaꞌ gamaku inuu Ana̱ꞌlóꞌ ga̱jma̱á majñu̱u̱ máꞌ ikhaa̱.
Jámba̱ miꞌtsú nu̱rígu̱uxo̱ꞌ gamaku ná inuu Ana̱ꞌlóꞌ ga̱jma̱á numalaꞌ mbá xúgiáanꞌlaꞌ, jamí tsímbumaxo̱ꞌ e̱ne̱laꞌ ído̱ rí nu̱tha̱n-jáñííxo̱ꞌ Ana̱ꞌlóꞌ. Na̱rmáꞌáan máꞌ xúꞌkhue̱n a̱kia̱nꞌxo̱ꞌ ná inuu Ana̱ꞌlóꞌ Mikhuíí eꞌne ñajun rí nu̱ne̱laꞌ ga̱jma̱á numuu rí wéje̱ a̱kia̱nꞌlaꞌ ná inuu̱, rí nu̱ne̱laꞌ numuu rí nandalaꞌ ju̱ya̱á Ana̱ꞌlóꞌ, jamí rí kuajún-gúkuálaꞌ numuu rí mbá jañii a̱kia̱nꞌlaꞌ guáꞌthi̱ínlaꞌ ná inuu Táta̱ Jesukrísto̱.
Jámba̱ miꞌtsú na̱rígu̱ulo̱ꞌ gamaku inuu Anu̱ꞌ Mikhuíí ga̱jma̱á numalaꞌ, numuu rí maphú mba̱a̱ rí máján nixnálaꞌ Ana̱ꞌlóꞌ ga̱jma̱á majñu̱u̱ Krísto̱ Jesús.
I̱ndo̱ó máꞌ numuu rí núma̱aꞌ la Ana̱ꞌlóꞌ rí naꞌnii̱ rí ma̱ꞌnga̱ꞌlóꞌ ga̱jma̱á majñu̱u̱ Tátiálóꞌ Jesukrísto̱.
I̱ndo̱ó máꞌ numuu rí núma̱aꞌ la Ana̱ꞌlóꞌ, numuu rí jámba̱ miꞌtsú naꞌnii̱ rí ma̱ꞌnga̱ꞌlóꞌ ga̱jma̱á nindxu̱u̱ Krísto̱, jamí naꞌnii̱ rí ga̱jma̱á majña̱ꞌ ikháánꞌlóꞌ ma̱dróꞌoo mbá xúgíí numbaa gisngáá drígo̱o̱ Krísto̱ xómá xu̱u̱ꞌ iya ndaa thawuun.
Ana̱ꞌlóꞌ naxnúu tsíga xa̱bo̱ tsí naꞌdu, jamí naꞌnii̱ rí ma̱ri̱gá guma kajngó ma̱kuiꞌtsii̱. Ikhaa̱ máꞌ maxnálaꞌ mbá xúgíí tsíga rí ndaꞌyóo mu̱dulaꞌ mangáanꞌlaꞌ, xúꞌkhue̱n máꞌ ma̱ꞌnii̱ rí mba̱ꞌya ne̱, kajngó phú ma̱jma̱a̱ rí máján gúne̱laꞌ. Xkuaꞌnii kajngó ma̱guaꞌdáálaꞌ mbá xúgíí inii rí máján, kajngó ma̱goo mu̱xna̱laꞌ mba̱a̱ rí guáꞌdáálaꞌ. Ído̱ rí ikháanꞌxo̱ꞌ mu̱ꞌguá ju̱ya̱ꞌxo̱ꞌ mbúkha̱a̱ rí mu̱wa̱a gúne̱laꞌ, phú mbaꞌiin a̱ngia̱nꞌlóꞌ mu̱rígu̱u gamaku inuu Ana̱ꞌlóꞌ.
Gu̱tha̱n-míjnálaꞌ ga̱jma̱á ajmúú rí na̱ꞌkha̱ ná i̱yi̱i̱ꞌ ajngóo Ana̱ꞌlóꞌ, xúꞌkhue̱n máꞌ ga̱jma̱á ajmúú rí naꞌne-mba̱a̱ Ana̱ꞌlóꞌ jamí ajmúú rí mambáyúu nímia̱ꞌlaꞌ. Gu̱sianlaꞌ ajmúú, jamí gu̱ne̱-mba̱a̱laꞌ Táta̱ ga̱jma̱á mbá jañii a̱kia̱nꞌlaꞌ. Jámba̱ miꞌtsú gu̱rígu̱ulaꞌ gamaku ná inuu Ana̱ꞌlóꞌ Mikhuíí ga̱jma̱á numuu mbá xúgíí, ga̱jma̱á majñu̱u̱ Tátiálóꞌ Jesukrísto̱.
Gu̱ni̱ꞌñá-mijnálaꞌ rí mu̱tha̱n-ñájun-mijnálaꞌ, ga̱jma̱á numuu rí ndu̱ya̱-makuíílaꞌ Krísto̱.
A̱ꞌkhue̱n niguatuun Jesús rí mbá witsu guma jamí nájmi̱i i̱gi̱ꞌ, niyaxi̱i̱ mikhuíí, jamí niríguu̱ la gamaku inuu Ana̱ꞌlóꞌ. A̱ꞌkhue̱n nixpíꞌthángaa̱ guma, jamí nixnúu̱ tsí naꞌsngúu̱n rí mu̱xpi̱ꞌtha̱-raꞌee̱ ne̱ ná inúú xa̱bo̱. Mangaa máꞌ niwiꞌthá-raꞌiin nájmi̱i i̱gi̱ꞌ mu̱phu̱ún mbá xúgíin xa̱bo̱. Mbá xúgíin xa̱bo̱ nipeꞌtso asndo ni̱gi̱ꞌmúú. A̱ꞌkhue̱n tsí naꞌsngúún Jesús ni̱gímbúu mbá gu̱wa̱ꞌ i̱jma̱ (12) ixtu gatíí xkuꞌxí rí nipíduun guma jamí i̱gi̱ꞌ.