Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
E bizir bar angamɨra itiba,
e bar Ikiavɨra Itir Godɨn ziam fam.
E bar Ikiavɨra Itir Godɨn ziam fam!
Aleluia!
Ikiavɨra Itir God, men akurvazima, me an ziam fe
E bar Ikiavɨra Itir Godɨn ziam feka!
Kɨ uan navir averiamɨn aven uabɨra uabɨ mɨgɨa ghaze,
kɨ Ikiavɨra Itir Godɨn ziam fam!
Nan dughiar kɨ nguazimɨn ikiamimɨn, kɨ an ziam fam.
Kɨ ighiaba bangɨ an ziam fɨ kamaghɨra ikɨ,
mangɨ uan ovevem batogham.
Guizbangɨra, nɨ nan mɨkarzimɨn ingarir dughiam,
nɨ nan amebamɨn navir averiamɨn aven bar nan ingarizɨ,
nan mɨkarzim bar moghɨra iti.
Nɨ nan mɨkarzimɨn ingari,
ezɨ nan mɨkarzim bar deragha igharagha gari.
Kamaghɨn kɨ nɨn ziam fe.
Bizir nɨ ingariziba, da bar dera,
ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
Kɨ uan amebamɨn navir averiamɨn aven modoghav ikia nɨmɨram irivima,
nɨ nan agharibar garima da ekɨva uari isavsuiki.
Nan amebam tɨghar na batamin dughiam,
nɨ faragha nan ganigha gɨfa.
Bar fomɨra, kɨ tɨghar nguazimɨn otivam,
kɨ nguazir kamɨn ikiasa nɨ ifongezɨ moghɨn dughiaba nɨ da osirigha gɨfa.
Kɨ angamɨra itir dughiar kam
kɨ Ikiavɨra Itir Godɨn ziam fam.
Kɨ Ikiavɨra Itir God bagh ighiabar amu,
egh an ziam pɨrafegh gɨn ovengam.
A na gamima, kɨ bar akonge.
Kɨ kamaghsua ifonge,
a nan onger akabagh ifuegham.
Ia kamaghɨn fogh,
Ikiavɨra Itir God a guizbangɨra God.
A uabɨ en ingarizɨma e an adarazira.
E an gumazamiziba,
egha an sipsipbar mɨn iti.
E an Dɨpenimɨn aven mangɨ
an ziam fɨva a mɨnamam.
E a mɨnabagh
an ziar ekiam bar a pɨrafam.
O God, nɨn apangkuvir arazim bar derazɨ e bar a gifonge.
Gumazamiziba bar ghua nɨn aven modi.
Mati tuarir nguziba uan amebamɨn avɨzimningɨn apengan ghua modi.
Nɨn Dɨpenimɨn dagher avɨriba itima,
nɨn gumazamiziba apa izɨvagha mamaghɨra iti.
Mati nɨ uan faner aghuimɨn gumazamizibar amamangatɨzɨ, me anepi moghɨn,
nɨ bizir aghuir bar avɨriba e ganɨdi.
Biziba bar, nɨ dar ikɨrɨmɨrimɨn mɨngarim,
mati dɨpar ikɨrɨmɨrir aghuim anɨdim.
Kamaghɨn, nɨn angazangarimɨn amodoghɨn,
e deravɨra bizibar gari.
Gumazir mam God mɨnaba a ko mɨgei
O Ikiavɨra Itir God, nan osɨmtɨziba na abɨrazɨ,
nɨ ua na fegha anabogha nan akura.
Egha nan apaniba ataghizɨ me na dɨpovezir puvatɨ.
Kamaghɨn amizɨ, kɨ bizir kam bagha bar akuegha nɨn ziam fe.
O Ikiavɨra Itir God, nɨ nan God,
kɨ uabɨn akurvaghasa nɨn dei,
ezɨ nɨ nan arɨmariam gamizɨ kɨ ua dera.
O Ikiavɨra Itir God, kɨ atam aremeghai, ezɨ nɨ na gamizɨ kɨ ua dɨkafi.
Kɨ Gumazamizir Oveaghuezibar Nguibamɨn ghugha gɨfa.
Ezɨ ikɨrɨmɨrir kɨ itir kam, nɨ ua na ganɨngi.
Gumazim Godɨn guizɨn arazir bagha a mɨnabi
O God, kɨ uan navir averiamɨn nɨ mɨnabaghasa.
Kɨ nɨ amir ingangarir aghuir kaba bagh gumazamizibav kɨmasa.
Kɨ nɨ gɨnɨghnɨgh nɨ bagh ongɨ
bar akuegham.
O Godɨn Bar Pɨn Itim, kɨ nɨ bagh ongɨ
egh ziar ekiam nɨ danɨngam.
Egh ia zurara, en Ekiam Krais Iesusɨn ziamɨn, bizir otiviba bar, da bagh God Afeziam mɨnabɨ.
E Krais Iesusɨn poroghav itima, God uan Nguibamɨn itir bizir aghuiba bar da isava e ganɨdi
E Krais Iesusɨn poroghav iti, ezɨ tuavir kamɨn God deravɨra e gamua en duabar akurvaghasa uan Nguibamɨn otivir bizir aghuiba e ganɨdi. Kamaghɨn, e God mɨnamam, a en Ekiam Krais Iesusɨn Afeziam ko an God.
Bizir aghuir God e ganɨngizim, a guizbangɨra bar ekefe, ezɨ e a mɨkɨmamin akabagh asa. E pura bizir ekiar kam bagh God mɨnamam!
Ezɨ ga kamaghɨn God ko mɨgei, an gavgavir ekiar aghuimɨn, God gavgaviba bar ia danɨngtɨ, ia tuivigh gavgavigh osɨmtɨziba ateram, egh aghumra ikɨva osɨmtɨziba gɨvaghamin dughiam mɨzuam. Egh ia bar akueghɨva, en Afeziam mɨnabagh. A ia gamizɨma ia arazir aghuibar gɨn zui, egh bizir aghuir a ia bagha mɨseveziba iniam. Ia Godɨn gumazamiziba ko da iniam, kar Godɨn Nguibamɨn angazangarimɨn aven itir darasi. Faragha mɨtarmemɨn gavgavim e ikezɨma e an apengan itima, God en akuragha e inigha uan Otarimɨn gavgavimɨn apengan e atɨzɨ an en Atrivim iti, Otarir kam a bar a gifonge. God uan Otarimɨn ingangarimɨn e gamizɨ e fɨriaghɨre, egha tuavir kamra an en arazir kuraba gɨn amada.
Pol Kraisɨn araziba ko an ingangaribar gun mɨgei
E Godɨn ganighan kogham, ezɨ Krais an mɨrara gari. Krais an Otarir ivariam, a God ingarizir bizir kaba bar dar dapanim. Ezɨ Kraisɨn agharimɨn, God uan nguibamɨn itir biziba ko nguazimɨn itir biziba bar dar ingari. Kar bizir e gariba ko garir puvatɨziba, da enselɨn gavgaviba ko duar gavgaviba ko aseba ko adariaba, ko bizir gavgaviba itiba. God Krais ko, aning bizir kaba bar dagh amizɨ, da bar Krais baghavɨra iti. Ezɨ bizir kaba tɨghar otivam, Krais fomɨra iti. Egha a biziba bar dagh amima da deravɨra uari isasuigha bar deravɨra ingari.
Egh bizir ia damasa ifongeziba, ia bar ada iniam. Egh ia Ikiavɨra Itir God, ian God, kantrin aghuir a ia ganɨngizir kam bagh an ziam fɨ a mɨnabam."
Vezir bar kuram, kɨ a ini. O Ekiam, nɨ nan akuragha apaniba abɨra.
Nɨ ua na inizɨ kɨ deragha iti.
O Ikiavɨra Itir God, nɨ jasɨn mɨn nan garima, gumazir kaba arazir kurar avɨribar na gami.
Ga uaning! Nɨ tong nan akuragh arazir aghuibar na damu.
Ekiam, nɨ fo, me nan apanim gamua na dɨpova kamaghɨra iti.
Me arazir kurabar na damuasa nɨghnɨgha mɨgɨrɨgɨar kurabar na gami.
Me zurara dughiabar sighsɨzir akaba ko imobir akabar na gamua,
egha na mɨsoghasa na bagha tuaviba buria akabav sosi.
Nɨ ganam, me managh dapiaghɨv ikiam, o me dɨkavigh managh mangam,
me dughiabar zurara na dɨghora dɨbovir onger akabagh ami.
Kɨ ongarimɨn itir mɨghsɨaba bar dar apengan iraghu.
Danganir kurar kam bar nan suiragha bar na ikiagharɨki.
Ezɨ Ikiavɨra Itir God, nɨ nan God, nɨ uam na ini.
Ezɨ kɨ danganir kuram ategha angamɨra nɨ ko iti.
Ekiam, kɨ ovengamin moghɨn uabɨ gɨnɨghnɨgha,
egha nɨ gɨnɨghnɨsi.
Kɨ nɨ ko mɨgeir mɨgɨrɨgɨar kam nɨn Dɨpenir ekiar zuezimɨn nɨ batozɨ,
nɨ na baraki.