Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
सारे प्राणी प्रभुए री स्तुति करो!
प्रभुए री स्तुति करो!
उद्धार करने वाल़े परमेशरो री स्तुति
प्रभुए री स्तुति करो।
ओ मेरे मन प्रभुए री स्तुति कर!
मां पूरी जिन्दगी प्रभुए री स्तुति करदे रणा;
जदुए तक आऊँ जिऊँदा रणा,
तदुए तक मां आपणे परमेशरो रा पजन गांदे रणा।
मेरे मनो रा स्वामी तो तूँई ए,
मेरिया माया रे गर्भो रे तैंई आँऊ बणाई राखेया।
मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।
तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।
जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,
जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,
तेरिये आखी मेरा बांगा-टेडा शरीर बणदा देखेया
ओर मेरे सारे अंग जो हर दिन बणदे जाओ थे,
सेयो रचे जाणे ते पईले, तेरिया कताबा रे लिखी राखे थे।
जदुए तक आँऊ जिऊँदा ए, मां प्रभुए रिया तँईं गीत गांदे रणा,
जदुए तक आऊँ बणेया रा रणा तदुए तक मां आपणे परमेशरो रा पजन गांदे रणा।
मेरा त्यान करना प्रभुए खे प्यारा लगो,
कऊँकि आऊँ तो प्रभुए रिया बजा ते खुश रणा।
पक्का जाणी लओ कि प्रभु ई परमेशर ए।
प्रभुए ई आसे बणाए ओर आसे तेसरे ईए;
आसे तेसरी प्रजा रे लोक ओर तेसरी चराईया रिया पेडा ए।
तेसरे मईलो रे तन्यवाद ओर तेसरे आँगणो रे स्तुति करदे ऊए आओ,
तेसरी सराईणा करो ओर तेसरे नाओं खे तन्य बोलो!
ओ परमेशर, तेरी करूणा कितणी कीमती ए!
माणूं तेरे पंखा रिया छाया रे शरण लओए।
सेयो तेरे मईलो रे चिकणे खाणे ते रजणे,
ओर तां आपणी सुखो री नदिया ते तिना खे पाणी पल़्याणा।
कऊँकि जिन्दगिया री सूबल़ तांगे ईए;
तेरी जोतिया रे जरिए आसा खे प्रयासा मिलणा।
तन्यवादो री प्रार्थना
ओ प्रभु, मां तेरी सराईणा करनी,
कऊँकि तैं आऊँ गईराईया ते खींजी की ऊबे निकयाल़ी राखेया
ओर मेरे दुश्मणा खे मां पाँदे खुशी नि मनाणे दित्ती।
ओ मेरे प्रभु परमेशर,
आऊँ तेरिया मतादा रिया तँईं रोया ओर तैं आऊँ तन्दरूस्त करिता।
ओ प्रभु, जेबे आऊँ मरने ई वाल़ा था तो तैं आऊँ बचाई ला।
आऊँ लगभग मरी गया था, पर तैं माखे ठीक ऊणे दे मताद कित्ती।
परमेशरो रे न्याय रिया तँईं तन्यवादो रा पजन
ओ प्रभु परमेशर, मां आपणे पूरे मनो ते तेरा तन्यवाद करना;
मां तेरे सारे अचम्बे रे कामो रा बखाण करना।
मां तेरी बजा ते खुश ऊणा,
ओ परमपरदान परमेशर, मां तेरे नाओं रा पजन गाणा।
सदा सब गल्ला खे म्हारे प्रभु यीशु मसीह रे नाओं ते परमेशर पिते रा धन्यवाद करदे रओ।
मसीह रे आत्मिक आशीषा
म्हारे प्रभु यीशु मसीह रे पिता परमेशरो रा धन्यवाद ओ कि तिने आसा खे मसीह रे स्वर्गो री जगा रे सब प्रकारा री आत्मिक आशीषा ते आशीषित करी राखेया।
परमेशरो रा तेसरे तेस दानो खे जो कईणे ते बारे ए, धन्यवाद ओ।
तुसे लोक पिता परमेशरो रा धन्यवाद करदे रओ, जिने आसे एते जोगे बणाए कि स्वर्गो रे राज्य रे परमेशरो रे लोका साथे जायदाता रे बराबर इस्सेदार ओऊँ। कऊँकि परमेशरे ई आसे शैतानो रे वशो ते छुड़ाई कि आपणे प्यारे पुत्रो रे राज्य रे प्रवेश करवाया। आसा खे तिदे ई छुटकारा मतलब पापो री माफी मिलोई।
मसीह री प्रदानता और तिना रे काम
मसीह ना दिशणे वाल़े परमेशरो रा दिशणे वाल़ा प्रतिरूप ए। से सब चीजा बणने ते पईले ई मौजूद ए और से परमेशरो री बणाई री सारी सृष्टिया पाँदे प्रदान अधिकारी ए। कऊँकि तेसदे ई सारिया चीजा री सृष्टि ऊई। सब कुछ चाए से स्वर्गो री ओ या तरतिया री, देखी री या बिना देखी री, क्या सिंहासन, क्या राज करने वाल़े, क्या प्रदानगिरी, क्या अक्क, सारी चीजा तेसरे ई जरिए और तेसरिया ई खातर बणाई राखिया। मसीह सब चीजा बणने ते पईले ई मौजुद था और सब चीजा तेसरी ई इच्छा रे मुताबिक मिली की काम करदी रओईया।
तां पेट परी की खाणा जदुओ तक तूँ रज्जी नि जाए ओर तेस बऊत ई पजणे वाल़े प्रदेशो रिया बजअ ते जो तेरे परमेशर यहोवे ताखे देणा, तेसरा तन्यवाद करना।
ओ यहोवा, तैं मेरा मुकद्दमा लड़ी की मेरे प्राण बचाई ले रे।
आऊँ पाह्ड़ो री जड़ा तक डूबी गा था। आऊँ जमीना दे कैद था, जेते रे द्वार सदा खे बन्द ऊईगे थे। तेबे बी ओ मेरे परमेशर यहोवा, तैं आऊँ मौता रे मुंए ते छुड़ाया। जेबे आऊँ मरने ई वाल़ा था, तेबे मैं तूँ याद कित्तेया, प्रभु। मेरी प्रार्थना तां तक पऊँची। ये स्वर्गो दे तेरे पवित्र मन्दरो दे तां तँईं खे पऊँची गी।