Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Chila chilumbigwe chiwele chikomu chimtogole Mkulu Nguluwi.
Mumtogole Mkulu Nguluwi.
Lutogo kwa Nguluwi mlohozi
Mumtogole Mkulu Nguluwi.
Umtogole Mkulu Nguluwi, gwa nhumbula ya heni.
Ndomtogola Mkulu Nguluwi kuli ukomu wa heni weng’ha,
ndomwimbila Nguluwi wa heni mhela weng’ha hondichikala.
Hegwe nakundita heni, nhumbula na muhe,
nakungongomanya mmunda mwa mayangu.
Ndangukutogola kwa vila nditigwa kwa kububuwaza na vinduzanduza,
madito ga hegwe ndo ga kububuwaza,
nhumbula ya heni yangugazela ng’hatu.
Lukuli lwa heni haluvisigwe kwa hegwe,
vyounditile kwa uviso, honhu hawele munhu hawezile kumbona.
Hegwe nakumbona lombele nding’hali kupondigwa,
nakwandika chila chinhu mchitabu cha hegwe,
mazuwa ga heni geng’ha nakugawika goya,
mbaka kung’hali kuwa baho zuwa lila lya mwaluko.
Ndomwimbila Mkulu Nguluwi kuli ukomu wa heni weng’ha,
ndomtogola Nguluwi wa heni mhela weng’ha hondichikala.
Gwa Mkulu Nguluwi, unojezwe na aga majesa ga heni,
kwa vila kusangalala kwa heni kwangulawa kwa hegwe.
Mvizele kota Mkulu Nguluwi ndo Nguluwi.
Heye ndo yatulumbile, natwe twa wa heye,
hetwe ndo wanhu wa heye, ndo ming’holo hali honhu ha heye ha kudimila.
Mkole hali lwizi lwa ng’handa ya heye kwa kulonga malumbo,
mwinjile kuli lugagala lwake kwa lutogo,
mlonje malumbo Nguluwi na kulitogola itagwa lyake.
Gwa Nguluwi, ndaze vyoliwele linojile igano lya hegwe lya kwimilila?
Wanhu wangubilimilaga kuli lubehelo lwa mbawa za hegwe.
Kwanguwagutiza kwa lufufu lwa ng’handa ya hegwe,
kwanguwanweza kulawa kuli lwanda lwa kunoga kwa hegwe.
Hegwe ndo mwaluko wa ukomu,
kwa lumuli lwa hegwe, twangona lumuli.
Kulanda kwa kulonga malumbo
Gwa Mkulu Nguluwi, ndangukutogola kwa vila nakunyinula kulawa kuli ikulubila,
huwalechile wang’honyo wa heni wasangalale kwa kusumya heni.
Gwa Mkulu Nguluwi, Nguluwi wa heni,
nandikulilila unhanze, nagwe nakumhonya.
Gwa Mkulu Nguluwi, nakundohola kulawa kuli isi ya wabagame,
nakumha kahi heni ukomu,
nakundavya hali walinguluta kuli vilaga.
Kulonga malumbo kwa Nguluwi
Ndolonga malumbo kwa Mkulu Nguluwi kwa nhumbula ya heni yeng’ha,
ndogasimila madito ga hegwe ga kububuwaza.
Ndosangalala na kutowa luchenze kwa chiwalo cha hegwe,
ndolimbila lutogo itagwa lya hegwe, gwa Nguluwi Uwele Kuchanya.
Mazuwa geng’ha mumtogole Nguluwi Mhaza, kwa itagwa lya Mkulu wa hetwe Yesu Kilistu.
Utambichizo wa Chimuhe
Yatogoligwe Nguluwi na Mhaza wa Mkulu wa hetwe Yesu Kilistu! Kwa vila kuli kilumba na Kilistu nakatutambichiza kwa kutugalila utambichizo wa Chimuhe kilanga.
Tumtogole Nguluwi kwa chiwalo cha ndolendole ya heye ipulute ng’hatu.
na kulonga malumbo kwa Mhaza, yawaditile hemwe mkundigwe kubochela mbuli zila ziwele nakawawichila wanhu wa heye kuli undewa wa lumuli. Nguluwi nakatulohola kuli ludali lwa jiza, na kutwinjiza kuli undewa wa Mwanage yamganile. Kwa heye twangugomboligwa, kwa vila twangusilwa gehile ga hetwe.
Ukulu wa Kilistu na mijito ya heye
Kilistu kangiwhana na Nguluwi, halingoneka,
heye nayali baha kung’hali vinhu vyeng’ha kulumbigwa.
Kwa vila kwa heye vinhu vyeng’ha navilumbigwa,
chila chinhu muisi na kilanga,
vinhu vilingoneka na havilingoneka,
wone iwe wandewa, vilongozi, wakulu na wawele na mong’ho.
Vyeng’ha navilumbigwa kwa kukolela heye na kwa chiwalo cha heye.
Heye nayalibaha kung’hali lumbigwa kwa vinhu vyeng’ha,
kwa kilumba na Kilistu, vinhu vyeng’ha navilutilila kuwa kuli honhu hake.
Molya na kiguta, momtogola Mkulu Nguluwi, Nguluwi wa hemwe, kwa isi inojile yoyawapele.
Nandulika kuli misisi ja vidunda,
kuli isi iwele lwizi jake najihindigwa mazuwa gose.
Ila hegwe, gwa Mkulu Nguluwi, Nguluwi wa heni,
nakunyhilusila ukomu kulawa ako kuli ikulubila.
Muhe wa heni lowaluche kundeka,
nandikulanda, gwa Mkulu Nguluwi,
kulanda kwa heni nakukufichila,
kuli ng’handa ya hegwe yelile.