6 ሸምፖራ ደእያ ኡባይ

ጎዳ ጋላትተ!

ጎዳይ ጋላተቶ!

1 ጎዳ ጋላትተ!

ታ ሸምፐ ጎዳ ጋላታ!

2 ታ ደኦ ላይ ኡባን ጎዳ ጋላታና፤

ታ ደእዳ ዎደ ኡባን ታ ፆሳ ሳባና።

13 ኔኒ ታ ግዶ አሳተ መዳሳ፤

ታ አየ ኡሎን ታና ኔኒ ትላዳሳ።

14 ኔኒ ታና ማላልስያባነ

የገልስ ኦዳ መዳ ግሾ፥

ታኒ ነና ጋላታይስ።

ነ ኦሶት ማላልሴስ!

ታኒ ሄሳ ሎይዳ ኤራይስ።

15 ታኒ ጌማ በሳን መትያ ዎደ፥

ታ መቀይ ኔፐ ጌምቤና።

ታ አሳተይ ታ አየ ኡሎን ጪሞ ግዶን

ሂላን አሌቀትድ ኦሰትያ ዎደ፥

16 ነ አይፈት ጊጎና ታ አሳተ በእዶሶና።

ቡሮ እሶይካ ዶመቶና ደእሽን፥

ነ ታዉ ቡዞይዳ ጋላሳ ኡባይ

ነ ማዝጋበን ፃፈትዶሶና።

33 ታ ደኦ ላይ ኡባን ጎዳስ የፃና፤

ታ ፓፃ ደእያ ዎደ ኡባን ታ ፆሳ ዛማራና።

34 ታኒ ጎዳን ኡፋይትያ ግሾ፥

ታ ቆፋይ እያ ኡፋይሶ።

3 ጎዳይ ፆሰ ግደይሳ ኤርተ፤

ኑና መዳይ እያ፤ ኑ እያባ፤

ኑኒ እያ አሰነ እያ ቆሮን ሄመትያ ዶርሳታ።

4 እያ ፐንግያ ጋላታራ ገልተ፥

እያ ዳባባ ሳባራ ቢተ፤

እያ ጋላትተነ እያ ሱን አንጅተ።

7 ፆሳዉ፥ ነ ሲቆይ አይ መላ አልኦ!

አሳይ ነ ቀፍያ ጋርሳን ቆሰትድ አቴስ።

8 ኤንቲ ነ ግብራፐ ምድ ካሎሶና፤

ነ ኬሀተ ሻፋፐ ኡይድ አሎሶና።

9 ደኦ ፑልቶይ ኔፐ ከዬስ፤

ነ ፖኡዋን ኑኒ ፖኦ በኦስ።

1 አቤት ጎዳዉ፥ ነ ታና ኦላፈ ከስዳ ግሾነ

ታ ሞርከት ኡፋይቶና መላ ኦዳ ግሾ፥

ታ ነና ቁ ቁ ኦና።

2 አቤት ጎዳዉ፥ ታ ፆሳዉ ታና ማዳና መላ፥

ታ ነና ፄግን ነ ታና ፓዳሳ።

3 አቤት ጎዳዉ፥ ዱፎ ገሎናዳ ታና ናጋዳሳ፤

ኦላን ዎናዳ ታና ፓፃ አሻዳሳ።

1 አቤት ጎዳዉ፥ ታ ነና ታ ኩመ ዎዛናፐ ጋላታና፤

ኔኒ ኦዳ ማላልስያ ኦሶ ኡባ ኦዳና።

2 ታኒ ነናን ኡፋይታና ሀሹ ጋና።

ኡባፈ ቃ ፆሳዉ፥

ታኒ ነ ሱንስ ጋላታ ማዝሙረ የፃና።

20 ኑ ጎዳ የሱስ ክርስቶሳ ሱንን ኡባ ዎደ ፆሳ አዋ ኡባባስ ጋላትተ።

3 ሳሎን ደእያ አያና አንጆ ኡባን ክርስቶሳ ባጋራ ኑና አንጅዳ፥ ኑ ጎዳ የሱስ ክርስቶሳ አዋይ፥ ፆሳይ ጋላተቶ።

15 ዛው ባይና ፆሳ እሙዋስ ፆሳይ ጋላተቶ።

12 ቃስ ጌሻታ ፖኦ ካዎተ ላታና መላ ህንተና ኦዳ አዋ ጋላትተ። 13 እ ኑና ማ ዎልቃፈ አሽድ ባ ዶስያ ናኣ ካዎተኮ ኤህስ። 14 እያን ዎዘትድ እያ ሱን ናጋራ አቶተ ደምዳ።✝

15 ክርስቶስ በንቶና ፆሳስ ቱማ ሌምሶ። እ መተ ኡባፈ ባይራ። 16 ኡባባይ እያ ባጋራ መትስ። በንትያባትነ በንቶናባት፥ ዎልቃትነ ጎዳት፥ ሃረይሳትነ ማታ አዋት፥ ሳሎንነ ሳአን ደእያ ኡባይ እያዉነ እያ ባጋራ መትስ። 17 እ ኡባባፐ ካሰ ደኤስ። ኡባባይ እያን ባ በሳን በሳን ኦይከትድ ደኤስ።

10 ነ ማዳ ካልዳ ዎደ ነው እ እምዳ ሎኦ ቢታ ግሾ፥ ጎዳ ነ ፆሳ ጋላታ።

58 አቤት ጎዳዉ ነ ታ ሞቱዋ ሞተታዳ ታና ዎዛዳሳ።

6 ታኒ ሃ ጋርሳን ደእያ ደረታ ባሱዋ ጋካዳ ምተታስ፥

ቢታ ዉላይ መርናዉ ታ ቦላ ጎርደትስ፥

ሽን ታ ጎዳዉ ፆሳዉ፥ ኔኒ ታ ሸምፕዉ ኢታ ኦላፈ ከሳዳሳ።

7 ታ ሸምፕያ ዶጭዳ ዎደ፥

ጎዳዉ ታ ነና ቆፓስ፤

ታ ዎሳይ ኔኮ ነ ጌሻ ኬ ጋክስ።