Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Gayed mayu pasalamatan ya Tyumanem na yan ya Ama, magi sa ngalan ni Jisu-Kristu na kanaten Matas na Pangulu, asuntu sa kadég na nyadawat mayu.
Ya manga kadyawan na lekat adti Tyumanem
Naten deyen ya Tyumanem na yan ya Ama na kanaten Matas na Pangulu na si Jisu-Kristu. Kay dun ni pagpakasambuk tadun kan Kristu, pig-atagan kitadun na Tyumanem na madég na kadyawan magi sa Ispiritu Santo, aw alag saba yeiy lekat adti tas na langit.
Yanagaw naten pasalamatan ya Tyumanem asuntu sa manga kadyawan na pig-atag nan na walaꞌ ya maka-unawa.
Padelega mayu ya pagpasalamat sa kanaten Ama na yan ya Tyumanem, kay yan ya mig-imoꞌ kamayu umbaꞌ na makatagtun sa pigtagilan da nan sa mangintu-uway na awun da ni kalalamdag. Kay pigpaluwaꞌ da kitadun nan lekat adti kangitngitan na pigdumala͡an ni Satanas, aw dayaw nan pigpaligenaꞌ adti Kasakupan na kanan Iseꞌ na si Jisu-Kristu na to-o nan pigginawa͡an. Magi sa Iseꞌ nan, piglekat da kitadun aw piglanas da nan ya manga salaꞌ tadun.
Ya pagka Tyumanem ni Kristu aw ya pigpan-imoꞌ nan
Na, diliꞌ pagkita-en ya Tyumanem, manang dun ni kanan Iseꞌ na si Kristu ka-ede-i ya bet nan. Sa walaꞌ pa imo-a na Tyumanem ya kadakulaꞌ na banwa, dun da si Kristu aw yan ya to-o matas kay sa kadég na pig-imoꞌ na Tyumanem. Kay magi saba kanan pig-imoꞌ ya kadég na awun ni langit aw ya asini tas na lupaꞌ, dala ya manga pagkita-en aw ya diliꞌ pagkita-en, pangkay ya manga anghil aw ya manga kasakupan nilan aw manga migdumala dun ni kanilan, alag pig-imoꞌ ni Kristu, yanagaw deyen sakanan na kadég. Sa walaꞌ pa imo-a ya kadég, dun da dadan si Kristu. Aw magi kanan dayaw nyapaligenaꞌ ya kadég, yanagaw migpadeleg taman adun.