Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
E zä mərshe alɔnɔ̂ kə ətshə ə̂në tshə sə tə Abä də Ndjapä kɔ mbrə aərə nɔ̂ də əɨrɨ Âgbɔ̂ Əyïngerə nə̂ əzə̂ də Jezu Kristə nə.
Aə̂rɔ̂ aərə ə̂në Ndjapä mbrə̂ kə əzə̂ lə Kristə kɔ
A tɔ̈lɔ Ndjapä, Abä Âgbɔ̂ Əyïngerə nə̂ əzə̂ də Jezu Kristə! Tshə kô aə̂rɔ̂ aərə Yîrə̂ nə̂ ye kə əzə̂, ə̂në ə tô mâ lafɔ kɔ lə Kristə nə gâ ye kɔ.
A zä mərshe kə Ndjapä mbrə âkrâ nə̂ ye nə ə̂në ə̈bə̈ ərə kə lï də nə sə sə je ne kɔ!
Də ə̂rû tə̂ lɔsu e, e zä mərshe kə Abä ə̂në tshə mbrə̂ e tə azü ə̂në e lï ndə kə pa e sɔtə̂ aə̂rɔ̂ aərə ə̂në tshə bâta mbrə azü nə̂ ye lə Əgɔngerə ə̂yîtshe gâ ye kɔ. Ndjapä nə djɔ̂ əzə̂ tshekudu awlra əbutshe gâ ye â kô əzə̂ ə rô də əzə̂ gâ lə əgɔngerə nə̂ Ɨrɨ nə ə̂në tshə yində ye rô pâ nə kɔ gâ ye. Tə̂ äwä Ɨrɨ nə səkɔ də̂ tshə djɔ̂ əzə̂ lə əmbrʉ ərə gâ ye â gbâ tshelə anyaka lə kumu əzə̂ gâ ye kɔ.
Kristə sə gâ pâ aərə prââ
Kristə nə sə tə foto Ndjapä ə̂në əzü bale wu ətshə wu ne kɔ. Tshə sə tə yiya lə aərə nɔ̂ ə̂në Ndjapä mbrə̂ gâ ye kɔ. Mbrə ə̂në tə̂ äwä ye də̂ Ndjapä mbrə̂ aərə nɔ̂ ə̂në ə sə mâ lafɔ â sə ndje pâ ashɔ kɔ, aərə ə̂në azü wu ə wu kɔ də aərə ə̂në azü wu wu ne kɔ, ambata ngerə də angerə, aawlra gâ ndə ayirə̂ ə̂në əndje za ama kɔ. Tə̂ äwä ye, ndje mbrə ətshə də̂ Ndjapä nə mbrə̂ aərə nɔ̂ kɔ. Tshə sə angbʉlînə je tə̂ aərə nɔ̂ â aərə nɔ̂ daka pə kpə mandânə tə̂ äwä ye.