Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
सास हुने हरेकले याहवेहको प्रशंसा गरून्!
याहवेहको प्रशंसा गर!
याहवेहको प्रशंसा गर! पदमा पनि
हे मेरो प्राण, याहवेहको प्रशंसा गर्!
म मेरो जीवनभरि याहवेहको प्रशंसा गर्नेछु;
म बाँचुन्जेल मेरा परमेश्वरको प्रशंसा गाउनेछु।
किनकि तपाईंले नै मेरो अन्तस्करण बनाउनुभयो;
तपाईंले मलाई मेरी आमाको गर्भमा बुन्नुभयो।
म तपाईंलाई प्रशंसा गर्दछु; किनकि म भयानक र अद्भुत तरिकाले बनिएको छु;
तपाईंका कार्यहरू अद्भुत छन्,
म त्यो राम्ररी जान्दछु।
मेरो आकार तपाईंबाट लुकेको थिएन,
जब म पृथ्वीको गहिराइमा रचिँदै थिएँ;
जब म अदृष्यमा बनिँदैथिएँ;
तब तपाईंका आँखाले मेरो नबनिएको त्यो शरीरलाई देखे;
मेरा निम्ति तोकिएका दिनहरू तपाईंको पुस्तकमा लेखिएका थिए;
तीमध्ये एउटै कुरा पनि अस्तित्वमा आउनअगि सबै लेखिएका थिए।
म मेरो जीवनभरि याहवेहको भजन गाइरहनेछु;
म बाँचुन्जेल परमेश्वरको प्रशंसा गाउनेछु।
जब म याहवेहमा आनन्दित हुन्छु;
मेरो ध्यान उहाँलाई मनपर्दो होस्।
याहवेह नै परमेश्वर हुनुहुन्छ भनी जान।
उहाँले हामीलाई बनाउनुभयो, र हामी उहाँकै हौँ;
हामी उहाँका प्रजा, र उहाँका खर्कका भेडाहरू हौँ।
धन्यवादसाथ उहाँका मूलढोकाहरूभित्र पस;
र प्रशंसा गर्दै उहाँका चोकहरूमा प्रवेश गर;
उहाँलाई धन्यवाद देओ, र उहाँको नामको प्रशंसा गर!
हे परमेश्वर, तपाईंको अचुक प्रेम कति अनमोलको छ!
मानव जातिहरूले तपाईंका पखेटाको छायामा शरण लिन्छन्।
तिनीहरू तपाईंका भवनको प्रशस्तताबाट भोज गर्छन्;
तपाईंको आनन्दको नदीबाट तिनीहरूलाई पिउन दिनुहुन्छ।
किनकि जीवनको स्रोत तपाईंसँग छ;
तपाईंको ज्योतिमा हामी उज्यालो देख्छौँ।
हे याहवेह, म तपाईंलाई उच्च पार्नेछु;
किनकि तपाईंले मलाई गहिराइबाट माथि उचाल्नुभएको छ,
र मेरा शत्रुहरूलाई ममाथि विजय हुन दिनुभएको छैन।
हे याहवेह, मेरा परमेश्वर, मैले तपाईंलाई सहायताको निम्ति पुकारेँ,
र तपाईंले मलाई निको पार्नुभयो।
हे याहवेह, तपाईंले मलाई पातालबाट माथि निकालेर ल्याउनुभएको छ;
तपाईंले मलाई चिहानमा जानदेखि बचाउनुभएको छ।
हे याहवेह, मेरो सारा हृदयले म तपाईंको प्रशंसा गर्नेछु;
तपाईंका सबै अचम्मका कामहरूको वर्णन म गर्नेछु।
म तपाईंमा रमाउनेछु र आनन्द मनाउनेछु;
हे सर्वोच्च परमेश्वर, तपाईंको नाममा म स्तुति गाउनेछु।
हाम्रा प्रभु येशू ख्रीष्टको नाममा परमेश्वर पितालाई सधैँ सबै कुराको निम्ति धन्यवाद चढाओ।
ख्रीष्टमा आत्मिक आशिष्हरू
हाम्रा प्रभु येशू ख्रीष्टका परमेश्वर र पिताको प्रशंसा होस्, जसले हामीलाई ख्रीष्टमा हरेक आत्मिक आशिष्ले स्वर्गीय स्थानहरूमा आशिष् दिनुभएको छ।
उहाँको वर्णन गर्न नसकिने वरदानका निम्ति परमेश्वरलाई धन्यवाद होस्!
ज्योतिको राज्यमा उहाँका पवित्र सन्तहरूको पैतृक-अधिकारमा तिमीहरूलाई सहभागीको योग्य तुल्याउनुहुने पितालाई आनन्दसाथ धन्यवाद चढाओ। किनकि उहाँले हामीलाई अन्धकारको राज्यबाट छुटाउनुभयो र उहाँले आफ्नो प्यारो पुत्रको राज्यमा ल्याउनुभयो, जसमा हाम्रो उद्धार छ, पापहरूको क्षमा छ।
ख्रीष्टको सर्वश्रेष्ठता
ख्रीष्ट अदृश्य परमेश्वरका प्रतिरूप, सारा सृष्टिमा ज्येष्ठ हुनुहुन्छ। किनकि उहाँमा नै सबै थोकहरू सृष्टि भएका थिए: स्वर्गमा र पृथ्वीमा भएका थोकहरू, देखिने र नदेखिने, सिंहासनहरू होस् वा शक्तिहरू वा शासकहरू वा अधिकारीहरू; सबै उहाँद्वारा र उहाँकै निम्ति सृष्टि गरिएका हुन्। उहाँ सबै थोकभन्दा अगाडि हुनुहुन्छ, र सबै थोक उहाँमा नै एकसाथ मिलेर रहेका छन्।
जब तिमीहरूले खाएर तृप्त हुन्छौ, तब याहवेह तिमीहरूका परमेश्वरले तिमीहरूलाई उत्तम देश दिनुभएको निम्ति उहाँलाई प्रशंसा गर।
हे प्रभु, तपाईंले मेरो मुद्दाहरू लिएर लड्नुभयो;
र तपाईंले मेरो जीवनको उद्धार गर्नुभयो।
म डुबेर तल पर्वतहरूका फेदसम्मै पुगेँ;
पृथ्वीले मलाई सदाको निम्ति थुनिदियो।
तर पनि तपाईंले, हे याहवेह मेरा परमेश्वर,
मेरो प्राणलाई खाल्डोबाट निकालेर ल्याउनुभयो।
"जब मेरो प्राण जानै लागेको थियो,
हे याहवेह, मैले तपाईंलाई सम्झेँ;
अनि मेरो प्रार्थना तपाईंकहाँ,
तपाईंको पवित्र मन्दिरसम्म पुग्यो।