Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Etɛɛ náá, za naasa mɛ, bi naadjɛ mɛ edee. Mɛ naagwak gwyes mɛdii, bi naadjɛ mɛ mɛdii. Mɛ nadi ɛ́ ndjoŋ, bi naamyaal mɛ tɔ mendjaa men dáa mɔn-nyɛɛg’en. Mɛ nadi ɛ́ ben toto, bi naabét mɛ. Mɛ naabɛ́, bi naagwom mɛ. Mɛ naani membok, bi naazyɛ zɛbee mɛ."
Deenek bot ɛ nakɛ tɔ epiki ɔ waabɔɔza nɛ nɛ náá: "Ghɛŋ! Yaa dwoo bis nabee wɔ nɛ za, da bis ɛ́ djɛ wɔ edee? Yaa dwoo wɔ nadi nɛ gwyes mɛdii, da bis ɛ́ djɛ wɔ mɛdii? Yaa dwoo wɔ nadi ndjoŋ, da bis ɛ́ djɛ wɔ di tɔ mendjaa mes? Yaa dwoo wɔ nadi ben toto, da bis ɛ́ bét wɔ? Yaa dwoo wɔ nadi ebɛ́, da bis ɛ́ zyɛ, zɛgwyák wɔ? Yaa dwoo wɔ nadi é membok, da bis ɛ́ zyɛ zɛbee wɔ?" Mɛkoozi kabɔɔza ɛ́ náá: "Mɛ lɛɛ bin ɛ́ etɛp e tsɛɛtsɛ náá, esonok djas bi di esa nɛ mot mɛsik tɔ bɔn-nyaagam ɛ, bi sa embɛɛ esa binek ɛ́ nɛ nam."
Gwyena nɛ mot di ewaab wɔ sonok ɔ. Yɛ bɛ mot eenɔɔ sa yɔ ɔɔ, sa wɔ ààkabaakɛdu.»
Yɛ ɛ́ deenek ɛ́ di egoka náá, mɛkas men nyen tɔ bot, étɛp bot neebee mɛnyɔ mɛ esesɛɛ bi di esa ɛ, étɛp bɛ needuwal Sɛɛg’en di tɔ gwoo ɔ.»
Gwyenaka nɛ bot. Deenek Zɛɛb ɛ́ waadjɛ bin ɛbuɛpe, lwoodal. Zɛɛb ɛ́ waaso tɔ boo bhwaŋ’en bɛtɛ nɛ bhum, nyɔmelaa, dital-dital, tɔɔɔ see. Hɛɛɛ! Zɛɛb bee ɛ́ dáa bi di elwoodal bhwaa bɛsɔ bin ɛ. Yɛ ɛ́ deenek ɛ́ nyɛ aalwoodal yebɔ bhwaa.»
Wɔ gwaa, bot moo tin edji nyɛ náá: «Bis goka nɛ ɛsa dáa?» Nyɛ ɛ́ boozɛbɔɔza nɛ nɔɔ náá: «Mot di nɛ ekuwa ebá ɔ, goka ɛ́ nɛ ɛgwyena wat, djɛ mot di ààbɛ nɛ yɛ ɔ. Bela náá, mot di nɛ edee e dek ɔ, nyɛ kaa nɛ bot ɛ́ di ààbɛ nɛ yɛ ɔ.»
Bɔmsaka ekum bin. Da bi ɛ́ kaa epata e tak nɛ bɛdjel ɛ bot. Saka mengwyɛ mɛ epata ee di ààgwyɛ ɛ. Kwomka ekum bin pɛ daa Zɛɛb pɛ yɛ aadi ààdiib ɛ. Penek, bot ɛ djii aanàkwaani kɛdjii yɛ, bɛsɛs aanàkwaagɔɔ yɛ. Saka deenek, etɛɛ náá, é di mot di ekwom ekum bɛ ɔ, lyem’ɛ di ɛ́ tin.»
Beeka yam ɛtiŋ: Gheekwyekwyɛlaka pak’en. Kwyɛlaka pak’en dáa mɛ di eboozyɛ nɛ ɛkwyɛl bin ɛ.
Boo mɛkwyɛla mɛ mot di egoka nɛ ɛlyaal ɛ, yɛ ɛ́ ɛdjɛ nyel’ɛ ɛmet étɛp bɛsɔ.
Mɛ nabɛ ɛ́, mɛ eelyaal bin náá, ye goka ɛ́ bi sa mɛsa étɛp bi neekwyee bɛdjel ɛ bot. Bi baataala etɛp ee Ghɛŋ Yezu nyɛy ɛmet nake náá: "Ɛgwyena mot sonok eedhaa ɛbela sonok nɛ mɛnyɔ!"»
Bhis yenek, Pɔl eezɛkwyit mɛboŋ si bɛ nɛ bɛnɔɔ, bɛ eezɛni edjaala. Bɔɔ djas moo tin edje, bhii tak, bɛ eezɛbeedal Pɔl tɔ mɛmbɔ mɔɔ, bɛ neemwana nɛ nɛ. Bɛ nadi ɛ́ nɛ boo goŋ tɔ elyem, etɛɛ náá, Pɔl naake náá, bɛ aanàkabaaboma nɛ nɛ. Bhii tak, bɛ eezɛtɔ́ kɛmwana nɛ nɛ pɛ mɛsuwa nadi ɛ.
Tin, kwyeeka bɔn-nyɛɛg bin bot ɛ na dɛɛ di tɔ pwom ɔ. Beka bot djas di esulal pɛ yebɔ ɛ ɛnyɔɛpe.
Menabɛlka bot ɛ di elyel tɔ ɛdum ɛ koŋ nɛ Zɛɛb ɔ, mena goka ɛ́, nɛ ɛdjɛ mɛghaaz nɛ bot ɛ di náá bɛ dinaa ààpalyel tɔ ɛdum ɛ koŋ nɛ Zɛɛb ɔ. Sa mena ààsaaka esa ee elyem bina di emyaala nɛ yɛ ɛ.
Kwyeelka pak’en, da bi ɛ́ bebɛpel mɛkɔm mɛ etɛp bin. Deenek ɛ, bi aakɛ dáa etsi e Klisto di elɛɛ ɛ.
Mot djii goka ɛ́ nɛ ɛkat ɛdjii. Nyɛ goka ɛ́ nɛ ɛsa mɛghaaz étɛp ɛsa embɛɛ mɛsa nɛ mɛmbɔ mɛ. Deenek, nyɛ ɛ́ nɛ ghwyil ɛkwyee bot ɛ di tɔ edjel ɔ.
Deenek, sa mot ààzokwyɛɛg nyel’ɛ nɛ nyel’ɛ met, ye nyɔ ɛ́ náá, nyɛ kwyɛɛg bɛsɔ bot.
Bɔn-nyɛɛg bam, yɛ ɛ́ étɛp yé mot aake náá: «Mɛ nɛ ɛdum ɛ koŋ nɛ Zɛɛb», nyɛ ɛ di ààtel yɛ tɔ mɛsa ɔɔ? Kɔkɔ mbi yenek ɛdum ɛ koŋ nɛ Zɛɛb ɛ nɛ ghwyil ɛtsik nyɛ? Tin, yɛ bɛ náá, bɔn-nyɛɛg bin tɔ Yezu Klisto tok nɛ kaad ɛbɔt, ààbɛ nɛ sa dek mɛlu djas ɔɔ, bi ɛ di ààdjɛ bɛ esa ee di egoka nɛ tsik ɔɔ, étɛp yé bi di elɛɛ nɛ nɔɔ náá: «Tɔ́ka tɔ egwyem, betka mɛnyel men ɛnyɔɛpe, da bi ɛ́ dɛ djil»? Yɛ ɛ́ yii toto. Yɛ ɛ́ tyee wat nɛ tɛp ɛdum koŋ nɛ Zɛɛb. Embɛɛ mɛsa ɛ di ààkɛ lɔɔg wat nɛ ɛdum ɛ koŋ nɛ Zɛɛb ɔɔ, yenek djas ɛ́ toto.
Tin, mot ɛ di nɛ mɛvu mɛ bɔs’ak, da nyɛ ɛ́ bee mɔn-nyɛɛg ezuk, nyɛy ààgek nyɛ ghoŋ ɔɔ, nyɛ aake náá, nyɛ nɛ kwyɛl Zɛɛb dáa?