Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Cã avui foami sh-nji deaditã ti mãcari, avui seati sh-nji deaditã ti beari, earam xen sh-mi priadunat, earam dizviscut sh-mi nviscut, earam lãndzit sh-voi mi vindicat, earam tu hapsi sh-vinitã la mini.’ Atumtsea ndreptsãlji va lji apãndiseascã: ‘Doamne, cãndu ti vidzum agiun sh-ti hrãnim, icã sitos shi s-deadimã ti beari? Sh-cãndu ti vidzum xen sh-ti priadunãm, icã dizviscut sh-ti nviscum? Sh-cãndu ti vidzum lãndzit icã tu hapsi sh-vinim la tini?’ Sh-Amirãlu apãndisi: ‘Dealihea ma vã dzãc: Di cãti ori lji-u-avets faptã aestã a vãrui di aeshti fratsi a melji ma njitsi, aestã nji-u featsit a njia.’
Dã-lji atsilui tsi ts-caftã, sh-nu arnisea s-lji dai atsilui tsi ts-caftã mprumutã.
Ashã s-lunjineadzã lunjina a voastrã nãintea a oaminjlor, tra s-veadã faptili a voastri atseali buni, shi s-mãreascã Tatãl a vostru tsi easti tu tseruri."
Dats sh-va vã si da. Unã mizurã bunã, ndisatã, scuturatã, mplinitã va s-vearsã tu poalã. Cu atsea mizurã tsi va misurats va vã s-misurã sh-a voauã."
Sh-multsãmea lu ntriba: "Ma noi tsi s-fãtsem?" Atumtsea elu lã dzãsi a lor: "Atsel tsi ari doauã tunitsi s-li partsã cu atsel tsi nu ari, sh-atsel tsi ari s-mãcã, ashã s-fãcã sh-elu."
Vindets ayishtearili a voastri sh-dats a niavutslor! Fãtsets trã voi pundzi tsi nu s-nvicljeadzã, unã ayishteari tu tseruri tsi nu va ascapã, iu furlu nu s-aproachi sh-molitsa nu u-aroadi. Cã aclo iu easti ayishtearea a voastrã, aclo va hibã sh-inima a voastrã."
Aestã easti dimãndarea a mea: S-vã vrets cu un-alantu, ashã cum mini vã am vrut voi.
Vãrã nu ari vreari ma mari di aestã: S-da bana trã oaspitslji a lui.
Tu itsido vã am aspusã cã, lucrãnda ahãntu multu, prindi s-agiutats lãndzitslji shi s-adutsem aminti zboarili a Domnului Isus, cai dzãsi: ‘Ma mari easti haraua s-dai dicãt s-ljeai!’" Shi, dupã tsi avea dzãsã aesti s-aplicã pri dzinuclji deadun cu elji shi s-rugã. Atumtsea tuts plãmsirã cu mari, lu ambrãtsisirã Pavlul sh-lu bãsharã. Elji simtsãrã multã dureari di zborlu tsi avea dzãsã, cã nu va l-videa ma fatsa a lui. Deapoea lu-dusirã la cãravi.
Agiutats tu ananghili a oaminjlor a Dumnidzãlui, urmats ghini-ashtiptarea.
Noi tsi him vãrtoshi prindi s-purtãm slãbintsa atsilor cai suntu slaghi shi s-nu cãftãm chefea a noastrã.
Tsãnets sartsinili a unui-alantu, sh-ashãtsi voi mplinits legea a Hristolui.
Atsel tsi ninga furii, s-nu furã ma, ma ghini s-lucreadzã, fãcãnda lucri buni cu mãnjili a lui, tra s-aibã tsiva trã dari atsilor tsi au ananghi.
S-nu mutreascã cathiunu intereslu a lui, ma sh-a alantsãlor.
Tsi bunã easti, frats sh-surãri a melji, macã un dzãtsi cã ari pisti, ma nu ari fapti? Poati elu s-ascapã cu aestã pisti? Sh-macã un frati icã unã sorã va hibã disvãscuts shi lipseashti mãcarea di cathi dzuã, shi un di voi lã dzãtsi a lor: "Adutsets-vã tu pace! Ncãldzãts-vã shi fãnãtits-vã!", sh-nu lã da a lor lucrili di cai elji au ananghi ti truplu, tsi hãiri ari? Tutashã pistea, macã nu ari fapti, easti moartã tu nãsã.
Macã un ari bunili a lumiljei aishtei sh-veadi fratili a lui cai easti tu ananghi sh-u ncljidi inima a lui, cum va armãnã la nãsu vrearea a Dumnidzãlui?