Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
काहाकी मे भुकलु हतलु, ने तुहुंं मेसे खाणे करीन आप्या; मे पीसलु हतलु, ने तुहुंं मेसे पाणी पीयाड़्या; मे पारका देसेन हतलु ने तुहुंं मेसे तारा घर मां ठेराया; मारे धड़े पेहरनेन पुथल्या नी हतला, ती तुहुंं मेसे पुथल्या पेहराया; मे मांदलु हतलु, ने तुहुंं मारी खबर लेदला मे जेल मां हतलु ने तुहुंं मेसेक भेळा हवणे आया। तत्यार धरमी तीना काजे जपाप आपसे, ए मालीक, हामु कत्यार तुसे काजे भुकलु देख्या ने खावड़्या? नीते पीसलु देख्या ने पाणी पीयाड़्या?" हामु कत्यार तुसे पारका देस वाळु देख्या ने आपणा घर मां बठाड़्या? नीते नांगेरलु देख्या ने पुथल्या पेहराया? हामु कत्यार तुसे मांदलु नीते जेल मां देख्या ने तुसे भेळा हवणे आया? तत्यार राजु तीनुक जपाप आपसे, मे तुंद्रे सी छाचलीन कह्वो की तुहुंं जे मारा हीनु नानला सी नानला भायसे मां सी काहनाक बी एक साते कर्या, च मारेत साते कर्या।
जु काहनुक तुंद्रे धड़े मांगे, ती तीनाक तुहुंं आप देजु; ने जु काहनुक तार सी उधार मांगे, ती तीनाक नी आपतु करीन मां कहुं।
तेरेन तसोत तुंद्रो वीजाळो माणसे पर चमके, काहाकी चे तुंद्रा वारलु कामेक देखे, ने जु तुंद्रु भगवान बास सरगे मां छे, चे बी तीना बासेन बड़ाय करसे।
आपु ती तुहुंंक बी भगवान आपसे, दड़पी-दड़पीन ने हालाड़ी-हालाड़ीन भरीन तुंद्रा खुळाम पड़से; काहाकी तीना नाप सी तुहुंं नापसु तीनीत नापे तुंद्रे वाटे बी नापायसे।
ने माणसे तीनाक असा पुछतेला, "ती हामु हय काय करजे?" चु तीनुक कह्यु, "तीना धड़े दुय कुट हय, ती चु एक कुट तीनाक आप देणु चाहजे, तेरे धड़े नी हय, ने तीना धड़े खाणु हय, चु बी तेरे धड़े नी हय तीनाक आप देणु चाहजे।"
आपणो धन वेच देवु, ने दीसरा गरीब माणसे काजे दान कर देवु। आपणे वाटे असा बटवा तीयार करु, जे कदी जुना हय्न फाटे नी। सरगे मां आखो धन भेळो करु, जो कमी नी हवे, ने तेरे धड़े चुरी करने चुट्टु नी जाय सके। ने तीना धनेक थयलि काटण्यु कीड़ु नी खाय। काहाकी चां तुंद्रो धन छे, चां तुंद्रो मन बी रवसे।
मारु हुकुम जु छे की जसु मे तुंद्रे सी परम करलु, तसा तुहुंं बी एक दीसरा सी परम करता रवजु।
आपसा दुस्तीदार सी परम करीन तींद्रे वाटे मरनु आखा सी मटु परम छे। असलु परम सी मटु काहनु बी परम नी हय।
मे तुहुंं काजे आखो काय करीन देखाड़्यु की हीनी रीत सी मेहनत करता जाय्न लुला काजे समाळजु ने मालीक ईसुन बुल हेर राखणु जरुरी छे।
असो कहणेन पछे हयु मांडा टेक्यु ने तींद्रे आखा साते दुवा कर्यु। तत्यार चे आखा रड़्या ने पोलुसेन गळे लागीन गुळा देणे लाग्या। चे खास करीन हीनी वातेन दुखी हतला चो हयु कहलु की तुहुंं मारो मुंहडो अळी नी देखसु तत्यार चे हीनाक ढंड्यान्चां पुगाड़्या।
चुखला माणसे काजे ज काय चाहजे तीनु काजे च आपीन तींद्री मदत करु; तींद्री मेजवानी करता रवु।
हेरेसी आपणु ताकतवाळा छे करीन तेरेसी आपणु काजे जे लुला माणसेन लुलाय मां मदत करनु चाहजे, ने आपसात काजे खुस नी करनु चाहजे।
असु करीन तुहुंं एक दीसरान काहनु बी बुजु हाकलीन सात देवु, ने ईने रीते तुहुंं ईसु मसीन परमेन नीयम पुरो करे।
तुंद्रे मायन काहनुक चुरी करता हय, ती चु चुरी करनु छुड़ देणु चाहजे, ने ईमानदारी सी वारलु काम करीन कमाय्णु चाहजे; ने असो काम करसे ती तेरे भीणी बी कसराय्ला माणसे वाटे देणे करीन बी रवसे।
तुंद्रे मायन एकेक जणु आपसीत फीकुर अतरी नी, बाकुन दीसरान भलायन फीकुर बी करु।
ए भायस ने बहणस्या! कदी काहनुक, कह्वे की मे ईसु पर भुरसु करो। बाकुन चु भुरसान अनसारे भलायन काम नी करे, ती असु भुरसु करने सी काय बी फायदु नी हवे असु भुरसु करन्या माणसेक, भगवान छुटकारु नी आपे। मान लेवु की काहना भायस नीते बहणीस धड़े पेहरने वाटे पुथल्या नी हय, ने दाहड़ीन खाणे वाटे खाणो बी नी हय; ने कदी तुंद्रे मायन काहनुक तीनीक नीते तीनाक कह्वे, खुस हय्न जात रव, "ने वारु हुपवाळा पुथल्या पेहरजी ने पेट भरीन खाणो खाजी।" बाकुन चु कहण्यु तीनुक डीलो वाटे ज चाहजे च नी आपे, ती तेरा कवला बुले, तेरा ने सामळन्यान काय बी फायदु नी करे। असु भुरसु बी भलायन कामे बीगुर मरलु छे।
बाकुन तीना काहानाक धड़े कळीन धन रवे ने चु आपणा भायस काजे जरुवत मां देखीन हेरे पर तरस नी खाणे चाहे, ती हेरेमां भगवानेन परम कसु बणीन रय सके?