Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
aɗagbete wɔ̃ɔ̃ sɨnrɛ ɔ ãng vishaanɛ n shaarɛ, suttu mang nyarɛ ɔ ã mii tɔ n ɓoorɛ, aɗagbete n aa zati awɔ wɛrɛ ɔ tɛn naa tɔ, Aɗagbete nsi bi waati ɔ ãng fãrã tosinɛ tɔ, n si vɔrɔ ɔ kɔntɔ, n si jaahɨm ɔ geennyatɔ. >
<<Kɛɗɔn shɔ tɔ̃vɨn i yɛ kasiunya ne, <Uɓeyelapa, u zɛa pi ɗavi a wɔ̃ɔ̃ni u shaararɛ viya, ko a sutu u ã mii boonɛ rɛ viya? U zɛa piɗavi shɔ zati u tɛa naa rɛ viya, wɔsɔ̃n aɗagbete asi bi watti u ã fãrã tosinɛ rɛ viya? U zɛa piɗavi a vɔrɔ u kɔarɛ viya ko a jaahɨm u gee a nyarɛ viya? >
<< Kpatiu yɛ risi nyarɛ nɛ, <vigbeten n gelɔɔ kɔ nizɛ, vigbete ɔkɛ pɛli shɔ javi ne fɛ̃ɛ̃ a koo, ɔ pɛli ji nkɔ.>
Shɔwɔ kɛ gaki vine aa naa a zãariu ɓa, shɔgbeteu kɛ kãa vikɔ̃nɛ nɛ aa naa a ãutɔ.
Ji nankɔ, mɔkɔ ma a ɔ̃ jo sẽsẽ a shɔ ɗekɨn, nɔgbete shɔ yɛ zɛvi tɔ̃vɨn aa bi shɔ bɛli meyeu gbete a kolapayɛ.
à shɔ vitɔ, Ɗalapa yɛ ãwɔ sɔ̃njo. Ɔ waa vimanɛ shɔyɛ yisɔɔ lot, yɛ tɛ̃ɛ̃ gãsi a ɓili, shɔ yɛ tɛ̃rɔɔ wɔ a naa nɔgbete ɔ yɛ sã yɛ. <<Waa vimanɛ gbete ɔ masi shɔvi awuni, Ɗalapa yɛ masa sɔ̃njo a ukɔ.>>
Kɛɗɔn mɔɔyi hɨunɛ, u yɛ pɛli kɛpikoviya?
Yɔhana kasi nyanɛ, <<Shɔgbete au visinbii kɛ ɔ̃nɛ ziti ɔ̃riutɛ kaka jazɨng akɔrɔ u ã shɔwɔjo gbete au ɓa awuni ɓa yɛ, shɔgbete u vishaanɛ a ɗɔnni i vɔsitɔ a shɔgbete au ɓɛɛ ɓayɛ.>>
Mɛli vi gbete awuni kpai a ã saa u kɛ shɔ raayi. Ɔ kãri ɔ yuu vi pɔ̃nɛ gbete yɛ lɛsi ɓa, ɔ pɔ̃ vinaa a kolapa, a ɗɔgbete shɔyɛ sẽu nɔɔ ɓa, aru ɓɔɔ yɛ zɛnɔɔ tunɛ ɓa, páà zɛnɔɔ lɛsinɛ ɓa. Aru ɗɔgbete a vinaa aɗɔn a sisɨn ji a ɗɔwakɔ.
N nya-ãsinɛ ukɔ ɔ̃rɛ nɛː ɔ ɔrii zɔtɔ, ji nagbete n ɔrɔɔ yɛ.
Ɔrinɛ pẽniba gbete ɔ yɛ tasi mɛsayi yɛ, ukɔ ɔ̃rɛ ɔ ãwɔ suru ai yuu.
N tasɔɔ a vim tɛttɔ kpai, ɔ̃tɛ kaka jazɨng akɔrɔ u pɔ̃si shɔ gbeteyi kaka vishonɛ ɓayɛ naatɔ, ɔ kpaa sisɨntɔ aru gbete Uɓeyelapa Yesu au yuu shayɛ nɛ, <<Shɔ gbeteyi ã shɔ vi Ɗa tasiyi susãritɔ bi fɛ̃ɛ̃m u tɛɛ shɔ gbeteyi viyɛtɔ.>>
Naa Bulus yisi nyanwanɛtɛ a ta a yugboti a gaki Ɗarɛ ayini. Kɛɗɔn kopiya sɨnɛrɛ waanɛ, i kɔ̃ti Bulus naarɛ abi i vasiu-nyarɛ. I kpai i sisɨn lɛsitɔ waanɛ aru gbete geliyinɛ i zɛu tokɨn ɓa dangdang. Kɛɗɔn i dɔ̃u dɔɔ rɛ yɛnɛ ɓuzɨn latosi.
Ɔ vasiɔɔ vinaatɔ a mɛzɔ kirisa gbeteyi ɓɛɛ ɓa yɛ ni, ɔ tɛɛ shɔzati i naatɔ awɔ wɛrɛni.
U shɔgbete ai sisɨn ãnɛ lakitɔ miyi, kɔritɔ u pɔ̃si shɔgbete ai sisɨn ãnɛ laki ɓam i naatɔ, ukɔ ɔrinɛ ɔ yuukɔ sheeli.
Ɔ pɔ̃si zɔ naatɔ a raaboonɛni, a nyabankɔ ɔ kɛ pɛlinɛ si ɔ yɛ gɨn Kirisi nya ãsinɛtɛ.
Akɛ ɔ̃nɛ shɔ ɓɔɔ ɓɔnɛ, ɔ̃raatɛ kaka jazɨng a kɔrɔ a yaa kati a gaa vishonɛ pɛlinɛ, aru a kpaa vigbete ɔ̃ a yuu tɔ̃vɨn, nɔgbete a yɛ pɔ̃si shɔraayi naa joyɛ.
Ɔkɔɔ kɔnɛ ɔ yuukɔ sheeli ama ɔ wesho jo zɔ gãsiyi ɓɛɛni.
N shɔ biyi, yɛ kɔri pikovi shɔu shanɛ nɛn sisɨn ãnɛ aɗɔn, ama u vishonɛ ji tasi namɓa viya? U sisɨn ãnɛ yɛ rau katiya? Naa u ɓɛzɔ̃yi au ɓenayi ɗɔn ai kã visinbii i vishaanɛ sɔ̃m ɓa. Naa shɔwɔ awɔ tete kɛ geliyinɛ<< Ɗalapa u tasɔɔ susãri biini! U ãwɔ visinbii a vishaanɛni ɔ sha tɔ̃vɨn!>> naa ɔji ãyi vimɓa, ɔpɛli vitɔ̃vɨng kɛpiya? Ji nankɔ a sisɨn ãnɛni: kɛ ɔ̃nɛ a yɔbũ ɓa vishonɛni ɓa, ɔ̃ kɛtɛ vɔrɔ.
Shɔu vinaa kɛ ɔ̃nɛ ɗɔn, kɛ zɛ ɓɛzɔ̃nɛ a raani jo pɔ̃siu naa ɓa, u yɛu shakɛpi kovi nɛi ɔri Ɗalapa tɔ viya?